ໂດຍປະຕິບັດຕາມ ລັດຖະດໍາລັດ ຂອງປະທານປະເທດ ສະບັບເລກທີ 201/ປປທ, ວ່າດ້ວຍການໃຫ້ ອະໄພຍະໂທດປ່ອຍຕົວນັກໂທດ ຊ່ວງໄລຍະປ້ອງກັນສະກັດກັ້ນ ແລະ ຄວບຄຸມການແຜ່ລະບາດຂອງພະຍາດ ອັກເສບປອດຈາກເຊື້ອຈຸລາໂລກ ສາຍພັນໃໝ່ ໂຄວິດ-19 ໃນຂອບເຂດທົ່ວປະເທດ.ປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ອອກລັດຖະດຳລັດ ຕົກລົງອະໄພຍະໂທດປ່ອຍຕົວ ໃຫ້ແກ່ນັກໂທດ ທົ່ວປະເທດ ຈຳນວນ 970 ຄົນ, ຍິງ 135 ຄົນ; ຕ່າງປະເທດ 17 ຄົນ, ຍິງ 01 ຄົນ

.

ສະນັ້ນ ກອງບັນຊາການ ປກສ ແຂວງວຽງຈັນ ສົມທົບກັບຄະນະກຳມະການອະໄພຍະໂທດຂັ້ນແຂວງຊີ້ນຳຄ້າຍຄຸມຂັງ ແຂວງວຽງຈັນ ຈັດຕັ້ງພິທີປະກາດອະໄພຍະໂທດປ່ອຍຕົວນັກໂທດ ຈຳນວນທັງໝົດມີ 61 ຄົນ, ຍິງ 09 ຄົນ, ໃນນັ້ນ ບັນຊີອະໄພຍະໂທດປ່ອຍຕົວມີຈໍານວນ 37 ຄົນ, ຍິງ 07 ຄົນ. ບັນຊີ ປ່ອຍຕົວກ່ອນກໍານົດໂດຍມີເງື່ອນໄຂຕາມກົດໝາຍ ມີຈຳນວນ 22 ຄົນ, ຍິງ 02 ຄົນ.ບັນຊີ ໃກ້ຈະໝົດໂທດ ໝາຍຄວາມວ່າໂທດ ຍັງປະຕິບັດ 120 ວັນ ມີ ຈໍານວນ 02 ຄົນ.

.

ພິທີດັ່ງກ່າວ ໄດ້ຈັດຂຶ້ນໃນວັນທີ 8 ທັນວາ 2020 ຢູ່ທີ່ຄ້າຍຄຸມຂັງແຂວງວຽງຈັນ ໂດຍການເປັນກຽດເຂົ້າຮ່ວມ ແລະ ມອບໃບຢັ້ງຢືນອະໄພຍະໂທດປ່ອຍຕົວນັກໂທດ ໂດຍ ທ່ານ ສີສະຫວາດ ແສງພະຈັນ ກຳມະການພັກແຂວງ, ຫົວໜ້າພະແນກຍຸຕິທຳແຂວງວຽງຈັນ, ມີພາກສ່ວນທີ່ກ່ຽວຂ້ອງ, ພ້ອມດ້ວຍນັກໂທດທີ່ຖືກອະໄພຍະໂທດປ່ອຍຕົວຄັ້ງນີ້ເຂົ້າຮ່ວມ.

.

.

ພາບ-ຂ່າວ : ບຸນມາ ແກ້ວບຸດດາ.ພາບ-ຂ່າວ : ບຸນມາ ແກ້ວບຸດດາ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here