ຕົົ້ນເດືອນຕຸລາ ຜ່ານມານີ້ ທີມງານໂຄງການສ້າງຄວາມເຂັ້ມແຂງ ຊ່ວຍເຫຼືອ ຄອບຄົວທຸກຍາກ ຫືຼ sos ປະຈຳເມືອງໂພນທອງ ສົມທົບກັບຫ້ອງ ສະຫວັດດີການ ແລະ ສັງຄົມເມືອງ ໄດ້ມອບລົດຖີບ ໃຫ້ຄອບຄົວທຸກຍາກ ໂດຍມີ ທ່ານ ບຸນຈັນ ປານຟອງເພັດ ເຈົ້າເມືອງໂພນທອງ ແລະຜູ້ຕາງໜ້າຂະແໜງການທີ່ກ້ຽວຂ້ອງຂອງເມືອງເຂົ້າຮ່ວມ.
ລົດຖີບທີ່ໄດ້ມອບຄັ້ງນີ້ມີຈຳນວນ 27 ຄັນ ໃຫ້ກັບປະຊາຊົນຜູ້ທຸກຍາກໃນ 3 ບ້ານເປົ້າໝາຍຂອງໂຄງການ ພາຍໃນເມືອງປະກອບມີ: ບ້ານກາງ, ບ້ານວັງປານ ແລະບ້ານດອນເງິນ
ນອກນັ້ນ ໄດ້ມອບວັດສະດຸກໍ່ສ້າງ ເພື່ອສ້ອມແປງເຮືອນ ແລະສະຖານທີ່ສັດລ້ຽງ ອີກຈຳນວນໜື່ງລວມມູນຄ່າທັງໝົດ 185,400,000 ກີບ, ໂດຍມອບໃຫ້ອົງການປົກຄອງເມືອງ ແລະມອບຕໍ່ໃຫ້ອົງການປົກຄອງບ້ານ ແລະປະຊາຊົນເປັນຜູ້ຊົມໃຊ້ໃຫ້ເກີດປະໂຫຍດ, ກ່າວມອບໂດຍແມ່ນ ທ່ານ ແສງລາວີ ແກ້ວອຳພອນ ຜູ້ປະສານງານໂຄງການ sos ປະຈຳເມືອງ ກ່າວຮັບໂດຍ ທ່ານ ບຸນຈັນ ປານຟອງເພັດ ເຈົ້າເມືອງໂພນທອງ ແລະອົງການປົກຄອງບ້ານ.
ໂອກາດນີ້ ທ່ານເຈົ້າເມືອງໂພນທອງ ໄດ້ຊີ້ນຳໃຫ້ອົງການປົກຄອງບ້ານ ແລະປະຊາຊົນ ພ້ອມກັນຊົມໃຊ້ອຸປະກອນທີ່ໄດ້ຮັບໃຫ້ເກີດຜົນປະໂຫຍດສູງສຸດ ທັງນຳໃຊ້ ແລະປົກປັກຮັກສາ ໃຫ້ໄດ້ຍາວນານ.
ຂ່າວ: ສົມເພັດ ມີໄຊກອນ ນັກຂ່າວເມືອງໂພນທອງ
