ກອງປະຊຸມໃຫຍ່ຄັ້ງທີ9 ຂອງອົງຄະນະພັກກະຊວງສຶກສາທິການແລະກິລາ ໄຂຂື້ນໃນຕອນເຊົ້າ ວັນທີ 24 ພະຈິກ 2020 ຢູ່ສະໂມສອນໃຫຍ່ຄະນະເສດຖະສາດ ມະຫາວິທະຍາໄລແຫ່ງຊາດ ພາຍໃຕ້ການເປັນ ປະທານ ຂອງທ່ານນາງແສງເດືອນ ຫລ້າຈັນທະບູນ ກໍາມະການສູນກາງພັກເລຂາຄະນະບໍລິຫານງານພັກ ກະຊວງ, ລັດຖະມົນຕີກະຊວງສຶກສາທິການ ແລະກິລາ, ໃຫ້ກຽດເຂົ້າຮ່ວມໂດຍທ່ານພັນຄໍາ ວິພາວັນ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະ ເທດ, ມີການນໍາຂັ້ນສູງ, ພ້ອມດ້ວຍຜູ້ແທນສົມບູນທີ່ເປັນຕົວແທນສະມາຊິກພັກອ້ອມຂ້າງກະຊວງສຶກສາ ແລະ ພາກສ່ວນກ່ຽວຂ້ອງ.

ໂອກາດນີ້ ທ່ານ ນາງແສງເດືອນ ຫລ້າຈັນທະບູນ ກໍາມະການສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງສຶກສາທິການ ແລະກິລາ ມີຄໍາເຫັນກ່າວໄຂກອງປະຊຸມວ່າ: ກອງປະຊຸມໃຫຍ່ ອົງຄະນະພັກກະຊວງສຶກສາທິການ ແລະກິລາ ຄັ້ງນີ້ໄຂຂື້ນໃນໄລຍະທ້າຍສະໄຫມຂອງ ການຈັດຕັ້ງ ປະຕິບັດມະຕິກອງປະຊຸມໃຫຍ່ຂອງທີ10 ຂອງພັກ, ແຜນພັດທະນາເສດຖະກີດສັງຄົມ ແຫ່ງຊາດ 5ປີ ຄັ້ງທີ 8 ຂອງລັດຖະບານ ເປັນການສ້າງຂະບວນການຕ້ອນຮັບກອງປະຊຸມໃຫຍ່ຜູ້ແທນທົ່ວ ປະເທດ ຄັ້ງທີ 11ຂອງພັກ ແລະ ວັນສໍາຄັນອື່ນໆ ເປັນເຫດການໆເມືອງທີ່ສໍາຄັນ ທັງເປັນບາດລ້ຽວປະຫວັດສາດ ເພື່ອກໍານົດທິດທາງ ແລະຫນ້າທີ່ສໍາລັບການພັດທະນາວຽກງານຕ່າງໆ ຂອງຂະແຫນງການສຶກສາທິການ ແລະກິລາ ພາຍຫລັງກ່າວໄຂກອງປະຊຸມ ທ່ານນາງແສງເດືອນ ຫລ້າຈັນທະບູນ ໄດ້ສືບຕໍ່ລາຍງານ ການເມືອງ ຕໍ່ກອງປະຊຸມ ທ່ານໄດ້ຍົກໃຫ້ເຫັນຫລາຍວຽກງານສໍາຄັນທີ່ກະຊວງສຶກສາທິການ ແລະ ກິລາ ຈັດຕັ້ງປະຕິບັດໃນໄລຍະຜ່ານມາ ໂດຍສະເພາະວຽກງານນໍາພາການເມືອງແນວຄິດ, ການນໍາພາ ວຽກງານ ກົງຈັກການຈັດຕັ້ງ-ພະນັກງານ, ການນໍາພາປັບປຸງກໍ່ສ້າງພັກ,ການນໍາພາວຽກງານວິຊາສະເພາະ ແລະ ວຽກງານສໍາຄັນຈໍານວນຫນື່ງ ໃນນີ້ ສະເພາະວຽກງານນໍາພາການເມືອງແນວຄິດ ໄລຍະຜ່ານມາ ຄະນະບໍລິຫານງານພັກກະຊວງສຶກສາທິການ ແລະກິລາ ຊຸດທີ 8 ເອົາໃຈໃສ່ສຶກສາອົບຮົມ ການເມືອງ ແນວຄິດໃຫ້ບຸກຄະລາກອນທີ່ຢູ່ໃນຄວາມຮັບຜິດຊອບຂອງຕົນດ້ວຍຫລາຍຮູບການ ແລະ ດໍາເນີນ ຢ່າງເປັນລະບົບຕໍ່ເນື່ອງ , ນໍາພາຈັ້ງຕັ້ງເຊື່ອມຊືມ ແລະ ຜັນຂະຫຍາຍແນວທາງ, ມະຕິຄໍາສັ່ງ ແລະ ລະບຽບການຕ່າງໆ ເຜີຍແຜ່ຢ່າງເປັນປົກກະຕິພາຍໃນຂະແຫນງສຶກສາທິການ ແລະກິລາ ເຮັດໃຫ້ ພະນັກງານ -ລັດ ຖະກອນ,ຄູອາຈານ, ນັກຮຽນ,ນັກສຶກສາ ມີຄວາມອຸ່ນອຽນ,ທຸ່ນທ່ຽງ ເຊື່ອຫມັ້ນ ໃນການນໍາພາຂອງພັກ ເອົາໃຈໃສ່ປະຕິບັດກົດຫມາຍຂອງລັດຢ່າງເປັນຂະບວນກວ້າງຂວາງ ມີສະຕິຕໍ່ຕ້ານກົນອຸບາຍຂອງອິດທິ ກໍາລັງປໍລະປັກ ແລະ ກຸ່ມຄົນບໍ່ຫວັງດີທີ່ຫວັງມ້າງເພທໍາລາຍ ລະບອບໃຫມ່ໄດ້ຢ່າງທັນການ ແລະ ອື່ນໆ.

ກອງປະຊຸມໃຫຍ່ຄັ້ງທີ 9 ຂອງອົງຄະນະພັກກະຊວງສຶກສາທິການ ແລະກິລາຄັ້ງນີ້ມີຜູ້ແທນສົມບູນ ເຂົ້າ ຮ່ວມກອງປະຊຸມທັງຫມົດ 363ຄົນ, ເຊີ່ງກອງປະຊຸມດໍາເນີນເປັນເວລາ1ມື້ເຄີ່ງ ແລະຕະຫລອດ ໄລຍະດໍາເນີນກອງປະຊຸມ ຜູ້ເຂົ້າຮ່ວມພ້ອມກັນຮັບຟັງລາຍງານການເມືອງ, ຊອກໃຫ້ເຫັນບັນດາຈຸດດີ-ຈຸດອ່ອນ, ຂໍ້ຄົງຄ້າງ, ສາເຫດ, ຮັບຮອງເອົາທິດທາງຄາດຫມາຍສູ້ຊົນແຕ່ນີ້ຮອດປີ2025, ຮັບຟັງ ການຜ່ານຮ່າງແຜນ ພັດທະນາການສຶກສາ ແລະກິລາຄັ້ງທີ9 ໃນ 5 ປີ ຕໍ່ຫນ້າ2021-2025, ຮັບຟັງ ການປະກອບຄໍາເຫັນຈາກ ຄະນະບໍລິຫານງານຊາວຫນຸ່ມກະຊວງສຶກສາທິການ ແລະກິລາກ່ຽວກັບ ວຽກງານ ອົງການຈັດຕັ້ງມະຫາຊົນ, ຮັບຟັງການລາຍງານກ່ຽວກັບການຈັດຕັ້ງປະຕິບັດ ວຽກງານ ກໍ່ສ້າງຫນ່ວຍພັກປອດໃສເຂັ້ມແຂງ ຫນັກແຫນ້ນ, ບົດສະເຫນີວິທະຍາສາດທີ່ພົ້ນເດັ່ນ, ຮ່າງບົດ ສໍາຫລວດການນໍາພາລວມຂອງຄະນະບໍລິ ຫານງານພັກກະຊວງສຶກສາທິການ ແລະກິລາສະໄຫມທີ 8 ແລະອື່ນໆ, ກອງປະຊຸມຍັງຈະພ້ອມກັນປ່ອນ ບັດຄັດເລືອກເອົາຄະນະບໍລິຫານງານພັກກະຊວງ ສຶກສາ ທິການ ແລະກິລາຊຸດໃຫມ່, ປ່ອນບັດ ເອົາຜູ້ ແທນສົມບູນ, ສໍາຮອງໄປເຂົ້າຮ່ວມກອງປະຊຸມໃຫຍ່ຜູ້ແທນ ທົ່ວປະເທດຄັ້ງທີ 11ຂອງພັກ, ພ້ອມນັ້ນກອງປະຊຸມຍັງຈະພ້ອມຮັບຟັງການໂອ້ລົມຂອງ ທ່ານພັນຄໍາ ວິພາວັນ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດຕື່ມອີກ ເພື່ອເປັນທິດທາງໃນການຈັດຕັ້ງປະຕິບັດວຽກງານ ໃນຕໍ່ຫນ້າ ໃຫ້ປະສົບຜົນສໍາເລັດຫລາຍຂື້ນກວ່າເກົ່າ.

ໂດຍ: ເດດອາລຸນ ແກ້ວິໄລ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here