ກອງປະຊຸມໃຫ່ຍຄັ້ງທີ IX ຂອງອົງຄະນະພັກກະຊວງສາທາລະນະສຸກ ຈັດຂຶ້ນຕອນເຊົ້າວັນທີ 3 ທັນວາ 2020 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ພາຍໃຕ້ການເປັນປະທານຂອງສະຫາຍພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ມີການນໍາຂັ້ນສູງກະຊວງສາທາລະນະສຸກ, ພາກສ່ວນກ່ຽວຂ້ອງ ແຂກຮັບເຊີນ ພ້ອມດ້ວຍຜູ້ແທນສົມບູນ 184ທ່ານ, ຍິງ73ທ່ານ ທີ່ເປັນຕົວແທນສະມາຊິກພັກສົມບູນທົ່ວກະຊວງສາທາລະນະສຸກ 1340 ຄົນເຂົ້າຮ່ວມ.

ໂດຍຜູ້ແທນກອງປະຊຸມຈະໄດ້ຮັບຟັງບົດລາຍງານການເມືອງ, ແຜນພັດທະນາຂະແໜງສາທາລະນະສຸກ 5 ປີ, ບົດສໍາຫລວດການນໍາພາລວມ ຂອງອົງຄະນະພັກກະຊວງສາທາລະນະສຸກຄັ້ງທີ VIII ແລະດໍາເນີນການ ຄັດເລືອກເອົາຄະນະບໍລິຫານງານຄະນະພັກກະຊວງຊຸດໃໝ່, ຜູ້ແທນສົມບູນ ແລະສໍາຮອງຈະໄປຮ່ວມກອງປະຊຸມໃຫ່ຍຄັ້ງທີ XI ຂອງພັກ, ແລະຮັບຟັງການໂອ້ລົມ ໃຫ້ທິດຊີ້ນໍາຈາກສະຫາຍພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ກອງປະຊຸມໃຫ່ຍຄັ້ງທີ IX ຂອງອົງຄະນະພັກກະຊວງສາທາລະນະສຸກຈະດໍາເນີນເປັນເວລາ ມື້ເຄິ່ງ.

.

ໂດຍ:ເຂີຍຫລ້າ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here