ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ກອງປະຊຸມສະຫຼຸບຖອດຖອນບົດຮຽນວຽກງານປ້ອງກັນພາຍໃນຄັ້ງທີ VII ປະຈຳສົກປີ 2016-2020 ແລະ ວາງທິດທາງແຜນການຕໍ່ໜ້າ ໄດ້ເປີດຂື້ນ ແລະ ອັດລົງໃນວັນທີ 29 ຕຸລາ 2020 ນີ້ ທີ່ສະໂມສອນກອງບັນຊາການທະຫານແຂວງດັ່ງກ່າວ ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ທອງດຳ ພົງສະຫວັດ ຫົວໜ້າກົມປ້ອງກັນພາຍໃນ ກົມໃຫ່ຍການເມືອງກອງທັບ,ມີ ພັນເອກ ສີ ທະວີໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ,ມີຄະນະພັກ-ຄະນະບັນຊາກອງບັນຊາການທະຫານແຂວງ,ກອງບັນຊາການທະຫານເມືອງ 14 ຕົວເມືອງກັບ 1 ນະຄອນ,ແຂກທີ່ຖືກເຊີນຈາກກອງພົນທີ 4 ກອງພັນໃຫ່ຍ 644 ໂຮງໝໍບໍລິເວນ 109 ຫ້ອງການປກຊ,ປກສ ແຂວງ ປກສ ແຂວງ ບັນດາກົມກອງຕ່າງໆທີ່ຂື້ນກັບກອງບັນຊາການທະຫານແຂວງເຂົ້າຮ່ວມ.

.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ສະຫາຍ ພັນໂທ ຄູນສະໄຫມ ລິນສັນຍາ ຄະນະພັກກອງບັນຊາການ ຮອງຫົວໜ້າຫ້ອງການເມືອງກອງບັນຊາການທະຫານແຂວງ ໄດ້ຂື້ນຜ່ານບົດສະຫຼຸບການຈັດຕັ້ງປະຕິບັດວຽກງານປ້ອງກັນພາຍໃນ ແລະ ສະຫຼຸບວຽກງານ ກໍ່ສ້າງກົມກອງປອດໃສ,ປອດໄພ,ປອດຄະດີ ໄລຍະ 5 ປີ ຜ່ານມາ ເຊິ່ງໄລຍະຜ່ານມາຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ຈັດຕັ້ງຜັນຂະຫຍາຍຊີ້ນຳວຽກງານສືກສາອົບຮົມການເມືອງນຳພາແນວຄິດ,ຍົກສູງສະຕິລະວັງຕົວ ເພື່ອຕ້ານກົນອຸບາຍຂອງກຸ່ມຄົນບໍ່ດີ,ເອົາໃຈໃສ່ເຜີຍແຜ່ເຊື່ອມຊືມບັນດາເອກະສານຂອງພັກໄດ້ 112 ຄັ້ງ,ເຂົ້າຮ່ວມຄົ້ນຄວ້າວຽກງານນະໂບບາຍຕ່າງໆໄດ້ 116 ຄັ້ງ,ເຂົ້າຮ່ວມອະນຸກຳມະການປ້ອງກັນສະກັດກັ້ນ ແລະ ຕ້ານປະກົດການຫຍໍ້ທໍ້ຕ່າງໆຢູ່ກົມກອງໄດ້ 52 ຄັ້ງ,ສ້າງແຜນເປີດອົບຮົມໃຫ້ພະນັກງານຊ່ວຍວຽກປ້ອງກັນພາຍໃນ 1 ຄັ້ງ,ມີເຫດການຄະດີເກີດຂື້ນທັງໝົດ 46 ເລື່ອງ ມີຜູ້ຖຶກຫາ 67 ລາຍ,ແກ້ໄຂແລ້ວ 40 ເລື່ອງ, ຜູ້ຖຶກຫາ 59 ລາຍ, ເຫດການຄະດີທີ່ຍັງຄ້າງມີ 6 ເລື່ອງ,ຜູ້ຖຶກຫາ 8 ລາຍ, ຄະດີທີ່ພົ້ນເດັ່ນແມ່ນຄະດີອຸປະຕິເຫດຕາມທ້ອງຖະໜົນ, ຢາເສບຕິດ ແລະ ຄະດີຢ່າຮ້າງ,ນອກນັ້ນຍັງໄດ້ຄົ້ນຄວ້າ-ຄັດເລືອກກົມກອງປອດໃສ,ປອດໄພ,ປອດຄະດີຕາມ 5 ມາດຖານທີ່ຂັ້ນເທີງວາງອອກ, ວຽກງານກໍ່ສ້າງກົມກອງປອດໃສ,ປອດໄພ,ປອດຄະດີໄດ້ມີຂະບວນການຂະຫຍາຍຕົວດີ, ສາມາດຈັດແບ່ງປະເພດ I ມີ 16 ກົມກອງເທົ່າກັບ 37,77% ປະເພດ II ມີ 16 ກົມກອງເທົ່າກັບ 35,55%,ປະເພດ IIIມີ 10 ກົມກອງເທົ່າກັບ 22,72% ຖ້າທຽບໃສ່ປີ2015 ຜານມາເພີ້ມຂື້ນ2,22%,ຜູ້ແທນທີ່ເຂົ້າຮ່ວມກອງປະຊຸມຍັງໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫຼຸບ ແລະ ທິດທາງແຜນການໃນຕໍ່ໜ້າ,ຈາກນັ້ນກໍ່ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງວ່າດ້ວຍການມອບໃບຢັ້ງຢືນໃຫ້ກົມກອງປອດໃສ,ປອດໄພ,ປອດຄະດີປະຈຳປີ 2020 ລວມມີ 35 ກົມກອງ

.

ໃຫ້ກຽດຂື້ນມອບໂດຍສະຫາຍ ພັນເອກ ສີທະວີໄຊ ຫົວໜ້າການເມືອງກອງບັນຊາການທະຫານແຂວງສະຫວັນະເຂດ.ຕອນທ້າຍ ສະຫາຍ ພັນເອກ ທອງດຳ ພົງສະຫວັດ ຫົວໜ້າກົມປ້ອງກັນພາຍໃນ ກົມໃຫ່ຍການເມືອງກອງທັບ ກໍ່ໄດ້ເປັນກຽດໂອ້ລົມ ກອ່ນອື່ນສະຫາຍໄດ້ສະແດງຄຳຍ້ອງຍໍຊົມເຊີຍຜົນງານທີ່ຍາດມາໄດ້ ແລະ ຮຽກຮ້ອງໃຫ້ເອົາໃຈໃສ່ສືກສາຄົ້ນວ້າເອກະສານຕ່າງໆນຳໄປຈັດຕັ້ງປະຕິບັດໃຫ້ເປັນຈິງ,ສຸມໃສ່ກໍ່ສ້າງກົມກອງ 3 ປອດໃຫ້ໄດ້ຫຼາຍ ແລະ ມີຄຸນນະພາບສູງຂື້ນກວ່າເກົ່າ.

ຂ່າວ: ພານິດ ພິລາວົງ

ພາບ: ໄຊສົມພອນ ທະຫານແຂວງສະຫວັນນະເຂດ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here