ອົງ​ການ​ຈັດ​ຕັ້ງ​ມະ​ຫາ​ຊົນ​ເມືອງ​ທ່າ​ປາງ​ທອງ​ເກັບ​ກ່ຽວ​ເຂົ້າ​ນາ​ປີ​ຊ່ວຍ​ປະ​ຊາ​ຊົນ​ທີ່​ຖືກ​ນ້ຳ​ຖ້ວມ

ພາຍຫຼັງນ້ຳໄດ້ຫຼຸດລະດັບລົງແລ້ວ, ອົງການຈັດຕັ້ງມະຫາຊົນປະກອບມີ: ຊາວໜຸ່ມ, ກຳມະບານ, ສະຫະພັນແມ່ຍິງ, ແນວລາວສ້າງຊາດ ພ້ອມດ້ວຍສະຫະພັນນັກຮົບເກົ່າເມືອງທ່າປາງທອງ ໄດ້ນຳກ້ອນກຳລັງຂອງຕົນລົງເກັບກ່ຽວເຂົ້ານາປີທີ່ຖືກນ້ຳຖ້ວມຊ່ວຍພໍ່ແມ່ປະຊົນໃນກຸ່ມບ້ານ ທ່າພີ່ ໂດຍສະເພາະແມ່ນ(ຄຸ້ມ ນາແຊງ ) ບ້ານທ່າພີ່, ເມືອງ ທ່າປາງທອງ ທີ່ໄດ້ຮັບຜົນກະທົບຈາກອິດທິພົນພະຍຸລະດູຮ້ອນ

ດັ່ງນັ້ນ ມາໃນວັນທີ 27 ຕຸລາ 2020 ອົງການຈັດຕັ້ງມະຫາຊົນເຊິ່ງນຳໂດຍທ່ານ ນາງ ສຸພາບ ຈັນທະສາລີ ກຳມະ ການປະຈຳພັກເມືອງປະທານ ແນວລາວສ້າງຊາດເມືອງ, ທ່ານ ນາງ ພູມສະຫວັນພີມມະສອນກຳມະການພັກເມືອງປະທານສະຫະພັນແມ່ຍິງເມືອງ, ທ່ານ ນາງ ພອນສະຫວັນ ແກ້ວກິນນາລີ ກຳມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ, ມີບັນດາຮອງປະທານຄະນະບໍລິຫານງານສະຫະພັນກຳມະບານເມືອງ ແລະ ຄະນະສະຫະພັນນັກຮົບເກົ່າເມືອງພ້ອມດ້ວຍກ້ອນກຳລັງຊາວໜຸ່ມ, ກຳມະບານ, ແມ່ຍິງໃນການລົງໄປຊ່ວຍເຫຼືອຄອບຄົວທີ່ມີກໍາລັງແຮງງານໜ້ອຍ ແລະ ຈຳເປັນທີ່ສຸດສາມາດຊ່ວຍໄດ້ພຽນແຕ່ 2 ຄອບຄົວ 2 ທົງ, ເທົ່າກັບ 3 ເຮັກຕາ ຍ້ອນ ສະພາບເຂົ້ານາປີຖືກທັບຖົມໄປນໍ້າດິນຕົມເຮັດໃຫ້ການເກັບກ່ຽວລຳບາກບໍ່ສາມາດກ່ຽວຕາມຄາດໝາຍ.