ວັດສີພູມປະດິດຖາຣາມ ຕັ້ງຢູ່ ບ້ານສີພູມ, ເຊິ່ງເປັນບ້ານໜຶ່ງທີ່ຕັ້ງຢູ່ພາຍໃນເທດສະບານເມືອງແກ່ນທ້າວ, ແຂວງໄຊຍະບູລີ . ສ່ວນການເດີນທາງນັກທ່ອງທ່ຽວແມ່ນສາມາດໄປທ່ຽວຊົມວັດສີພູມ ໂດຍທາງລົດໄດ້ຢ່າງສະດວກສະບາຍ.

Image may contain: sky, cloud, tree and outdoor

.

Image may contain: sky and outdoor

.

Image may contain: sky, tree and outdoor, text that says 'KHAMTHAVONE'S'

ວັດສີພູມ ຖືກສ້າງຂຶ້ນມາໄດ້ປະມານ 600 ກວ່າປີ (ໃນຊ່ວງລະຫວ່າງ ສະຕະວັດທີ 15) ໂດຍແມ່ນ ນາງ ແພງສີ ເປັນຜູ້ນຳພາສ້າງຂຶ້ນ. ນາງ ແພງສີ ແມ່ນລູກຄົນທີໜຶ່ງ ໃນຈຳນວນລູກສອງຄົນ ຂອງພະຍາ ທ້າວ ແກ່ນ ແລະ ນາງ ເຈັດຜິວ ເຊິ່ງເປັນຜູ້ກໍ່ຕັ້ງເມືອງແກ່ນທ້າວຂຶ້ນມາ ໃນສະຕະວັດທີ 15.

Image may contain: one or more people, people sitting and outdoor

.

Image may contain: sky, tree, house, plant and outdoor

.

Image may contain: tree and outdoor

ພະຍາທ້າວແກ່ນ ແລະ ນາງ ເຈັດຜິວ ມີຈຸດປະສົງຢາກສຶກສາອົບຮົມສັ່ງສອນ ນາງ ແພງສີ ຜູ້ເປັນລູກສາວ ໃຫ້ເປັນແມ່ຍິງທີ່ພຽບພ້ອມໄປດ້ວຍກິລິຍາມາລະຍາດ, ຄວາມອ່ອນນ້ອມຖ່ອມຕົນ, ຮູ້ຈັກຕ່ຳຫູກທໍໄໝ, ເຮັດວຽກເຮືອນການຊານ ແຕ່ນາງ ແພງສີ ພັດມັກໄປທາງການຮ່ຳຮຽນວິຊາອາຄົມນຳພວກຜູ້ຊາຍ. ຈົນນາງມີຄວາມສາມາດເກັ່ງກ້າ, ມີວິຊາອາຄົມຫຼາຍພໍສົມຄວນ.

Image may contain: sky, plant, tree, outdoor and nature

.

Image may contain: sky and outdoor

ພາຍຫຼັງທີ່ ທ້າວ ໂທດຳ ຜູ້ເປັນລູກຄົນທີສອງ ຂອງພະຍາ ທ້າວ ແກ່ນ ໄດ້ເກີດອຸບັດຕິເຫດຕົກນ້ຳເຫືອງເຮັດໃຫ້ເສຍຊີວິດ, ພະຍາ ທ້າວ ແກ່ນ ຈຶ່ງກິນບໍ່ແຊບນອນບໍ່ລັບ, ສຸຂະພາບອ່ອນເພຍ, ເກີດມີອາການເຈັບປ່ວຍຈົນເຖິງແກ່ຊີວິດ. ນາງ ແພງສີ ຈຶ່ງໄດ້ຂຶ້ນຄອງເມືອງແທນພໍ່ຂອງຕົນ, ຂ່າວດັ່ງກ່າວ ໄດ້ແຜ່ໄປທົ່ວທຸກສາລະທິດ ເຮັດໃຫ້ພວກຜູ້ຊາຍຜູ້ທີ່ມີວິຊາອາຄົມ ຢາກມາປະລອງສີມືກັບ ນາງ ແພງສີ . ສະນັ້ນ, ເສນາອາມາດຈຶ່ງໄດ້ປ່າວປະກາດໄປແຕ່ລະເມືອງ ເພື່ອຈັດງານການປະລອງສີມືຂອງ ນາງ ແພງສີ, ບັນດາພວກຜູ້ຊາຍ ທີ່ມາປະລອງສີມືກັບນາງ ລ້ວນແລ້ວແຕ່ພາດທ່າເສຍທີໃຫ້ກັບ ນາງ ໝົດທຸກຄົນ. ຕໍ່ມານາງ ແພງສີ ເປັນພະຍາຄອງເມືອງໄດ້ຫຼາຍປີ ແຕ່ບໍ່ມີຄູ່ຄອງ, ເສນາອາມາດຈຶ່ງໄດ້ກາບທູນວ່າ: ເຖິງເວລາແລ້ວ ທີ່ນາງຈະມີຄູ່ຄອງ ເມື່ອໄດ້ຍິນແນວນັ້ນ ນາງ ແພງສີ ກໍບໍ່ໄດ້ຂີນ ຈຶ່ງມອບໃຫ້ເສນາອາມາດ ເປັນຜູ້ຈັດພິທີເລືອກຄູ່ຄອງ, ແຕ່ຜ່ານການເລືອກຄູ່ເຖິງ 3 ຄັ້ງ ກໍຍັງບໍ່ມີໃຜເໝາະສົມ ທີ່ຈະອະພິເສກສົມລົດໄດ້ ສະນັ້ນ, ນາງ ແພງສີ ຈຶ່ງຢູ່ແຕ່ພຽງຜູ້ດຽວຕະຫຼອດມາ.

Image may contain: sky and outdoor

.

Image may contain: 2 people, indoor

ຍ້ອນຄວາມສຳນຶກເຖິງບຸນຄຸນຂອງບັນດາບັນພະບຸລຸດ ແລະ ເຖົ້າແກ່ບູຮານ ນາງ ແພງສີ ຈຶ່ງໄດ້ສ້າງວັດໜຶ່ງຂຶ້ນ ກໍຄື “ວັດສີພູມ” ເພື່ອເປັນການສົມມາຄາລະວະ ຕໍ່ດວງວິນຂອງບັນພະບຸລຸດ ແລະ ກໍ່ທາດ ເພື່ອອຸທິດບຸນກຸສົນ ໃຫ້ແກ່ພໍ່ແມ່ ແລະ ເຫລົ່າເສນາອາມາດ ຜູ້ທີ່ຈົງຮັກພັກດີຕໍ່ຜູ້ເປັນພໍ່ ທີ່ໄດ້ລ່ວງລັບໄປແລ້ວນັ້ນຄື: ທາດມິ່ງ, ທາດເມືອງ, ທາດ ນາງ ເຈັດຜິວ ເປັນຕົ້ນ

Image may contain: table and outdoor

.

Image may contain: one or more people, people standing and outdoor

ໃນທຸກໆປີ ມື້ຂຶ້ນ15ຄ່ຳເດືອນ 7 ວັດສີພູມຈະໄດ້ມີການຈັດງານບຸນຄົບງັນຕາມປະເພນີເຊັ່ນ: ຕອນເຊົ້າຈະມີການຈູດບັ້ງໄຟຫາງ ແລະ ການແຫ່ງຕ່າງໆ ສ່ວນຕອນຄ່ຳຈະມີງານຕະຫລາດນັດ, ການຈູດບັ້ງໄຟດອກ, ການສະແດງໝໍລຳ, ແລະ ກິດຈະກຳອື່ນໆ. ເພື່ອເປັນການບູຊາ ໃຫ້ແກ່ບ້ານເມືອງມີຄວາມຢູ່ເຢັນເປັນສຸກ ຕາມຄວາມເຊື່ອສືບທອດກັນມາຈົນເຖິງປັດຈຸບັນ.

Image may contain: sky and outdoor

.

Image may contain: sky and outdoor

.

Image may contain: sky, cloud, tree and outdoor

ຂ່າວ-ພາບໂດຍ:Khamthavone Sinmany 

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here