ໃນວັນທີ 8 ທັນວາ 2020 ນີ້, ຢູ່ທີ່ສະໂມສອນກອງພົນທະຫານຮາບທີ 4 ໄດ້ຈັດຕັ້ງພິທີປະກາດເລື່ອນຊັ້ນນາຍທະຫານ ຊັ້ນ ພັນຕີ ຂຶ້ນ ຊັ້ນ ພັນໂທ ບັນດາກຳລັງຫຼວງ ແລະ ກຳລງທ້ອງຖິ່ນຢູ່ເຂດພາກກາງ ໂດຍການເປັນປະທານຂອງສະຫາຍ ພົນຈັດຕະວາ ວົງສອນ ອິນປານພິມ ກຳມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ,ມີສະຫາຍ ພັນໂທ ຄຳເອ້ຍສຸກແສງເໜືອຮອງຫົວໜ້າກົມພະນັກງານ ກົມໃຫຍ່ການເມືອງກອງທັບ , ມີສະຫາຍ ພັນເອກ ສົມຈິດ ກິດຕິຍະລາດ ເລຂາຄະນະພັກກອງພົນ, ຫົວໜ້າການເມືອງກອງພົນທະຫານຮາບທີ 4, ມີກອງບັນຊາການທະຫານແຂວງ ສະຫວັນນະເຂດ, ຄຳມ່ວນ, ບໍລິຄຳໄຊ, ກອງພັນໃຫຍ່ລຳລຽງ 402, ກອງພັນໃຫຍ່ 644,ກອງພັນໃຫຍ່ 642, ໂຮງໝໍບໍລິເວນ 109, ໂຮງງານປະສານເຫຼົ່າພາກກາງ, ສາງນ້ຳມັນເລກ 7 ແລະ ພ້ອມດ້ວຍຜູ້ທີ່ໄດ້ຮັບການເລື່ອນຊັ້ນຈຳນວນພົນເຂົ້າຮ່ວມທັງໝົດ 75 ສະຫາຍ.

ສະຫາຍ ພັນໂທ ຄຳເອ້ຍ ສຸກແສງເໜືອ ຮອງຫົວໜ້າກົມພະນັກງານ, ກົມໃຫຍ່ການເມືອງກອງທັບໄດ້ໃຫ້ກຽດຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ, ອີງຕາມກົດໝາຍຂອງນາຍທະຫານກອງທັບປະຊາຊົນລາວ (ສະບັບປັບປຸງ) ປີ 2018 ໃນພາກທີ IIໝວດທີ IIIມາດຕາທີ 22 ແລະ ມາດຕາທີ 23 ວ່າດ້ວຍການເລື່ອນຊັ້ນໃຫ້ນາຍທະຫານກອງທັບປະຊາຊົນລາວບັນດາກຳລັງຫຼວງ ແລະ ກຳລັງທ້ອງຖິ່ນຢູ່ເຂດພາກກາງທັງໝົດຈຳນວນ 75 ສະຫາຍ, ໃນນີ້ກອງພົນທະຫານຮາບທີ 4 ມີ 15 ສະຫາຍ, ກອງບັນຊາການທະຫານແຂວງ ສະຫວັນນະເຂດມີ 13 ສະຫາຍ, ກອງບັນຊາການທະຫານແຂວງ ຄຳມ່ວນ ມີ 16 ສະຫາຍ, ກອງບັນຊາການທະຫານແຂວງ ບໍລິຄຳໄຊ ມີ 15 ສະຫາຍ, ກອງພັນໃຫຍ່ 642ມີ 6 ສະຫາຍ, ກອງພັນໃຫຍ່ 644 ມີ 4 ສະຫາຍ, ກອງພັນໃຫຍ່ 402 ມີ 1 ສະຫາຍ, ໂຮງໝໍບໍລິເວນ 109 ມີ 3 ສະຫາຍ, ໂຮງງານປະສານເຫຼົ່າພາກກາງ ມີ 1 ສະຫາຍ, ສາງນ້ຳມັນເລກ 7 ມີ 1 ສະຫາຍ

ໃນໂອກາດທີ່ມີຄວາມໝາຍຄວາມສຳຄັນນີ້ ສະຫາຍ ພົນຈັດຕະວາ ວົງສອນ ອິນປານພິມ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບໄດ້ກ່າວສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍ ບັນດາກຳລັງຫຼວງ ແລະ ກຳລັງທ້ອງຖິ່ນຢູ່ເຂດພາກກາງທີ່ໄດ້ຮັບການເລື່ອນຊັ້ນ, ພ້ອມທັງຮຽກຮ້ອງໃຫ້ຄະນະພັກ – ຄະນະບັນຊາຕະຫຼອດຮອດບັນດາສະຫາຍທີ່ໄດ້ຮັບການເລື່ອນຊັ້ນໃໝ່ໃນຄັ້ງນີ້, ຈົ່ງເພີ່ມທະວີວຽກງານການເມືອງແນວຄິດໃຫ້ສູງກວ່າເກົ່າ, ເຊື່ອມຊຶມກຳແໜ້ນແນວທາງຂອງພັກ – ລັດຢ່າງເລິກເຊິ່ງ, ເສີມຂະຫຍາຍ ແລະ ຈັດຕັ້ງປະຕິບັດໃຫ້ຖືກຕ້ອງ, ເສີມຂະຫຍາຍທາດແທ້ມູນເຊື້ອປະຕິວັດ, ມີຄວາມສາມັກຄີພາຍໃນ – ພາຍນອກໃຫ້ເປັນປຶກແຜ່ນແກນສານ, ເປັນເຈົ້າການພັດທະນາຕົນເອງໃນທຸກດ້ານຕິດພັນກັບ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ, ມີສະຕິຕື່ນຕົວຕໍ່ການຈັດຕັ້ງລະບຽບວິໃນຂອງກອງທັບກໍ່ຄືຂອງກົມກອງວາງອອກຢ່າງເຂັ້ມງວດ, ສືບຕໍ່ບຸກບືນຝຶກຝົນຫຼໍ່ຫຼອມທາງດ້ານຄຸນສົມບັດສິນທຳປະຕິວັດ, ປະຕິບັດລວມສູນປະຊາທິປະໄຕ ເຮັດວຽກເປັນໝູ່ຄະນະ ແບ່ງວຽກໃຫ້ບຸກຄົນຮັບຜິດຊອບ, ສຸມທຸກເຮື່ອແຮງແລະ ສະຕິປັນຍາຂອງຕົນເຂົ້າໃນວຽກງານລວມຂອງກົມກອງໃຫ້ມີທ່າກ້າວກາຍເປັນກົມກອງທີ່ມີລະບຽບແບບແຜນທັນສະໃໝໃນຕໍ່ໜ້າ, ເຂົ້າຮ່ວມທຸກຂະບວນການເພື່ອກຽມຂ່ຳນັບຮັບຕ້ອນວັນສຳຄັນຂອງຊາດ ຂອງກອງທັບໃຫ້ເປັນຂະບວນການຟົດຟື້ນຕໍ່ເນື່ອງ.

.

ຂ່າວ: ໂພຄຳ ພອນປະເສີດ, ພາບ: ບົວຄຳ ທອງລັດສະໝີ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here