ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ໄຂຂຶ້ນໃນຕອນເຊົ້າວັນທີ 27 ຕຸລາ 2020 ທີ່ຫ້ອງປະຊຸມສະພາແຫ່ງຊາດ ຫລັກ 6 ນະຄອນຫລວງວຽງຈັນ ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ. ມີ ທ່ານ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິ ຫານງານສູນກາງພັກ, ປະທານປະເທດ, ທ່ານ ທອງລຸນ ສີສຸລິດ, ນາຍົກລັດຖະມົນຕີ, ພ້ອມດ້ວຍການນຳພັກ-ລັດ, ສະມາຊິກສະພາແຫ່ງຊາດ ແລະ ແຂກຮັບເຊີນເຂົ້າຮ່ວມ.

ໃນໂອກາດກ່າວໄຂກອງປະຊຸມຢ່າງເປັນທາງການ ທ່ານ ນາງ ປານີ ຢາທໍ່ຕູ້ ໃຫ້ຮູ້ວ່າ: ກອງປະຊຸມສະພາແຫ່ງຊາດຄັ້ງນີ້ ຈະໄດ້ຮັບຟັງການລາຍງານ, ພິຈາລະນາ ແລະ ຕົກລົງຫລາຍບັນຫາສຳຄັນຂອງຊາດ ເປັນຕົ້ນ: ພິຈາລະນາ, ຮັບຮອງບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍໍາປີ 2020 ແລະ ແຜນການປະຈໍາປີ 2021, ພິຈາລະນາ, ຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2020 ແລະ ແຜນການປະຈຳປີ 2021, ແຜນງົບປະມານແຫ່ງລັດ 5 ປີ ນັບແຕ່ປີ 2016-2020, ພິຈາລະນາຮັບຮອງບົດລາຍງານການກວດກາຕາມຜົນການກວດສອບບົດສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດຂອງອົງການກວດກາລັດຖະບານ ແລະ ບັຍຫາສຳຄັນອື່ນຯ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ພາຍຫລັງ ທ່ານ ນາງ ປານີ ຢາທໍ່ຕູ້ ກ່າວໄຂກອງປະຊຸມສໍາເລັດ, ກອງປະຊຸມໄດ້ຮັບຟັງບົດລາຍງານຂອງລັດຖະ ບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍໍາປີ 2020 ແລະ ແຜນການປະຈໍາປີ 2021 ສະເໜີໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີ. ທ່ານໄດ້ຍົກໃຫ້ເຫັນວ່າ: ເນື່ອງຈາກໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ເຮັດໃຫ້ເສດ ຖະກິດຂອງລາວ ຫລື ລວມຍອດຜະລິດຕະພັນພາຍໃນໝົດປີນີ້ ຄາດວ່າຈະຂະຫຍາຍຕົວພຽງ 3,3 ສ່ວນຮ້ອຍ ຈາກແຜນດັດແກ້ທີ່ສະພາແຫ່ງຊາດຮັບຮອງເອົາ 3,3 ຫາ 3,6 ສ່ວນຮ້ອຍ, ມູນຄ່າຕາມລາຄາໃນປີປະມານ 173.178 ຕື້ກີບ. ດ້ານລາຍຮັບ: ຮອດທ້າຍເດືອນກັນຍາຂອງປີນີ້ ປະຕິບັດໄດ້14.674 ຕື້ກີບ ເທົ່າກັບ 64,57% ຂອງແຜນດັດແກ້. ດ້ານລາຍຈ່າຍ: ຮອດທ້າຍເດືອນ ປະຕິບັດໄດ້ 17.902 ຕື້ກີບເທົ່າກັບ 54,18% ຂອງແຜນດັດແກ້. ລັດຖະບານຮັບປະກັນລາຍຈ່າຍທີ່ຈຳເປັນ ໂດຍສະເພາະເງິນເດືອນ, ເງິນນະໂຍບາຍ, ການຊໍາລະໜີ້ສິນ ແລະ ວຽກສຸກເສີນ ໃຫ້ໄດ້ຕາມຄາດໝາຍ.ການປະຕິບັດລາຍຈ່າຍການລົງທຶນຂອງລັດ: ບ້ວງລົງທຶນປົກກະຕິ ປະຕິບັດໄດູ້ 4.360 ໂຄງການ, ມູນຄ່າ1.608 ຕື້ກ່ວາກີບ ເທົ່າກັບ 46,27% ຂອງແຜນດັດແກ້, ສາມາດຊໍາລະຕົວຈິງໄດ້ 1.299 ຕື້ ເທົ່າກັບ 37,35% ຂອງແຜນດັດແກ້.

ການລົງທຶນຂອງພາກເອກະຊົນພາຍໃນ ແລະ ຕ່າງປະເທດ: ຍັງສືບຕໍ່ດໍາເນີນໄປພາຍໃຕ້ນະໂຍບາຍ ແລະມາດຕະການປ້ອງກັນພະຍາດໂຄວິດ-19. ຮອດທ້າຍເດືອນ 9 ປີ 2020 ມູນຄ່າການລົງທຶນ ທີ່ຈົດທະບຽນ ປະຕິບັດໄດ້ ເກືອບ 13 ຕື້ ໂດລາສະຫະລັດ, ທຶນນໍາເຂົ້າຕົວຈິງ ປະມານ 3 ຕື້ກ່ວາໂດລາສະຫະລັດ, ເທົ່າກັບປະມານ 156% ຂອງແຜນດັດແກ້, ໂຄງການທາງລົດໄຟ ລາວ-ຈີນ ຄືບໜ້າ 90,77% ຄາດຄະເນຈະສໍາເລັດ 100% ໃນປ 2021, ໂຄງການກໍ່ສ້າງທາງດ່ວນນະຄອນຫຼວງວຽງ ຈັນ-ວັງວຽງ ຄວາມຄືບໜ້າຫຼາຍກວ່າ 95% ຄາດວ່າ ຈະສໍາເລັດ ແລະ ເປີດນໍາໃຊ້ຢ່າງເປັນທາງການໃນປີທ້າຍປີນີ້. ດ້ານການພັດທະນາຊົນນະບົດ ແລະ ແກ້ໄຂຄວາມທຸກຍາກ: ໃນ 9 ເດືອນ ຜ່ານມາ ລຶບລ້າງຄອບຄົວທຸກຍາກ ໄດູ 1.870 ຄອບຄົວ ເທົ່າາກັບ 57,82% ຂອງແຜນການ, ລຶບລ້າງບ້ານທຸກຍາກໄດ້ 17 ບ້ານ ເທົ່າກັບ 7,73% ຂອງແຜນການ, ສ້າງບ້ານໃຫຍ່ໃຫູ້ກາຍເປັນຕົວເມືອງນ້ອຍໃນຊົນຊະບົດໄດ້ 3 ບ້ານ ເທົ່າກັບ 16,67% ຂອງແຜນການ. ນອກຈາກນີ້ ວຽກງານດ້ານອື່ນໄດ້ຮັບຜົນສຳເລັດດີສົມຄວນ.

ຄຽງຄູ່ກັບຜົນສຳເລັດທີ່ປະຕິບັດໄດ້ ທ່ານ ທອງລຸນ ສີສຸລິດ ຍັງໄດ້ຍົກໃຫ້ເຫັນບັນດາຈຸດອ່ອນຂໍ້ຄົງຄ້າງທີ່ລັດຖະບານຕ້ອງສືບຕໍ່ປັບປຸງແກ້ໄຂໃຫ້ດີຂຶ້ນມີຫລາຍຢ່າງເປັນຕົ້ນ: ການປະຕິບັດຫລາຍຄາດໝາຍບໍ່ສາມາດບັນລຸໄດ້, ພື້ນຖານໂຄງລ່າງຫລາຍບ່ອນຍັງບໍ່ທັນໄດ້ຮັບການແກ້ໄຂ, ຄຸນນະພາບການປິ່ນປົວບາງໂຮງໝໍຍັງບໍ່ໄດ້ຄຸນນະພາບດີເທົ່າທີ່ຄວນ ແລະ ອື່ນຯ.

ສໍາລັບກອງປະຊຸມ ສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ຈະດຳເນີນໄປຮອດ ວັນທີ 17 ພະຈິກ 2020 ຈິ່ງຈະສໍາເລັດ. ຖ້າຫາກບຸກຄົນ ຫລື ນິຕິບຸກຄົນ ຕ້ອງການມີຄວາມຄິດຄວາມເຫັນຕ່າງຯ ໄປຍັງກອງປະ ຊຸມ ສາມາດໂທລະສັບບໍ່ເສຍຄ່າ ໝາຍເລກ: 156, ໂທລະສານ ໝາຍເລກ: 021 413528, ສົ່ງເປັນຈົດໝາຍທາງໄປສະນີ ຕູ້ ປນ. 662 ແລະ ສົ່ງອີເມວ: nalao.156@gmail.com

ຂ່າວ: ບຸນຕຽງ ຈັນທະວົງ

ຮູບ: ຈັນທະວອນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here