ປະສາດຫຼອນ! ກໍ່ເຫດ! ສາກຕໍາແຈ່ວຕີຫົວປິດຊີວິດນ້ອງຊາຍຂອງຕົນເອງ

ໃນວັນທີ 12 ຕຸລາ 2020 ຜ່ານມານີ້ ເຈົ້າໜ້າທີ່ຕໍາຫຼວດ ປກສ ເມືອງໝື່ນ ແຂວງວຽງຈັນ ໄດ້ຮັບຂ່າວຈາກພົນລະເມືອງດີວ່າ: ເກີດເຫດອ້າຍຄາດຕະກໍານ້ອງຊາຍຂອງຕົນເອງ ຢູ່ບ້ານໂພນງາມ ເມືອງໝື່ນ ຈາກນັ້ນຈຶ່ງໄດ້ແຕ່ງເຈົ້າໜ້າທີ່ວິຊາສະເພາະ ປກສ ເມືອງ ລົງກວດກາຊັນນະສູດສະຖານທີ່ເກີດເຫດເຫັນວ່າມີມູນຄວາມຈິງແທ້ ຈາກນັ້ນເຈົ້າໜ້າທີ່ຈຶ່ງໄດ້ກັກຕົວ ທ້າວ ຊ້າງລີ ອາຍຸ 50 ປີ ປະຊາຊົນ ຢູ່ບ້ານ ໂພນງາມ ເມືອງໝື່ນ ມາທໍາການສືບສວນ-ສອບສວນ.

.

ຜ່ານການສືບສວນ-ສອບສວນ ຂອງເຈົ້າໜ້າທີ່ຕໍາຫຼວດວິຊາສະເພາະ ປກສ ເມືອງໝື່ນ ແຂວງວຽງຈັນ, ທ້າວ ຊ້າງລີ ໄດ້ຮັບສາລະພາບວ່າ: ຜູ້ກ່ຽວໄດ້ຄາດຕະກໍານ້ອງຊາຍຂອງຕົນແທ້ ເບື້ອງຕົ້ນໃນຄັ້ງວັນທີ 11 ຕຸລາ 2020 ເວລາປະມານ 21 ໂມງ ຕົນເອງກັບທ້າວ ລ້າລີ (ຜູ້ເສຍຊີວິດ) ໄດ້ຊວນການໄປເສບຢາຝິ່ນຢູ່ເຮືອນທ້າວ ເຊັ່ງລີ(ນ້ອງຊາຍຂອງພວກກ່ຽວ) ພາຍຫຼັງເສບຢາແລ້ວກໍ່ໄດ້ນອນເຮືອນທ້າວ ເຊັ່ງລີ ເລີຍ ຕົກມາຮອດເວລາປະມານ 23 ໂມງຂອງວັນດຽວກັນ ທ້າວ ຊ້າງລີ ໄດ້ມີອາການປະສາດຫຼອນ ຄິດວ່າ: ທ້າວ ລ້າລີ ເຍືອງໂຄມໄຟໃສ່ຜູ້ກ່ຽວແລ້ວເກີດເປັນໄຟຟ້າຊ໊ອດ, ເມື່ອເປັນຄືແນວນັ້ນຈຶ່ງໄດ້ມີແນວຄິດໂມໂຫໃຈຮ້າຍໃສ່ນ້ອງຊາຍ ແລ້ວຜູ້ກ່ຽວໄດ້ຈັບເອົາສາກຕໍາແຈ່ວທີ່ວາງຢູ່ໃນເຮືອນຄົວ ຍາວ 38 ເຊັນ ຈໍານວນ 1 ອັນ ຟາດໃສ່ຫົວທ້າວ ລ້າລີ ທີ່ກໍາລັງນອນຢູ່ ຈໍານວນ 3 ບາດ ຢ່າງແຮງ ຈົນເສຍຊີວິດກັບທີ່ ຈາກນັ້ນຜູ້ກ່ຽວຈຶ່ງໄດ້ເອົາຕົວລົບໜີ ຕົກມາຮອດ ວັນທີ 12 ຕຸລາ 2020 ຈຶ່ງຖຶກເຈົ້າໜ້າທີ່ຈັບຕົວມາດໍາເນີນຄະດີ.

ຕາມການຕີລາຄາຂອງເຈົ້າໜ້າທີ່ ເຫັນວ່າ ທ້າວ ຊ້າງລີ ແມ່ນມີເຈດຕະນາທໍາຮ້າຍຮ່າງກາຍ ຈົນເຮັດໃຫ້ຜູ້ອື່ນເສຍຊີວິດແທ້ ເຊີ່ງການກະທໍາດັ່ງກ່າວ ມີຄວາມຜິດຕາມກົດໝາຍອາຍາ ມາດຕາ 188 ໃນສະຖານການຄາດຕະກໍາຕາມປະມວນກົດໝາຍອາຍາແຫ່ງ ສປປ ລາວ ສະບັບເລກທີ 26/ສພຊ ລົງວັນທີ 17 ພຶດສະພາ 2017.

ພາບ-ຂ່າວ: ປກສ ແຂວງວຽງຈັນ, ທອງສີ

LEAVE A REPLY

Please enter your comment!
Please enter your name here

Stay in Touch

To follow the best weight loss journeys, success stories and inspirational interviews with the industry's top coaches and specialists. Start changing your life today!

Related Articles