22.1 C
Laos
Thursday, October 28, 2021

ໄຊຍະບູລີສໍາຫຼວດສະຖິຕິກະສິກໍາທົ່ວປະເທດຄັ້ງທີ III ໄດ້ແລ້ວ 130 ບ້ານ

ຂ່າວເດັ່ນອາທິດນີ້

ກອງປະຊຸມຄະນະຊີ້ນໍາລະດັບຊາດ, ລະດັບແຂວງ ສໍາລັບການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III ໄດ້ຈັດຂຶ້ນໃນວັນທີ 10 ທັນວານີ້. ຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນ ແຂວງໄຊຍະບູລີ ໂດຍໃຫ້ກຽດເຂົ້າຮ່ວມຂອງທ່ານ ສົມຈິດ ຈັນທະວົງ ຮອງເຈົ້າແຂວງໄຊຍະບູລີ, ທ່ານ ຮສ ປອ ລິນຄໍາ ດວງສະຫວັນ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ຄະນະຊີ້ນໍາລະດັບຊາດ. ການສໍາຫຼວດສະຖິຕິກະສິກໍາທົ່ວປະເທດ ຄັ້ງທີ III ມີຄະນະຊີ້ນໍາຂັ້ນສູນກາງ, ຂັ້ນແຂວງເຂົ້າຮ່ວມ.

Image may contain: 5 people, people sitting, table and indoor

ໃນພິທີ ທ່ານ ລັກສະນະ ວົງສຸເທບ ຫົວໜ້າສູນສະຖິຕິປະຈໍາ ແຂວງ ໄດ້ຂຶ້ນລາຍງານຫຍໍ້ກ່ຽວກັບການຈັດຕັ້ງປະຕິບັດການສໍາຫຼວດສະຖິຕິກະສິກໍາຄັ້ງທີ III ປີ 2020 ແຂວງໄຊຍະບູລີໄດ້ແຕ່ງຕັ້ງ ຄະນະຊີ້ນໍາການສໍາຫຼວດສະຖິຕິກະສິກໍາທົ່ວປະເທດຄັ້ງທີ III ຂັ້ນແຂວງ, ຂັ້ນເມືອງເຊິ່ງປະກອບມີຄະນະຊີ້ນໍາຂັ້ນແຂວງ 5 ທ່ານ, ຄະນະຊີ້ນໍາຂັ້ນເມືອງ 53 ທ່ານແລະຈໍານວນນັກກວດການັກເດີນສໍາຫຼວດທັງໝົດ 45 ທ່ານໃນນັ້ນນັກກວດກາມີ 13 ທ່ານນັກເດີນສໍາຫຼວດ 32 ທ່ານ

Image may contain: 5 people, people sitting, table and indoor

ຫຼັງຈາກສໍາເລັດດການຝຶກອົບຮົມນັກກວດກາຂັ້ນແຂວງທີ່ແຂວງວຽງຈັນທາງທິມງານຂັ້ນແຂວງກໍ່ຄືຫ້ອງການສໍາຫຼວດກະສິກໍາໄດ້ຈັດຝຶກອົບຮົມໃຫ້ນັກກວດກາແລະນັກສໍາຫຼວດສະຖິຕິກະສິກໍາເລີ່ມແຕ່ ວັນທີ 26/10/2020 -06/11/2020 ຈາກນັ້ນກໍ່ໄດ້ລົງປະຕິບັດສໍາຫຼວດເລີ່ມແຕ່ 15/ 11 / 2020- 10/12/2020 ແຂວງໄຊຍະບູລີມີບ້ານຕົວແທນເປົ້າໝາຍການສໍາຫຼວດທັງໝົດ 133 ບ້ານ ແລະ ມີ 2.122 ຄົວເຮືອນ ໃນນີ້ກ່ນສໍາຫຼວດຄັ້ງນີ້ໄດ້ແບ່ງອອກເປັນ14 ທີມ ແຕ່ລະທີມມີນັກສໍາຫຼວດ 2 ຄົນ ແລະ ນັກກວດກາ 1 ຄົນ ຜ່ານການລົງສໍາຫຼວດຕົວຈິງ ທົ່ວແຂວງໄຊຍະບູລີ ໄດ້ສໍາພາດທັງໝົດ 130 ບ້ານ ເທົ່າກັບ 97,74% ຂອງບ້ານເປົ້າໝາຍມີຈໍານວນຄົວເຮືອນ 2.074 ຄົວເຮືອນ ເທົ່າກັບ 98% ແລະ ຍັງສືບຕໍ່ສໍາພາດ ໃຫ້ສໍາເລັດ

Image may contain: 3 people, people sitting

ໃນປີ ນີ້ ມີ 3 ບ້ານ ຈາກນັ້ນ ທ່ານ ຮສປອ ລິນຄໍາ ດວງສະຫວັນ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ຄະນະຊີ້ນໍາການສໍາຫຼວດກກະສິກໍາທົ່ວປະເທດຄັ້ງທີ III ໄດ້ໃຫ້ກຽດໂອ້ລົມກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍການນໍາແຂວງໄຊຍະບູລີ ທີ່ໄດ້ເອົາໃຈໃສ່ຊີ້ນໍາໆພາ ການເດີນສໍາຫຼວດກະສິກໍາຄັ້ງທີ III ໄດ້ຮັບຜົນສໍາເລັດທີ່ໜ້າເພິ່ງພໍໃຈ, ມີຄວາມສະຫງົບປອດໄພ ນັກສໍາຫຼວດ ນັກກວດກາ ກໍ່ມີຄວາມຮູ້ຄວາມສາມາດ ແລະ ຜູ້ໃຫ້ຂໍ້ມູນກໍ່ມີຄວາມຈິງໃຈ ຮ່ວມໄມ້ຮ່ວມມືເປັນຢ່າງດີ ຜົນ ໄດ້ຮັບຖືວ່າໄດ້ຕາມລະດັບຄາດໝາຍ ພ້ອມນີ້ທ່ານ ຍັງໄດ້ຮຽກຮ້ອງໃຫ້ສືບຕໍ່ຈັດຕັ້ງປະຕິບັດຕາມແຜນການທີ່ຍັງບໍ່ທັນສໍາເລັດໃຫ້ສໍາເລັດຕາມລະດັບຄາດໝາຍ.

ຂ່າວ: ບຸນທີ.

- Advertisement -
- Advertisement -

ເລື່ອງລາວຫຼ້າສຸດມື້ນີ້