22.1 C
Laos
Thursday, October 28, 2021

ຊາວເມືອງໂຂງ ຍິນດີຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າຮ່ວມງານສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ

ຂ່າວເດັ່ນອາທິດນີ້

ຊາວເມືອງໂຂງ ຍິນດີຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າຮ່ວມງານສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ ແລະ ງານປະເພນີບຸນຊວງເຮືອປະຈຳປີ 2020 ລະຫວ່າງວັນທີ 11-12 ເດືອນ ທັນວາ ນີ້.

.

ກິດຈະກຳພາຍໃນງານດັ່ງກ່າວປະກອບມີ: ການແຂ່ງກິລາທາງບົກ ແລະ ທາງນ້ຳ; ນອກຈາກການແຂ່ງຂັນກິລາດັ່ງກ່າວແລ້ວ ຍັງມີການວາງຂາຍສິນຄ້າຊຶ່ງເປັນຜະລິດຕະພັນຈາກທ້ອງຖິ່ນເປັນຕົ້ນ: ສົ້ມປາ, ປາແຫ້ງ, ປາກະເຕົາ, ນ້ຳຕານກ້ອນ ແລະ ເຄື່ອງຈັກສານອື່ນໆ. ໃນເວລາກາງຄືນຍັງມີການຄົບງັນຕາມປະເພນີເປັນຕົ້ນ: ຊົມການສະແດງລຳເລື່ອງ, ສິລະປະພື້ນເມືອງຈາກເຜົ່າເບຣົ່າ ແລະ ວົງດົນຕີ ເພື່ອສ້າງຄວາມບັນເທິງແກ່ແຂກທັງພາຍໃນ ແລະ ຕ່າງປະເທດທີ່ເຂົ້າມາທ່ຽວພາຍໃນງານ.

.

.

ການຈັດງານສະເຫຼີມສະຫຼອງ ແລະ ງານປະເພນີບຸນຊວງເຮືອຄັ້ງນີ້ ກໍເພື່ອອະນຸລັກຮີດຄອງປະເພນີທີ່ບັນພະບູລຸດເຄີຍປະຕິບັດຕົກທອດກັນ ມາເປັນເວລາດົນນານ, ທີ່ສຳຄັນເປັນການເປີດກວ້າງແກ່ແຂກທັງພາຍໃນ ແລະ ຕ່າງປະເພດເຂົ້າມາສຳຜັດກັບວິຖິຊີວິດຮີດຄອງປະເພນີ ແລະ ເປັນການໂຄສະນາແຫຼ່ງທ່ອງທ່ຽວພາຍໃນເມືອງໂຂງ ທີ່ມີແຫຼ່ງທ່ອງທ່ຽວທາງປະຫວັດສາດ, ວັດທະນະທຳ ແລະ ທຳມະຊາດຫຼາຍກວ່າ 30 ແຫ່ງໃຫ້ສັງຄົມໄດ້ຮັບຮູ້.

- Advertisement -
- Advertisement -

ເລື່ອງລາວຫຼ້າສຸດມື້ນີ້