ໃນວັນທີ 8 ທັນວາ 2020 ຜ່ານມານີ້ຢູ່ທີ່ດ່ານບ້ານວັງ ເມືອງໝື່ນ ແຂວງວຽງຈັນ ໄດ້ຈັດພິທີມອບ-ຮັບຫ້ອງການປະສານງານຊາຍແດນ (BLO) ທີ່ບ້ານວັງ ໂດຍການເປັນປະທານຂອງທ່ານ ພັທ ຄຳຟອງ ວົງດາລາແສນ ຮອງຫົວໜ້າກອງບັນຊາການ ປກສ ແຂວງວຽງຈັນ ເປັນກຽດເຂົ້າຮ່ວມຂອງ ທ່ານ ພັອ ອານຸເດດ ຄູນຄຳ ຄະນະປະຈຳຫ້ອງວ່າການ ຮອງຫົວໜ້າຫ້ອງວ່າການ ກະຊວງ ປກສ, ທ່ານ ແສງເດືອນ ໂພມະວົງສາ ເຈົ້າໜ້າທີ່ຂອງອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳປະຈຳ ສປປ ລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ພັທ ຄໍາຟອງ ວົງດາລາແສນ ຮອງຫົວໜ້າກອງບັນຊາການ ປກສ ແຂວງວຽງຈັນ ຂຶ້ນລາຍງານຜົນສຳເລັດ ຂອງບໍລິສັດ ຈິດຕະລາດ ກໍ່ສ້າງສ້ອມແປງເຄຫະສະຖານ ຫ້ອງການປະສານງານຊາຍແດນ (BL0)ໄດ້ຖືກສ້າງຂື້ນດ້ວຍທຶນຊ່ວຍເຫຼືອ ຂອງອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກໍາ (UNODC) ແລະ ບໍລິສັດ ຈິດຕະລາດ ກໍ່ສ້າງສ້ອມແປງເຄຫາສະຖານ ຈໍາກັດເປັນຜູ້ຮັບເໝົາກໍ່ສ້າງ

ຊຶ່ງໄດ້ລິເລີ່ມສ້ອມແປງກໍ່ສ້າງນັບແຕ່ວັນທີ 07 ກັນຍາ 2020 – 30 ຕຸລາ 2020 ຈຶ່ງໄດ້ສໍາເລັດລວມມູນຄ່າ 178.231.200 ກີບ(ໜຶ່ງຮ້ອຍເຈັດສິບແປດລ້ານສອງຮ້ອຍສາມສິບເອັດພັນສອງຮ້ອຍກີບ) ການສ້າງຫ້ອງການປະສານງານຊາຍແດນ (BLO) ທີ່ບ້ານວັງ ເມືອງໝື່ນ ແຂວງວຽງຈັນ ໄດ້ສະເເດງເຖິງການຈັດຕັ້ງປະຕິບັດແຜນຍຸດທະສາດຄວບຄຸມ ສະກັດກັ້ນ ແລະ ຕ້ານຢາເສບຕິດ ແລະ ການຊີ້ນຳ-ນຳພາຂອງຄະນະພັກ-ຄະນະບັນຊາ ໂດຍມີຈຸດປະສົງ: ຕ້ານການຜະລິດ, ການປຸງແຕ່ງ, ການຊົມໃຊ້ຢາເສບຕິດ ແລະ ຕ້ານການລັກລອບຊື້-ຂາຍ, ລໍາລຽງຂົນສົ່ງຢາເສບຕິດຜິດກົດໝາຍຕາມແນວຊາຍເເດນ ເພື່ອປ້ອງກັນບໍ່ໃຫ້ຄົນໃນທົ່ວສັງຄົມທໍາຜິດກົດໝາຍ ໂດຍສະເພາະຊາວໜຸ່ມ, ເຍົາວະຊົນຂອງຊາດ ລຸ້ນສືບທອດຕົກເປັນທາດຂອງຢາເສບຕິດ, ເຮັດໃຫ້ສັງຄົມມີຄວາມສະຫງົບສຸກ, ປອດໄພ ແລະ ເປັນລະບຽບຮຽບຮ້ອຍດີ, ບໍ່ໃຫ້ມີປະກົດການຫຍໍ້ທໍ້ເກີດຈາກບັນຫາຢາເສບຕິດກາຍເປັນໄພຂົ່ມຂູ່ຕໍ່ຄວາມໝັ້ນຄົງ, ຕໍ່ສະຖຽນລະພາບທາງດ້ານການເມືອງກໍຄືແນວທາງປ່ຽນໃໝ່ຮອບດ້ານຂອງພັກ.

ໃນໂອກາດນີ້ ບັນດາທ່ານ, ຄະນະພັກ, ອໍານາດການປົກຄອງແຕ່ລະຂັ້ນ, ພະນັກງານ-ນັກຮົບຕະຫຼອດຮອດພໍ່ແມ່ປະຊາຊົນ ເຂົ້າຮ່ວມໃນພິທີມອບ-ຮັບຫ້ອງການປະສານງານຊາຍແດນ (BLO) ເພື່ອເປັນສັກຂີພິຍານຮ່ວມໃນການຕັດແຖບຜ້າ ເພື່ອເປີດນຳໃຊ້ຫ້ອງການປະສານງານຊາຍແດນ (BLO)ບ້ານວັງ ເມືອງໝື່ນ ແຂວງວຽງຈັນ ຢ່າງເປັນທາງການ.

.

ຂ່າວ: ປກສ ແຂວງວຽງຈັນ ດວງມະນີ 55477832

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here