ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນວັນທີ 15 ພະຈິກ 2020 ນີ້ ທ່ານ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ,ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມດ້ວຍຄະນະ,ມີທ່ານ ສັນຕິພາບ ພົມວິຫານ ກຳມະການສູນກາງພັກ ເລຂາພັກແຂວງ,ເຈົ້າແຂວງສະຫວັນະເຂດ,ໂດຍໃຫ້ກຽດຕ້ອນຮັບມີຄະນະພັກ-ຄະນະບັນຊາກອງບັນຊາການທະຫານແຂວງ,ກອງບັນຊາການທະຫານເມືອງ,ກອງພັນ,ກອງຮ້ອຍເອກະລາດທີ່ຂື້ນກັບກອງບັນຊາການທະຫານແຂວງສະຫວັນະເຂດເຂົ້າຮ່ວມ.

ກ່ອນອື່ນ ທ່ານຮອງນາຍົກລັດຖະມົນຕີ ໄດ້ຮັບຟັງການລາຍງານໂດຍຫຍໍ້ຈາກສະຫາຍ ພັນເອກ ສີ ທະວີໄຊ ກຳມະການພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ,ໂດຍສະເພາະໄດ້ຍົກໃຫ້ເຫັນຜົນງານການເຄື່ອນໄຫວດ້ານຕ່າງໆເປັນຕົ້ນການປະຕິບັດ 4 ແຜນງານໃຫ່ຍ 26 ໂຄງການຂອງຄະນະພັກກະຊວງປ້ອງກັນປະເທດວາງອອກໄດ້ປະກົດຜົນເປັນຈິງ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນໂອກາດລົງມາຢ້ຽມຢາມ ແລະ ພົບປະໂອ້ລົມພະນັກງານຫຼັກແຫຼ່ງກອງບັນຊາການທະຫານແຂວງສະຫວັນະເຂດໃນຄັ້ງນີ້ ທ່ານ ຮອງນາຍົກລັດຖະມົນຕີ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ໝາກຜົນໃນການຊີ່ນຳ-ນຳພາວຽກງານດ້ານຕ່າງໆໄດ້ສຳເລັດຜົນໃນຫຼາຍດ້ານພ້ອມກັນນັ້ນທ່ານຍັງໄດ້ຍົກໃຫ້ເຫັນສະພາບການຂອງໂລກພາກພື້ນທີ່ມີການຜັນແປຢ່າງສັບສົນ,ດ້ານໄພທຳມະຊາດ ແລະ ພະຍາດລະບາດອື່ນໆ

ຕໍ່ບັນຫາດັ່ງກ່າວນີ້ຈິ່ງຮຽກຮ້ອງໃຫ້ພະນັກງານໃນທ້ອງຖິ່ນແຂວງສະຫວັນະເຂດ,ຕ້ອງມີສະຕິລະວັງຕົວສູງ,ເຊື່ອໝັ້ນຕໍ່ການນຳພາຂອງພັກ,ພ້ອມກັນເສີມຂະຫຍາຍທາດແທ້ມູນເຊື້ອອັນດີງາມຂອງກອງທັບ,ສູ້ຊົນຜ່ານຜ່າອຸປະສັກຕ່າງໆ,ເພື່ອເຮັດໃຫ້ແຂວງສະຫວັນະເຂດມີຄວາມສະຫງົບປອດໄພໂດຍພື້ນຖານ,ຮຽກຮ້ອງໃຫ້ຄະນະພັກ-ຄະນະບັນຊາກອງບັນຊາການທະຫານແຂວງ,ສຶບຕໍ່ສືກສາອົບການເມືອງນຳພາແນວຄິດໃຫ້ພະນັກງານ-ນັກຮົບຢ່າງຕໍ່ເນື່ອງ,ຖືກເປົ້າໝາຍ,ແທດເໝາະກັບເງື່ອນໄຂໃຫ່ມ,ປັບປຸງກໍ່ສ້າງພັກຕາມ 5 ຫຼັກການ 3 ທິດນຳຂອງພັກວາງອອກ,ເພີ່ມທະວີແບບແຜນວິທີນຳພາ-ບັນຊາ,ແບບແຜນວິທີເຮັດວຽກໃຫ້ມີວິທະຍາສາດທັນສະໄຫມ,ຖືກຕ້ອງກັບແນວທາງແຜນນະໂຍບາຍຂອງພັກ,ລະບຽບກົດໝາຍຂອງລັດກໍ່ຄືຂອງກອງທັບ,ເພີ່ມທະວີຄວາມສາມັກຄີພາຍໃນ,ເຮັດວຽກລວມສູນປະຊາທິປະໄຕ,ເປັນໝູ່ຄະນະ,ແບ່ງໃຫ້ບຸກຄົນຮັບພິຊອບ,ເຮັດໃຫ້ສະພາບໃນທົ່ວແຂວງມີຄວາມສະຫງົບ,ສັງຄົມມີຄວາມເປັນລະບຽບຮຽບຮ້ອຍ

ປຸກລະດົມທຸກພາກສ່ວນເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບຢ່າງແຂງແຮງ,ຫັນເອົາພະນັກງານລົງກໍ່ສ້າງຮາກຖານການເມືອງ,ຕາມ 4 ເນື້ອໃນ 4 ຄາດໝາຍ,ສ້າງໃຫ້ກົມກອງປອດໃສ,ເຂັ້ມແຂງໜັກແໜ້ນ,ປະຕິບັດນຳ້ໃຈເພິ່ງຕົນເອງ,ກຸ້ມຕົນເອງ,ສ້າງຄວາມເຂັ້ມແຂງດ້ວຍຕົນເອງ,ສຸມໃສ່ປະຕິບັດ 4 ປູກ 4 ລ້ຽງ ເພື່ອຮັບປະກັນດ້ານສະບຽງອາຫານໃຫ້ນາຍ ແລະ ພົນທະຫານໄດ້ກິນອື່ມນຸ່ງອຸ່ນ ເພື່ອພ້ອມກັນເຮັດສຳເລັດໜ້າທີ່-ທີ່ພັກລັດມອບໝາຍໃຫ້.

ໂອກາດມາຢ້ຽມຢາມຄັ້ງນີ້ທ່ານຮອງນາຍົກລັດຖະມົນຕີ ກໍ່ໄດ້ມອບເງິນຈຳນວນ 50 ລ້ານ ໃຫ້ກອງບັນຊາການທະຫານແຂວງສະຫວັນະເຂດ,ເພື່ອປັບປຸງກໍ່ສ້າງກົມກອງໃຫ້ມີຄວາມໜັກແໜ້ນເຂັ້ມແຂງ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here