ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ພິທີມອບ-ຮັບໜ້າທີ່ ຮອງເຈົ້າແຂວງ, ຫົວໜ້າຄະນະຈັດຕັ້ງ, ຫົວໜ້າພະແນກການເງິນ ແຂວງໄຊຍະບູລີ ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 2 ພະຈິກ 2020 ນີ້ຢູ່ທີ່ຫ້ອງປະຊຸມພະແນກ ກະສິກໍາ ແລະ ປ່າໄມ້ແຂວງ. ເປັນກຽດເຂົ້າຮ່ວມໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໄຊຍະບູລີ, ມີຄະນະປະຈໍາພັກແຂວງ, ກໍາມະການພັກແຂວງ, ສະມາຊິກສະພາປະຊາຊົນແຂວງ, ຫົວໜ້າ, ຮອງຫົວໜ້າພະແນກການອ້ອມຂ້າງແຂວງ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.

ໃນພິທີ ທ່ານ ຈັນເພັງ ແສນຄໍາ ຮອງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງ ຂອງທ່ານເຈົ້າແຂວງ ສະບັບເລກທີ 1150, 1151, ລົງວັນທີ 26 ຕຸລາ 2020 ວ່າດ້ວຍການແຕ່ງຕັ້ງຮອງເຈົ້າແຂວງໄຊຍະບູລີ, ຜ່ານຂໍ້ຕົກລົງ ສະບັບເລກທີ 1041, 1042, ລົງວັນທີ 5 ຕຸລາ 2020 ແລະ ສະບັບເລກທີ 1123, ລົງວັນທີ 20 ຕຸລາ 2020 ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່, ຜ່ານຂໍ້ຕົກລົງ ຂອງທ່ານເຈົ້າແຂວງ ສະບັບເລກທີ 1169, ລົງວັນທີ 26 ຕຸລາ 2020 ວ່າດ້ວຍການແຕ່ງຕັ້ງຫົວໜ້າພະແນກການເງິນແຂວງ ແລະ ຜ່າານມະຕິຕົກລົງ ຂອງຄະນະປະຈໍາພັກແຂວງ ສະບັບເລກທີ 685, 686, ລົງວັນທີ 7 ຕຸລາ 2020 ວ່າດ້ວຍການແຕ່ງຕັ້ງຫົວໜ້າຄະນະຈັດຕັ້ງແຂວງ ແລະ ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່. ດັ່ງນັ້ນ ເຈົ້າແຂວງໄຊຍະບູລີ ຕົກລົງ: ແຕ່ງຕັ້ງ ທ່ານ ສົມຈິດ ຈັນທະວົງ ເປັນຮອງເຈົ້າແຂວງໄຊຍະບູລີ, ແຕ່ງຕັ້ງ ທ່ານ ເພັດພິໄຊ ສູນວິໄລ ເປັນຮອງເຈົ້າແຂວງໄຊຍະບູລີ, ແຕ່ງຕັ້ງ ທ່ານ ວັນດາວ ແວວທະນັດສີ ເປັນຫົວໜ້າພະແນກການເງິນແຂວງ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ຄະນະປະຈໍາພັກແຂວງ ຕົກລົງ: ຍົກຍ້າຍ ສະຫາຍ ດວງຕາ ໄຊວຸດ ຫົວໜ້າຄະນະຈັດຕັ້ງແຂວງ ໄປຮັບໜ້າທີ່ໃໝ່ຢູ່ຫ້ອງວ່າການແຂວງ, ແຕ່ງຕັ້ງ ສະຫາຍ ສໍາລານ ສຸວັນນະໂຊດ ຄະນະປະຈໍາພັກແຂວງ ຫົວໜ້າພະແນກການເງິນແຂວງ ເປັນຫົວໜ້າຄະນະຈັດຕັ້ງແຂວງ. ຈາກນັ້ນ ທ່ານ ຍັນຍົງ ສີປະເສີດ ຮອງເຈົ້າແຂວງຜູ້ເກົ່າ ແລະ ທ່ານ ສົມຈິດ ຈັນທະວົງ ຮອງເຈົ້າແຂວງຜູ້ໃໝ່, ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງຜູ້ເກົ່າ ແລະ ທ່ານ ເພັດພິໄຊ ສູນວິໄລ ຮອງເຈົ້າແຂວງຜູ້ໃໝ່, ສະຫາຍ ດວງຕາ ໄຊວຸດ ຫົວໜ້າຄະນະຈັດຕັ້ງຜູ້ເກົ່າ ແລະ ສະຫາຍ ສໍາລານ ສຸວັນນະໂຊດ ຫົວໜ້າຄະນະຈັດຕັ້ງຜູ້ໃໝ່, ທ່ານ ສໍາລານ ສຸວັນນະໂຊດ ຫົວໜ້າພະແນກການເງິນຜູ້ເກົ່າ ແລະ ທ່ານ ວັນດາວ ແວວທະນັດສີ ຫົວໜ້າພະແນກການເງິນຜູ້ໃໝ່ ກໍ່ໄດ້ລົງນາມເຊັນບົດບັນທຶກຮ່ວມກັນຢ່າງເປັນທາງການ.

ຕອນທ້າຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໄຊຍະບູລີ ໄດ້ໃຫ້ກຽດໂອ້ລົມ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍ ບັນດາທ່ານທີ່ໄດ້ປະກອບສ່ວນອັນສໍາຄັນໃນການຊີ້ນໍາ-ນໍາພາວຽກງານຕະຫຼອດມາ ພ້ອມທັງຮຽກຮ້ອງໃຫ້ບັນດາທ່ານທີ່ໄດ້ຮັບແຕ່ງຕັ້ງໃໝ່ ຈົ່ງໄດ້ເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ ຢູ່ຄຽງຂ້າງພັກ-ລັດ, ມີຄວາມເປັນເອກະພາບສູງ, ສືບຕໍ່ເປັນຫຼັກແຫຼ່ງ, ເປັນແກນນຳໃນການເຕົ້າໂຮມຄວາມສາມັກຄີໃນຖັນແຖວພະນັກງານ-ສະມາຊິກພັກ ແລະ ປະຊາຊົນບັນດາເຜົ່າ, ມີແບບແຜນການເຮັດວຽກ, ມີການແບ່ງຄວາມຮັບຜິດຊອບ ສິ່ງສໍາຄັນຕ້ອງເປັນເຈົ້າການຊີ້ນໍາ-ນໍາພາປະຕິບັດວຽກງານ ທີ່ໄດ້ຮັບມອບໝາຍໃຫ້ມີຜົນສໍາເລັດຍິ່ງໃຫຍ່ກວ່າເກົ່າ

ຂ່າວ: ມະໄລວັນ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here