ໃນວັນທີ 9 ທັນວາ 2020 ທີ່ຜ່ານມານີ້ການນຳກອງພົນຫານຮາບທີ 4 ໄດ້ຈັດຕັ້ງໜ່ວຍງານລົງຕິດຕາມກວດກາຄວາມພ້ອມໃນການຝຶກຊ້ອມຫັດແອບວິຊາສະເພາະເຫຼົ່າຮົບປືນໃຫຍ່ໜ້າດິນປະຈໍາປີ 2020 ຢູ່ທີ່ກອງພັນ 619 ກອງພົນທີ 4
ນໍາໂດຍ ສະຫາຍ ພັນໂທ ບຸນທັນ ແກ້ວພູວົງ ຄະນະພັກກອງພົນ ຫົວໜ້າຫ້ອງເສນາທິການກອງພົນທະຫານຮາບທີ4 ພ້ອມດ້ວຍບັນດາອານຸກໍາມະການ,ໜ່ວຍງານພະແນກການທີ່ກ່ຽວຂ້ອງລົງຕິດຕາມຢ່າງພ້ອມພຽງ.
ຈຸດປະສົງໃນການລົງກວດກາການຝຶກຊ້ອມຫັດແອບວິຊາສະເພາະເຫຼົ່າຮົບປືນໃຫຍ່ໜ້າດິນປະຈໍາປີ 2020 ໃນຄັ້ງນີ້ກໍ່ເພື່ອປະຕິບັດຕາມຄຳສັ່ງຂອງຄະນະພັກ – ຄະນະບັນຊາກອງພົນທະຫານຮາບທີ 4 ແລະ ທັງເປັນການກວດສອບຄວາມພ້ອມເຕັກນິກ,ຄຸນນະພາບ,ສະມັດຖະພາບ,ຄວາມຮູ້ຄວາມສາມາດທາງດ້ານວິຊາສະເພາະເຫຼົ່າຮົບຂອງຕົນ,ຄວາມສາມາດຂອງຄະນະພັກ – ຄະນະບັນຊາກອງພັນໃນການເຄື່ອນກໍາລັງອອກຈາກທີ່ຕັ້ງເດີມເຂົ້າສູ່ຂອບເຂດເຕົ້າໂຮມປິດລັບ,ສະມັດຖະພາບຂອງອາວຸດ – ຍຸດໂທປະກອນຂອງກອງທັບທີ່ຂັ້ນເທິງປະກອບໃຫ້,
ກວດກາການປະຕິບັດໜ້າທີ່ກໍາລັງປະຈຳການຫັນພາວະເພີ່ມທະວີຂື້ນສູ່ພາວະຄົບຖ້ວນເພື່ອຝຶກແອບຕົວຈິງ,ຫຼັກການບັນຊາທາງດ້ານການທະຫານຄວາມຮູ້ຄວາມສາມາດຂອງບັນດານາຍ ແລະ ພົນທະຫານເຫຼົ່າຮົບປືນໃຫຍ່ໜ້າດິນ,ໃຫ້ກາຍເປັນນັກຮົບທີ່ມີຄວາມຊຳນິ – ຊໍານານ,ເປັນນັກຍິງທີ່ມີສະຕິລະວັງຕົວ,ມີຄວາມແມ້ນຢໍາຊັດເຈນໃນການດັບສູນເປົ້າໝາຍ,ມີລະບຽບວິໃນເຂັ້ມງວດ,ມີແນວຄິດຫຼັກໝັ້ນການເມືອງໜັກແໜ້ນ,ມີສິນທຳປະຕິວັດ,ກໍາແໜ້ນຫຼັກການ ແລະ ຮູ້ໝູນໃຊ້ທິດສະດີທາງດ້ານສິລະປະຍຸດ – ຍຸດທະວິທີທາງດ້ານການທະຫານ,ຮູ້ການປະກອບສ້າງຂອງອາວຸດ – ຍຸໂທປະກອນ
ເພື່ອຮັບປະກັນໃນການເຄື່ອນໄຫວອົບຮົມຫັດແອບຝຶກຊ້ອມຍິງລູກປືນແທ້ໃນຄັ້ງນີ້ໄດ້ຮັບໝາກຜົນຕາມຈຸດປະສົງ ແລະ ຮັບປະກັນຄວາມປອດໄພ 100% ແລະ ເຮັດໃຫ້ນາຍ ແລະ ພົນທະຫານເຫຼົ່າຮົບວິຊາສະເພາະປືນໃຫຍ່ໜ້າດິນມີຄວາມຊໍານິຊໍານານໃນການກຽມພ້ອມສູ້ຮົບ.
ພາບ – ຂ່າວ ສຸລິວັນ ແສນບຸດຕະລາດ ກອງພົນທີ 4
