Home ຂ່າວສານບ້ານເມືອງ ກອງບັນຊາການທະຫານຊາຍແດນແຂວງກວາງຈິ ສສ ຫວຽດນາມມອບເຄື່ອງຊ່ວຍເຫຼືອ

ກອງບັນຊາການທະຫານຊາຍແດນແຂວງກວາງຈິ ສສ ຫວຽດນາມມອບເຄື່ອງຊ່ວຍເຫຼືອ

0
ກອງບັນຊາການທະຫານຊາຍແດນແຂວງກວາງຈິ ສສ ຫວຽດນາມມອບເຄື່ອງຊ່ວຍເຫຼືອ

ໃນວັນທີ 19 ພະຈິກ 2020 ນີ້ ຢູ່ທີ່ດ່ານສາກົນແດນສະຫວັນ-ລາວບາວ ກອງບັນຊາການທະຫານຊາຍແດນແຂວງກວາງຈິແຫ່ງ ສສ ຫວຽດນາມ ໄດ້ຈັດພິທີມອບເເຄື່ອງຊ່ວຍເຫຼືອເປັນຕົ້ນເຂົ້າສານຈ້າວຈຳນວນ 6 ໂຕນ ຄິດເປັນມູນຄ່າ 84 ລ້ານດົງ ມອບໃຫ້ກອງບັນຊາການທະຫານແຂວງ,ປກສ ແຂວງສະຫວັນະເຂດ ເພື່ອນຳໄປມອບໃຫ້ພໍ່ແມ່ປະຊາຊົນເມືອງເຊໂປນ,ເມືອງຈຳພອນ,ສອງຄອນ ແລະ ເມືອງອື່ນໆທີ່ໄດ້ຮັບຜົນກະທົບຈາກໄພນຳ້ຖ້ວມໃນຫວ່າງເດືອນຕຸລາຫາເດືອນພະຈິກຜ່ານມານີ້.

ໂດຍການເຂົ້າຮ່ວມຂອງສະຫາຍ ພັນເອກ ເລວັນເຟືອງ ກຳມະການພັກແຂວງ ຫົວໜ້າການທະຫານກອງບັນຊາການທະຫານຊາຍແດນແຂວງກວາງຈິ ສສ ຫວຽດນາມ ມີສະຫາຍ ພັນໂທ ຈັນທາ ແສນສຸລິວົງ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງ,ສະຫວັນະເຂດ,ມີສະຫາຍ ພັນຕີ ພູຂົງ ສີສຸນົນ ຮອງຫົວໜ້າຫ້ອງເສນາທິການທະຫານແຂວງສະຫວັນະເຂດ,ພ້ອມດ້ວຍພະແນກການທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ໃນໂອກາດດັ່ງກ່າວນີ້ສະຫາຍ ພັນໂທ ຈັນທາ ແສນສຸລິວົງ ຮອງກອງບັນຊາການປ້ອງກັນຄວາມສະຫງົບແຂວງສະຫວັນະເຂດ,ກໍ່ໄດ້ຕາງໜ້າໃຫ້ຄະນະພັກ-ຄະນະບັນຊາກອງບັນຊາການທະຫານແຂວງ-ປກສ ແຂວງສະຫວັນະເຂດ ຕະຫຼອດຮອດພໍ່ແມ່ປະຊາຊົນຊາວແຂວງສະຫວັນະເຂດໂດຍສະເພາະເມືອງທີ່ໄດ້ຮັບຜົນກະທົບຈາກໄພນຳ້ຖ້ວມຄັ້ງນີ້ ໄດ້ກ່າວສະແດງຄວາມຂອບອົນຂອບໃຈ ແລະ ຮູ້ບຸນຄຸນເປັນຢ່າງສູງທີ່ພັກ ແລະ ລັດຖະບານແຫ່ງ ສສ ຫວຽດນາມກໍ່ຄືກອງທັບ ແລະ ປະຊາຊົນລາວ -ຫວຽດນາມຍາມໄດກໍ່ໄດ້ຄຽງບ່າຄຽງໄລ່ກັນມາຕະຫຫຼອດບໍ່ວ່າຍາມສຸກຍາມທຸກຍາມສົງຄາມກໍ່ຄືໃນຍາມສະຫງົບກໍ່ແມ່ນໄດ້ຊ່ວຍເຫຼືອເຊິ່ງກັນ ແລະ ກັນມາເລື້ອຍໆ

ພ້ອມກັບໃຫ້ຄຳໝັ້ນສັນຍາວ່າຈະນຳເອົາເຄື່ອງຊ່ວຍເຫຼືອທີ່ມອບໃຫ້ໃນຄັ້ງນີ້ໄປມອບໃຫ້ປະຊາຊົນຫລືຄອບຄົວທີ່ໄດ້ຮັບຜົນກະຈາກໄພນຳ້ຖ້ວມໃຫ້ຮອດໃຫ້ເຖິງ,ພ້ອມທັງອວຍພອນໄຊໃຫ້ສາຍພົວພັນລະຫ່ວາງລາວ-ຫວຽດນາມກໍ່ຄືກອງບັນຊາການທະຫານແຂວງ, ປກສ ແຂວງສະຫວັນະເຂດກັບກອງບັນຊາການທະຫານຊາຍແດນແຂວງກວາງຈິປຫ່ງ ສສ ຫວຽດນາມ,ໃຫ້ໝັ້ນຄົງທະນົງແກ່ນ ແລະ ເກີດດອກອອກຜົນຂື້ນໄປຢ່າງບໍ່ຢຸດຢັ້ງ.

.

ພາບ-ຂ່າວ ພານິດ ພິລາວົງ

ທະຫານແຂວງສະຫວັນນະເຂດ

LEAVE A REPLY

Please enter your comment!
Please enter your name here