ປະຊາຊົນບ້ານໂພນພິມ ເມືອງທ່າແຂກ ແຂວງຄໍາມ່ວນ ໃຊ້ເວລາພຽງ 1 ເດືອນກວ່າໃນການສ້າງທາງເບຕົງ ມີຄວາມຍາວຍາວ 250 ແມັດ ເຂົ້າບ້ານ ໂດຍເຮື່ອແຮງຂອງພໍ່ແມ່ປະຊາຊົນເອງ ແລະ ການປະກອບສ່ວນທຶນຮອນ. ວັດຖຸ ຈາກພາກສ່ວນຕ່າງໆ.

.

ທ່ານ ແກ້ວອຸດອນ ພົງສະຫວັດ ຮອງນາຍບ້ານໂພນພິມ ໄດ້ກ່າວວ່າ: ໂຄງການກໍ່ສ້າງທາງເບຕົງ ເຂົ້າບ້ານ ໂພນພິມ ແມ່ນຢູ່ພາຍໃຕ້ແຜນງານຂອງບ້ານ ຮ່ວມກັບ ວັດ ແລະ ຄວາມເຫັນດີເຫັນພ້ອມຂອງຄະນະພັກ, ການຈັດຕັ້ງ ແລະ ພໍ່ແມ່ປະຊາຊົນ ທີ່ມີຄວມຮຽກຮ້ອງຕ້ອງການຢາກໃຫ້ມີເສັ້ນທາງຜ່ານບ້ານ ເພື່ອການສັນຈອນ ໄປ-ມາ ມີຄວາມສະດວກສະບາຍ ກໍ່ຄືການຍົກລະດັບຈາກທາງດິນແດງໃຫ້ເປັນທາງເບຕົງ. ຜ່ານການກະກຽມມາໄດ້ໄລຍະໜຶ່ງ ຈຶ່ງໄດ້ເລີ່ມລົງມືຈັດຕັ້ງປະຕິບັດ. ເຊິ່ງທຶນຮອນກ້ອນທຳອິດແມ່ນໄດ້ມາຈາກການປະກອບສ່ວນຂອງວັດ ບ້ານໂພນພິມ ພ້ອມທັງໄດ້ປຸກລະດົມຈາກພໍ່ແມ່ປະຊາຊົນ ແລະ ພາກສ່ວນຕ່າງໆ

.

ໂດຍນຳໃຊ້ເຮື່ອແຮງຂອງພໍ່ແມ່ປະຊາຊົນ ພາຍໃນບ້ານ ເຊິ່ງໄດ້ແບ່ງຄວາມຮັບຜິດຊອບໃຫ້ແຕ່ລະໜ່ວຍ ພັດປ່ຽນກັນກໍ່ສ້າງໃນແຕ່ລະວັນ. ໂຄງການດັ່ງກ່າວແມ່ນໄດ້ເລີ່ມລົງມືກໍ່ສ້າງໃນວັນທີ 01 ພະຈິກ 2020 ມີຄວາມຍາວປະມານ 250 ແມັດ, ກວ້າງ 4,6 ແມັດ, ລວມມູນຄ່າການກໍ່ສ້າງປະມານ 60 ລ້ານກວ່າກີບ ແລະ ຄາດວ່າຈະໃຫ້ສໍາເລັດໃນກາງເດືອນທັນວາ 2020 ນີ້.

.

ທ່ານ ແກ້ວອຸດອນ ພົງສະຫວັດ ກ່າວຕື່ມວ່າ: ຜ່ານການຈັດຕັ້ງປະຕິບັດ ເຫັນໄດ້ວ່າພໍ່ແມ່ປະຊາຊົນພາຍໃນບ້ານ ແມ່ນມີຄວາມຕື່ນຕົວສູງໃນການປະກອບສ່ວນ ແລະ ມີຄວາມສາມັກຄີ ຮ່ວມແຮງຮ່ວມໃຈກັນ ຈຶ່ງເຮັດໃຫ້ໂຄງການດັ່ງ ກ່າວປະສົບຜົນສຳເລັດໄປດ້ວຍດີ. ສຳລັບແຜນການໃນອະນາຄົດແມ່ນຄາດວ່າຈະສືບຕໍ່ນຳພາປະຊາຊົນກໍ່ສ້າງທາງຊອຍ ເຂົ້າຫາສົ້ນບ້ານ ໂດຍມີໄລຍະທາງປະມານ 100 ກວ່າແມັດ ທັງນີ້ກໍ່ອີງໃສ່ການປະກອບສ່ວນວັດຖຸ, ທຶນຮອນຈາກ ພາກສ່ວນຕ່າງໆ ແລະ ຕາມກຳລັງແຮງຂອງຄະນະພັກ, ປະຊາຊົນພາຍໃນບ້ານ.

.

.

ຂ່າວຈາກ: Khammouane News

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here