ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນວັນທີ 7 ພະຈິກ 2020, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະ ມົນຕີກະຊວງແຜນການ ແລະ ການລົງທຶນ ພ້ອມດ້ວຍຄະນະ ແລະ ອຳນາດການປົກຄອງແຂວງຈຳປາສັກ ລົງຢ້ຽມຢາມ ແລະ ຕິດຕາມກວດກາການຈັດຕັ້ງປະຕິບັດ ໂຄງການກໍ່ສ້າງຊົນລະປະທານ ອ່າງເກັບ ນ້ຳຫ້ວຍວັງເຫ ຢູ່ເມືອງໂພນທອງ ເຊິ່ງມາຮອດປັດຈຸບັນຄືບໜ້າແລ້ວ 40%. ໂຄງການນີ້ ແມ່ນໜຶ່ງທີ່ນອນຢູ່ໃນແຜນງານຄ້ຳປະກັນສະບຽງອາຫານ ແລະ ແຜນງານຜະລິດເປັນສິນຄ້າ ໂດຍໄດ້ບັນຈຸເຂົ້າໃນແຜນ ການລົງທຶນຂອງລັດເລີ່ມແຕ່ສົກປີ 2012-2013 ເປັນຕົ້ນມາ, ມູນຄ່າທັງໝົດ 387,38 ຕື້ກີບ

ຕາມການລາຍງານຂອງ ທ່ານ ໄກສອນ ຈັນທະສອນ ຮອງອຳນວຍການບໍລິສັດ ສາມັກຄີໄຊ ກໍ່ສ້າງ ຈຳກັດ ໃຫ້ຮູ້ວ່າ: ອ່າງເກັບນ້ຳຊົນລະປະທານແຫ່ງນີ້ ມີເນື້ອທີ່ອ່າງເກັບນ້ຳ 880 ເຮັກຕາ ເປັນໂຄງການແບບໄຫລເອງ ເຊິ່ງສາມາດເກັບກັກນ້ຳໄດ້ 37 ລ້ານແມັດກ້ອນ ເພື່ອສະໜອງນ້ຳໃຫ້ແກ່ການຜະລິດເຂົ້ານາປີ 2.500 ເຮັກຕາ, ນາແຊງ 1.500 ເຮັກຕາ ແລະ ການຜະລິດພືດລະດູແລ້ງ 1.000 ເຮັກຕາ ໂດຍມີປະຊາຊົນ 1.700 ກວ່າຄອບຄົວໃນ 3 ບ້ານ ໄດ້ຮັບຜົນປະໂຫຍດທາງກົງ. ແຕ່ການດຳເນີນໂຄງການນີ້ ໄດ້ແບ່ງອອກເປັນ 3 ໄລຍະ, ໃນນີ້ ລັດໄດ້ອະນຸມັດໃຫ້ຈັດຕັ້ງປະຕິບັດໄລຍະທີ 1 ກ່ອນ ຈຳນວນ 120 ຕື້ກີບ ແຕ່ປີ 2012-2020. ສຳລັບການຈັດຕັ້ງປະຕິບັດໜ້າວຽກທີ່ນອນຢູ່ໃນໄລຍະທີ 1 ແມ່ນສຳເລັດ 100%, ແຕ່ເນື່ອງຈາກວ່າ ມີບາງໜ້າວຽກມີລັກສະນະຕໍ່ເນື່ອງດ້ານເຕັກນິກ ຈຶ່ງຈຳເປັນຕ້ອງໄດ້ປະຕິບັດໃຫ້ສຳເລັດ, ສະນັ້ນ ເຈົ້າຂອງໂຄງການຈຶ່ງໄດ້ປຶກສາຫາລືກັບພາກສ່ວນທີ່ກ່ຽວ ຂ້ອງ ແລະ ເຫັນດີໃຫ້ຜູ້ຮັບເໝົາ ປະຕິບັດໜ້າວຽກທີ່ຈຳເປັນນັ້ນທີ່ບໍ່ນອນໃນສັນຍາໄລຍະທີ 1 ຈຶ່ງເຮັດໃຫ້ ການປະຕິບັດວຽກຕົວຈິງມາຮອດປັດຈຸບັນສຳເລັດ 129,8% ຫລື ເທົ່າກັບ 155,8 ຕື້ກີບ ໂດຍລື່ນຈາກມູນຄ່າອະນຸມັດ 35,8 ຕື້ກີບ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ເພື່ອສືບຕໍ່ຈັດຕັ້ງປະຕິບັດບັນດາໜ້າວຽກທີ່ຍັງບໍ່ທັນສຳເລັດ, ເຈົ້າຂອງໂຄງການ ຈຶ່ງສະເໜີໃຫ້ລັດຖະບານ ຄົ້ນຄວ້າສືບຕໍ່ອະນຸມັດໃນການຈັດຕັ້ງປະຕິບັດໄລຍະທີ 2 ໂດຍສະເພາະວຽກກໍ່ສ້າງລະບົບຫົວງານ ແລະ ວຽກກໍ່ສ້າງເຂື່ອນດິນ ເຊິ່ງຈຳເປັນຕ້ອງໄດ້ເລີ່ມຈັດຕັ້ງປະຕິບັດໂດຍໄວ ເພື່ອຮັບປະກັນໃຫ້ສຳເລັດກ່ອນລະດູຝົນທີ່ຈະມາຮອດນີ້.

ໂອກາດດັ່ງກ່າວ, ທ່ານ ສອນໄຊ ສີພັນດອນ ກໍໄດ້ເນັ້ນໃຫ້ມີການພັດທະນາຢ່າງຮອບດ້ານໃນໂຄງການດັ່ງກ່າວ, ບໍ່ໃຫ້ຄິດເຖິງສະເພາະແຕ່ສະໜອງນ້ຳໃຫ້ແກ່ຂະບວນການຜະລິດເທົ່ານັ້ນ, ຕ້ອງນຳໃຊ້ເນື້ອທີ່ອ່າງເກັບນ້ຳ ໃຫ້ສາມາດເຮັດການປະມົງ, ພັດທະນາເປັນແຫລ່ງທ່ອງທ່ຽວ ແລະ ພັດທະນາພະລັງ ງານແສງຕາວັນໄດ້, ທັງນີ້ ກໍເພື່ອເປັນການສ້າງລາຍຮັບເພີ່ມ, ດຶງດູດນັກທ່ອງທ່ຽວເຂົ້າມາ ແລະ ສ້າງໃບໜ້າໃໝ່ໃຫ້ກັບແຂວງ ກໍຄື ສປປ ລາວ. ສຳລັບຮູບແບບໃນການພັດທະນາ ຜູ້ຮັບເໝົາໂຄງການສາມາດພັດທະນາເອງໄດ້ ຫລື ສາມາດດຶງດູດເອົານັກລົງທຶນທັງພາຍໃນ ແລະ ຕ່າງປະເທດເຂົ້າມາ ບໍ່ວ່າຈະເປັນໃນຮູບແບບສຳປະທານ ຫລື ຮ່ວມທຶນກໍໄດ້. ພ້ອມກັນນັ້ນ, ທ່ານຮອງນາຍົກລັດຖະມົນ ກໍໄດ້ເນັ້ນໃຫ້ເຈົ້າຂອງໂຄງການ ແລະ ຜູ້ຮັບເໝົາ ເອົາໃຈໃສ່ສຸມໃສ່ໜ້າວຽກທີ່ຍັງເຫລືອ ເປັນຕົ້ນແມ່ນ ການກໍ່ສ້າງລະບົບຫົວງານ ແລະ ກໍ່ສ້າງເຂື່ອນກັນນ້ຳໃຫ້ສຳເລັດກ່ອນວຽກງານອື່ນ ເພື່ອໃຫ້ສາມາດເກັບກັກນ້ຳໃຫ້ທັນໃນລະດູຝົນນີ້, ຖ້າຫາກໃນອ່າງມີນ້ຳແລ້ວ ການພັດທະນາປິ່ນອ້ອມກໍຈະຕາມມາ.

ຕະຫລອດລຽບເຂື່ອນດິນ ແລະ ຄູກັນນ້ຳສອງຂ້າງທີ່ມີຄວາມຍາວທັງໝົດ 7,1 ກິໂລແມັດນັ້ນ ສາມາດປູກພືດກະສິກຳ ເປັນຕົ້ນແມ່ນ ໝາກອະງຸ່ນ (ໝາກລະແຊັງ) ແລະ ໝາກແຕງແຄນຕາຫລຸບ ທີ່ກຳລັງເປັນທີ່ນິຍົມ ແລະ ມີລົດຊາດແຊບ ເພື່ອໃຫ້ກາຍເປັນສິນຄ້າ, ທັງເປັນສະຖານທ່ອງທ່ຽວໃຫ້ນັກທ່ອງທ່ຽວ ແລະ ປະຊາຊົນ ເຂົ້າມາທ່ຽວຊົມ.

ຂ່າວ-ພາບ: ສິງຄຳ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here