ວັນທີ 30 ຕຸລາ 2020 ນີ້, ກົມໃຫຍ່ເສນາທິການກອງທັບ ໄດ້ຈັດພິທີປະກາດແຕ່ງຕັ້ງຫົວ ໜ້າກົມ-ຮອງກົມ, ຫົວໜ້າການ ທະຫານໂຮງຮຽນ 303 ແລະ ບັນດາພະແນນ, ຂະແໜງການ ທີ່ຂຶ້ນກັບກົມໃຫຍ່ເສນາທິ ການກອງທັບ, ໂດຍການເປັນ ປະທານຂອງສະຫາຍ ພົນໂທ ສຸວອນ ເລືອງບຸນມີ ຫົວໜ້າ ກົມໃຫຍ່ເສນາທິການກອງທັບ, ມີບັນດາຄະນະກົມ, ຫ້ອງການ, ພະແນກການ, ຂະແໜງການ, ຄະນະພັກ-ຄະນະບັນຊາກອງ ຮາກຖານເຂົ້າຮ່ວມ.

ສະຫາຍ ພັນເອກ ກອງແກ້ວ ວໍລະຈິດ ຄະນະພັກ, ຫົວໜ້າຫ້ອງການເມືອງກົມໃຫຍ່ເສນາທິການກອງທັບໄດ້ຂຶ້ນຜ່ານຂໍຕົກລົງຂອງກະຊວງປ້ອງກັນປະເທດ ແລະ ຂອງກົມໃຫຍ່ການເມືອງ ກອງທັບ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານມີຄື: ຍົກ ຍ້າຍ ພັນໂທ ຄໍາແສງ ແກ້ວດວງດີ ຫົວໜ້າການທະຫານໂຮງຮຽນ 303 ໄປໃຫ້ກົມ 49 ເພື່ອໄປຮັບ ໜ້າທີ່ໃໝ່; ແຕ່ງຕັ້ງ ພັນເອກ ອຸດອນ ອ້ວນສັກດາ ເປັນຫົວໜ້າກົມ 49, ພັນໂທ ຄໍາແສງ ແກ້ວດວງດີ ເປັນຮອງຫົວໜ້າກົມ ແລະ ພັນໂທ ທອງດໍາ ດວງມາລາ ເປັນຮອງຫົວໜ້າກົມ; ຍົກຍ້າຍ ພັນ ເອກ ດາວໄກ ເລີດລີວັນ ສໍາເລັດ ໜ້າທີ່ເປັນທີ່ປຶກສາທູດປ້ອງ ກັນຊາດລາວປະຈໍາປະເທດ ໄທ ເປັນຮອງຫົວໜ້າກົມທະ ຫານຊາຍແດນ; ແຕ່ງຕັ້ງ ພັນໂທ ກົມພັນ ຈັນທະວົງ ເປັນຮອງຫົວ ໜ້າກົມສູ້ຮົບ; ແຕ່ງຕັ້ງ ພັນໂທ ພູເງິນ ພົມເມືອງ ເປັນຮອງຫົວ ໜ້າກົມອົບຮົມ; ແຕ່ງຕັ້ງ ພັນໂທ ໄຊພອນ ນະຄອນໄຊ ເປັນຫົວໜ້າ ການທະຫານໂຮງຮຽນ 303; ແຕ່ງຕັ້ງ ພັນໂທ ພົງສະຫວັດ ຄໍາຜຸຍ ເປັນຮອງຫົວໜ້າພະແນກຍຸດທະວິທີ ແລະ ພັນໂທ ລັດສະໝີ ແສງດາວັນ ເປັນຮອງ ຫົວໜ້າພະແນກສິລະປະຍຸດ; ແຕ່ງ ຕັ້ງພັນຕີ ຄໍາປ່ຽນ ວິໄລສານ ເປັນຮອງຫົວໜ້າພະແນກ ຈັດຕັ້ງປະກອບຂອງກົມກອງ ທ້ອງຖິ່ນ; ແຕ່ງຕັ້ງ ພັນຕີ ໄກ່ ແກ້ວ ວົງພະຈັນ ເປັນຫົວໜ້າພະ ແນກຫ້ອງການ ແລະ ບໍລິຫານ ຂອງກອງກີລາ ແລະ ແຕ່ງຕັ້ງ ຮ້ອຍໂທ ດົ່ງພອນ ເພັດລາທັນ ເປັນຫົວໜ້າຂະແໜງປະກັນສັງຄົມຂອງໂຮງງານແຜ່ນທີ່ກອງທັບ.

ໂອກາດນີ້ ສະຫາຍ ພົນໂທ ສຸວອນ ເລືອງບຸນມີ ກໍໄດ້ໂອ້ລົມ ແລະ ເນັ້ນໜັກໃຫ້ຜູ້ທີ່ໄດ້ຮັບໜ້າ ທີ່ໃໝ່, ທຸກສະຫາຍຕັ້ງໜ້າປະຕິບັດໜ້າທີ່ວຽກງານທີ່ຂັ້ນເທິງມອບໝາຍໃຫ້ຢ່າງຕັ້ງໜ້າ ເພາະການທີ່ໄດ້ໄດ້ຮັບໜ້າທີໃໝ່ນີ້ເປັນການໄວ້ເນື້ອເຊື່ອໃຈຈາກ ຂັ້ນເທິງ ພ້ອມທັງເປັນອີກບາດ ກ້າວໜຶ່ງຂອງໜ້າທີ່ການເມືອງ ຂອງບັນດາສະຫາຍ, ເຮັດວຽກຢ່າງມີສະຕິ ແລະ ມີຄວາມຮັບຜິດຊອບສູງ, ເປັນແບບຢ່າງໃຫ້ພະນັກງານ-ນັກຮົບ, ເຮັດວຽກຕ້ອງມີແບບແຜນ ແລະ ຕ້ອງມີຄວາມສາມັກຄີເປັນປຶກແຜ່ນ.

ໂດຍ: ແສງເດືອນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here