ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນລະຫວ່າງວັນທີ 9-10 ພະຈິກ 2020 ນີ້, ຫ້ອງວ່າການສູນກາງພັກ ໄດ້ຈັດກອງປະຊຸມທາບທາມບັນດາເນື້ອໃນ ເອກະສານ ທີ່ສຳຄັນຂອງກອງປະຊຸມໃຫຍ່ຄັ້ງທີ XI ຂອງພັກໂດຍການເປັນປະທານຂອງສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ, ມີສະຫາຍຮອງນາຍົກລັດຖະມົນຕີ, ບັນດາສະຫາຍ ລັດຖະມົນຕີ ຈາກບັນດາກະຊວງ ອ້ອມຂ້າງສູນກາງ, ຈາກອະນຸກຳມະການເນື້ອໃນ, ອະນຸກຳມະການກົດລະບຽບ-ບຸກຄະລາກອນ ແລະ ຜູ້ຊົງຄຸນວຸທິ, ນັກວິທະຍາສາດ ແລະ ນັກຮຽນຮູ້ປັນຍາຊົນ ເຂົ້າຮ່ວມ.

ເອກະສານທີ່ນຳມາທາບທາມໃນຄັ້ງນີ້, ມີຮ່າງບົດລາຍງານການເມືອງຕໍ່ ກອງປະຊຸມໃຫຍ່ຄັ້ງທີ XI ຂອງພັກ, ຮ່າງແຜນພັດທະນາເສດກະກິດ-ສັງຄົມ 5 ປີ ຄັ້ງທີ XI ແລະ ຮ່າງກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ສະບັບປັບປຸງ ເຊິ່ງກອງປະຊຸມ ໄດ້ພ້ອມກັນສຸມໃສ່ປະກອບຄຳຄິດຄຳເຫັນ ໃສ່ເອກະສານດັ່ງກ່າວ, ເພື່ອໃຫ້ມີເນື້ອໃນຄົບຖ້ວນ, ສົມບູນ, ຖືກຕ້ອງ, ສອດຄ່ອງ, ແທດເໝາະຕົວຈິງ ທັງສ່ອງແສງເຖິງທ່າແຮງບົ່ມຊ້ອນຂອງຊາດ ເພື່ອນຳໄປປະຕິບັດໄດ້ປະກົດຜົນເປັນຈິງ ແລະ ມີຜົນສຳເລັດ. ທັງສ້າງຄວາມເປັນເອກະພາບທາງດ້ານທັດສະນະ, ຄວາມຮູ້, ຄວາມເຂົ້າໃຈ, ລົງເລິກແຕ່ຫົວທີຂອງບັນດາ ສະຫາຍຄະນະພັກຂອງກະຊວງ-ອົງການ ຕໍ່ບັນດາເອກະສານຕົ້ນຕໍຂອງກອງປະຊຸມໃຫຍ່ຄັ້ງທີ XI ຂອງພັກ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໂອກາດດັ່ງກ່າວ, ສະຫາຍ ພັນຄຳ ວິພາວັນ ໄດ້ມີຄຳເຫັນໂອ້ລົມ ໂດຍເນັ້ນໃຫ້ຜູ້ເຂົ້າຮ່ວມກອງປະຊຸມ ສຸມໃສ່ປະກອບຄຳຄິດຄຳເຫັນຢ່າງກົງໄປກົງມາ, ສ່ອງແສງໃຫ້ເຫັນຈະແຈ້ງບາງບັນຫາທີ່ເປັນການກົດໜ່ວງຖ່ວງດຶງ ຂອງການພັດທະນາເສດຖະກິດ-ສັງຄົມແຫ່ງຊາດ ໃນໄລຍະຜ່ານມາ, ພ້ອມກັນຊອກຫາແນວທາງ, ວິທີແກ້ໄຂ ແລະ ປະຕິບັດບັນດາມາດຕະການ, ນິຕິກຳຕ່າງໆທີ່ພັກລັດວາງອອກມານັ້ນ ໃຫ້ມີປະສິດທິຜົນສູງ. ພ້ອມນັ້ນ, ໄດ້ເນັ້ນໃຫ້ທຸກພາກສ່ວນ ແຕ່ສູນກາງຮອດທ້ອງຖິ່ນມີສະຕິຮ່ວມກັນໃນການສ້າງສາ ແລະ ພັດທະນາປະເທດຊາດ ໂດຍຫັນມະຕິກອງປະຊຸມໃຫຍ່ຄັ້ງທີ XI ຂອງພັກ ໄປໝູນໃຊ້ ໃຫ້ເປັນອັນລະອຽດ ແລະ ແທດເໝາະກັບສະພາບຕົວຈິງ, ຕິດພັນກັບສາຍຕັ້ງ, ສາຍຂວາງ ເພື່ອເຮັດໃຫ້ການຈັດຕັ້ງປະຕິບັດວຽກງານຕ່າງຂອງພັກ, ຂອງຊາດ ປະສົບຜົນສຳເລັດ ກໍຄື ເຮັດໃຫ້ກອງປະຊຸມໃຫຍ່ຄັ້ງທີ XI ຂອງພັກ ທີ່ຈະຈັດຂຶ້ນ ໃນຕໍ່ໜ້ານີ້ ປະສົບຜົນສຳເລັດຕາມເປົ້າໝາຍທີ່ວາງ.

ຂ່າວ-ພາບ:ທະນູທອງ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here