ນັກຄົ້ນຄວ້າ ວິທະຍາສາດ ມະຫາວິທະຍາໄລແຫ່ງຊາດ ແລະ ນັກຄົ້ນຄວ້າ ຄະນະ ວິທະຍາສາດ ມະຫາວິທະຍາໄລ ຂອນແກ່ນ ປະເທດໄທ ຄົ້ນພົບພືດລົ້ມລຸກ ສາຍພັນໃໝ່ຂອງໂລກ 6 ຊະນິດ, ຢູ່ພາກກາງ ແລະ ພາກໃຕ້ ຂອງ ສປປ ລາວ.
.
ອາຈານ Soulivanh Lanorsavanh ມະຫາວິທະຍາໄລແຫ່ງຊາດ ແລະ ທ່ານ Keooudone Souvannakhoummane ຈາກສະຖາບັນວິໄຈ ກະສິກໍາ ແລະ ປ່າໄມ້ ຂອງ ສປປ ລາວ ພ້ອມກັບ ສາດສະດາຈານ ດຣ. ປຣະນອມ ຈັນທອນໂນໄທ ນັກພັນພືດ ຈາກປະເທດໄທ ມະຫາວິທະຍາໄລຂອນແກ່ນ ໄດ້ລົງເກັບກໍາຂໍ້ມູນພັນພືດ ພາກສະໜາມ ລະຫວ່າງປີ 2014-2020 ແລະ ໄດ້ຄົ້ນພົບ ພືດຊະນິດໃໝ່ ຂອງໂລກ ຈໍານວນ 6 ຊະນິດ ໃນຈໍານວນ 14 ຊະນິດທີສຶກສາ ແລະ ໄດ້ຈັດພິມ ຕີແຜ່ ຜົນການວິໄຈນີ້ ໃນວາລະສານ ນານາຊາດ Nordic Journal of Botany ສະບັບປີ 2020: e02714 doi: 10.1111/njb.02714. ພືດທີ່ຄົ້ນພົບ ເປັນປະເພດ ພືດລົ້ມລຸກ ຂະໜາດນ້ອຍ ສູງ 2-20 ຊມ, ມີອາຍຸ ຫຼາຍປີ, ມີ 5 ກີບ ສີຂາວ, ຈັດລຽງໂຕ ຄ້າຍຮູບດາວ ເກີດຂຶ້ນຢູ່ຕາມຫີນປູນ ຫຼື ຫີນ ທີ່ມີຄວາມຊຸ່ມສູງ ໃນປາດົງດິບ.
.
.
---------------
ຢ່າລືມກົດຕິດຕາມເພຈ All in LAOS
------------------------------
