ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ຈັດກອງປະຊຸມເຜີຍແຜ່ຄໍາສັ່ງຂອງກົມໃຫຍ່ພະລາທິການ ກະຊວງປ້ອງກັນຄວາມສະຫງົບ ວ່າດ້ວຍການຄຸ້ມຄອງ ແລະ ຈັດເກັບລາຍຮັບວິຊາການຜ່ານປະຕູດຽວ ຂອງກໍາລັງ ປກສ ຢູ່ສະໂມສອນ ກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ເມື່ອອາທິດຜ່ານມາ.

ໂດຍການເປັນປະທານ ພັທ ສົມພອນ ວົງຊາຕີ ຫົວໜ້າຫ້ອງພະລາທິການ ປກສ ນະຄອນຫຼວງວຽງຈັນ, ໃຫ້ກຽດເຂົ້າຮ່ວມຂອງ ພັອ ຄໍາເກີດ ກຸມມານ ຮອງຫົວໜ້າກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ. ມີບັນດາ ຫ້ອງ, ກອງພັນ, ຄ້າຍຄຸມຂັງດັດສ້າງ, ກອງບັນຊາການ ປກສ 9 ເມືອງ, ນາຍ ແລະ ພົນຕໍາຫຼວດ ທີ່ກ່ຽວຂ້ອງ ເຂົ້າຮ່ວມ 85 ສະຫາຍ ຍິງ 39 ສະຫາຍ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນກອງປະຊຸມ ພັທ ສົມພອນ ວົງຊາຕີ ໄດ້ເຜີຍແຜ່ຄໍາສັ່ງເລກທີ 418/ປກສ ລົງວັນທີ 6 ກຸມພາ 2020 ວ່າດ້ວຍການຄຸ້ມຄອງ ແລະ ຈັດເກັບລາຍຮັບວິຊາການຜ່ານປະຕູດຽວ ຂອງກໍາລັງປ້ອງກັນຄວາມສະຫງົບ ໂດຍປະຕິບັດຕາມຄໍາສັ່ງລັດຖະມົນຕີ ກະຊວງປ້ອງກັນຄວາມສະຫງົບ ໂດຍທ່ານໄດ້ຍົກໃຫ້ເຫັນວ່າ: ເພື່ອເຮັດໃຫ້ການຄຸ້ມຄອງ, ຕິດຕາມ, ກວດກາການເກັບລາຍຮັບ, ຄ່າທໍານຽມ, ຄ່າບໍລິການ ເຂົ້າສູ່ລະບົບລວມສູນຜ່ານປະຕູດຽວ ໃນທົ່ວກໍາລັງປ້ອງກັນຄວາມສະຫງົບ ໃຫ້ມີຄວາມຖືກຕ້ອງ, ສອດຄ່ອງກັບກົດໝາຍ ແລະ ລະບຽບການຢ່າງເຂັ້ມງວດ; ສໍາລັບລາຍຮັບທີ່ເກັບມາໄດ້ມອບລວມສູນໃຫ້ພະລາທິການແຕ່ລະຂັ້ນ.
ຄ່າທໍານຽມ ທີ່ເກັບໄດ້ແຕ່ລະຄັ້ງ ຕ້ອງມອບເຂົ້າງົບປະມານແຫ່ງຊາດ 100%, ທຸກເດືອນຕ້ອງມີການສະຫຼຸບສົມທົບທຽບບັນຊີລາຍຮັບກົມສ່ວຍສາອາກອນ, ພະແນກສ່ວຍສາອາກອນປະຈໍາຂັ້ນແຂວງ, ເມືອງ ໃຫ້ຖືກຕ້ອງ ເຊິ່ງເຊັນຢັ້ງຢືນຈາກຜູ້ສັ່ງການ ແລະ ພະນັກງານສ່ວຍສາອາກອນ.

ຄ່າບໍລິການ ທີ່ເຂົ້າບັນຊີເງິນຝາກ ເປັນມື້, ເປັນອາທິດ, ເປັນເດືອນ ຕາມເງື່ອນໄຂຕົວຈິງ ແຕ່ບໍ່ໃຫ້ກາຍວັນທີ 5 ຂອງເດືອນຖັດໄປ.

ຄ່າປັບໄໝທີ່ບໍ່ທັນໄດ້ກໍານົດ ແລະ ກໍານົດໄວ້ ໃນລັດຖະບັນຍັດ ສະບັບເລກທີ 003/ປປທ ຕ້ອງມອບເຂົ້າບັນຊີຄັງເງິນ ກະຊວງປ້ອງກັນຄວາມສະຫງົບ 100%, ກົມໃຫຍ່ພະລາທິການ ຕ້ອງສັງລວມມອບເຂົ້າງົບປະມານ 70% ແລະ 30% ໃຫ້ບັນດາກົມ, ກອງ ທີ່ກ່ຽວຂ້ອງ ຕ້ອງຈັດເຂົ້າແຜນລາຍຮັບ-ລາຍຈ່າຍ; ສ່ວນການນໍາໃຊ້ເງິນຫ່ວງ 30% ທຸກຄັ້ງຕ້ອງໄດ້ຮັບການຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບ.

ພ້ອມນັ້ນ ໃນຄໍາສັ່ງຍັງໄດ້ລະບຸຂໍ້ຫ້າມສໍາລັບບຸກຄົນ ແລະ ການຈັດຕັ້ງ ດັ່ງນີ້:

  • ຫ້າມນໍາໃຊ້ ບົງ, ບິນ ທົ່ວໄປ ເພື່ອເກັບຄ່າລາຍຮັບວິຊາການເດັດຂາດ, ໃບບິນເກັບເງິນຕ້ອງໃຫ້ພະລາທິການແຕ່ລະຂັ້ນ ໄປພົວພັນເອົາໃບບິນຮັບເງິນອາກອນ ນໍາກົມໃຫຍ່ພະລາທິການ (ກົມການເງິນ).
  • ຫ້າມອອກນິຕິກໍາເປັນຂອງຕົນເອງ ຫຼື ຂັດກັບລັດຖະບັນຍັດ ຂອງປະທານປະເທດ ວ່າດ້ວຍຄ່າທໍານຽມ ແລະ ຄ່າບໍລິການ ສະບັບເລກທີ 003/ປປທ ຢ່າງເດັດຂາດ.
  • ຫ້າມເອົາເງິນລາຍຮັບທີ່ເກັບໄດ້ຈາກຄ່າບໍລິການ, ຄ່າປັບໄໝມອບເຂົ້າບັນຊີບຸກຄົນ ແລະ ໄປແບ່ງປັນໃຊ້ຈ່າຍ ກ່ອນໄດ້ຮັບການຕົກລົງຈາກທ່ານລັດຖະມົນຕີ.
  • ຫ້າມມີພຶດຕິກໍາອື່ນ ທີ່ເປັນການລະເມີດກົດໝາຍ ແລະ ລະບຽບການ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here