ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນວັນທີ 23 ຕຸລາ ນີ້, ກະຊວງປ້ອງກັນປະເທດໄດ້ຈັດພິທີຍ້ອງຍໍຄະນະນັກກີລາກອງທັບ ທີ່ສໍາເລັດການເຂົ້າຮ່ວມແຂ່ງຂັນກີລາການທະຫານສາກົນ 2020 ທີ່ ສ ຣັດເຊຍ ໂດຍ ການເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ໃຫ້ກຽດເຂົ້າຮ່ວມຂອງ ສະຫາຍ ພົນໂທ ສຸວອນ ເລືອງບຸນມີ ກໍາມະການສູນກາງພັກ ຮອງລັດ ຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ, ມີສະຫາຍພັນເອກ ອັນເດຼ ລີຄາຊອບ ທີ່ປຶກສາທູດ ປ້ອງກັນຊາດ ສ.ຣັດເຊຍ ປະຈໍາ ສປປ ລາວ, ມີສະຫາຍ ພັນເອກ ອັນເຫມູ ຊຽບລົບ ຫົວໜ້າຫ້ອງການຜູ້ຕາງໜ້າກະຊວງປ້ອງກັນປະເທດແຫ່ງ ສ.ຣັດເຊຍ ປະຈໍາ ສປປ ລາວ, ມີບັນດາຄະນະນໍາບັນດາກົມໃຫຍ່, ຫ້ອງວ່າການກະຊວງ, ຄະນະພັກ-ຄະນະບັນ ຊາ, ອົງການ, ກົມກອງ ແລະ ບັນ ດານັກກີລາເຂົ້າຮ່ວມ.

ສະຫາຍ ພົນຈັດຕະວາ ບົວວັນ ບຸດທະຈັນໂທ ຫົວໜ້າກົມລົດ ຕັງ-ຍານເກາະ ກະຊວງປ້ອງ ກັນປະເທດ ໃຫ້ຮູ້ວ່າ: ການແຂ່ງ ຂັນກີລາການທະຫານສາກົນ ຫຼື ອາມີເກມ 2020 ຢູ່ປະເທດ ຣັດເຊຍຄັ້ງນີ້, ມີທັງໝົດ 32 ປະເທດເຂົ້າຮ່ວມແຂ່ງຂັນ, ມີ 30 ປະເພດກີລາ, ລວມທັງໝດ 156 ທີມ, ມີ 5 ປະເທດ ເປັນ ເຈົ້າພາບຮ່ວມ ຄື: ຣັດເຊຍ, ອາເຊັກໄບຊານ, ອາກເມນີ ເບລາຣຸດ ແລະ ອຸດສະເບກີດສະຖານ, ສໍາລັບກອງທັບປະຊາຊົນລາວສົ່ງເຂົ້າຮ່ວມແຂ່ງ ຂັນ 7 ປະເພດກີລາ, ໃນນີ້ນໍາ ໃຊ້ນັກກີລາເດີນທາງຈາກລາວ ມີ 2 ປະເພດຄື: ລົດຕັງ ແລະ ທີມເຕັກນິກຊ່າງແສງ, ນອກນັ້ນນໍາໃຊ້ນັກສຶກສາທີ່ກໍາລັງສຶກສາ ຢູ່ ປະເທດຣັດເຊຍເຂົ້າຮ່ວມ 5 ປະເພດກີລາ ຄື: ທີມປ້ອງກັນ ອາກາດ, ທີມເຄມີລັງສີຊີວະພາບ, ທີມທະຫານອາກາດກູ້ໄພສຸກ ເສີນ, ທີມສືບຂ່າວ, ທີມເຕັກນິກ ຊ່ຽວຊານອາວຸດປືນ ລວມທັງໝົດ 84 ສະຫາຍ. ຜ່ານການແຂ່ງຂັນຕົວຈິງ ເຫັນວ່າ: ທີມລົດຕັ້ງກອງທັບ ປະຊາຊົນລາວ ສາມາດຍາດໄດ້ ອັນດັບທີ 2 ຂອງກຸ່ມເບ ແຂ່ງ ຂັນທັງໝົດ 8 ປະເທດ, ທີມ ເຕັກນິກຊ່າງແສງສາມາດຍາດ ໄດ້ອັນດັບທີ 2 ມີ 3 ປະເທດ, ທີມປ້ອງກັນອາກາດໄດ້ອັນດັບທີ 2 ມີ 7 ປະເທດ, ທີມປ້ອງກັນເຄມີ ລັງສີ ແລະ ຊີວະພາບໄດ້ອັນດັບທີ 2 ໃນສາຍນັກສຶກສາ ມີ 4 ປະເທດ, ທີມທະຫານອາກາດກູ້ໄພສຸກເສີນໄດ້ອັນດັບທີ 4 ມີ 8 ປະເທດ, ທີມສືບຂ່າວໄດ້ອັນດັບທີ 5 ມີ 10 ປະເທດ ແລະ ທີມເຕັກ ນິກຊ່ຽວຊານອາວຸດປືນ ສາມາດ ຍາດອັນດັບທີ 5 ມີ 8 ປະເທດ. ສັງຮວມການຈັດອັນດັບຄະແນນ ລວມສະສົມໃນການເຂົ້າຮ່ວມ ແຂ່ງ ຂັນຂອງນັກກີລາກອງ ທັບປະຊາຊົນລາວ ລະຫວ່າງ ວັນທີ 23 ສິງຫາ 5 ກັນຍາ ຜ່ານມາ, ກອງທັບ ປະຊາຊົນລາວ ຖືກຈັດຢູ່ໃນອັນດັບທີ 5 ຮ່ວມ ກັບກອງທັບປະຊາຊົນຈີນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ສະຫາຍ ພົນຈັດຕະວາ ບົວວັນ ບຸດທະຈັນໂທ ໃຫ້ຮູ້ຕື່ມວ່າ: ການເຂົ້າຮ່ວມເເຂ່ງຂັນກີລາການທະຫານ ຢູ່ ປະເທດຣັດເຊຍໃນຄັ້ງນີ້, ຖືເປັນໄຊຊະນະທີ່ຍາດໄດ້ຢ່າງ ຈົບງາມ ສະແດງໃຫ້ເຫັນເຖິງ ການເຕີບໃຫຍ່ ຂະຫຍາຍຕົວ ຂອງກອງທັບປະຊາຊົນລາວໃນແຕ່ລະໄລຍະພາຍໃຕ້ການນໍາພາອັນປີຊາສາມາດ ແລະ ສະຫຼາດສ່ອງໃສຂອງພັກປະ ຊາຊົນປະຕິວັດລາວ ທຸກພາກ ສ່ວນມີຄວາມຕັດສິນໃຈສູງ ຕໍ່ມະຕິຄໍາສັ່ງຂອງຂັ້ນເທິງ, ເຫັນໄດ້ຄວາມໝາຍຄວາມສໍາ ຄັນໃນການປະກອບສ່ວນເຂົ້າ ໃນການແຂ່ງຂັນ ໃນນາມຕົວ ແທນຂອງປະເທດຊາດ ແຕ່ລະ ທີມມີຄວາມມານະອົດທົນຕັ້ງ ໜ້າທຸ້ມເທເຫື່ອແຮງສະຕິປັນຍາ ຈົນສາມາດຍາດໄດ້ຜົນສໍາເລັດ ຢ່າງຈົບງາມ. ເພື່ອສະແດງຄວາມຊົມເຊີຍ ຕໍ່ຜົນງານຂອງຄະນະນັກກີລາກະ ຊວງປ້ອງກັນປະເທດ ໄດ້ຈັດພິທີ ຍ້ອງຍໍຄະນະນັກກີລາກອງທັບ ປະຊາຊົນລາວ ທີ່ສໍາເລັດການ ເຂົ້າຮ່ວມແຂ່ງຂັນກີລາການທະ ຫານ ສາກົນທີ່ປະເທດຣັດເຊຍເປັນເຈົ້າພາບ.

ໃນນັ້ນ, ກະຊວງປ້ອງກັນປະເທດຕົກລົງມອບຫຼຽນໄຊພິລາດອາດຫານຊັ້ນ II ໃຫ້ກົມກອງລວມໝູ່ຈໍານວນ 3 ກົມກອງ ແລະ ບຸກຄົນຈໍານວນ 25 ສະຫາຍ, ປະດັບຫຼຽນ ໄຊພິລາດອາດຫານຊັ້ນ III ໃຫ້ກົມກອງລວມໝູ່ຈໍານວນ 5 ກົມກອງ ແລະ ບຸກຄົນຈໍານວນ 17 ສະຫາຍ, ພ້ອມດຽວກັນນີ້, ສະຫາຍຫົວໜ້າກົມພະນັກງານກົມໃຫຍ່ການເມືອງກອງທັບໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການເລື່ອນຊັ້ນໃຫ້ພະນັກງານທີ່ມີຜົນງານດີເດັ່ນເຂົ້າຮ່ວມການແຂ່ງຂັນກີລາການທະຫານສາກົນທີ່ ສ.ຣັດເຊຍ; ໃນນີ້, ເລື່ອນຊັ້ນຮ້ອຍເອກ ຂຶ້ນ ພັນຕີ ຈໍານວນ 3 ສະຫາຍ, ເລື່ອນຊັ້ນ ຮ້ອຍໂທ ຂຶ້ນ ຮ້ອຍເອກ ຈໍານວນ 2 ສະຫາຍ, ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ ຈໍານວນ 3 ສະຫາຍ, ປະດັບຊັ້ນ ຮ້ອຍໂທ ຈໍານວນ 2 ສະຫາຍ, ເລື່ອນຊັ້ນ ວາທີ ຂຶ້ນ ຮ້ອຍຕີ ຈໍານວນ 2 ສະຫາຍ ແລະ ຂໍ້ຕົກລົງຂອງກົມໃຫຍ່ເສ ນາທິການກອງທັບວ່າດ້ວຍ ການອະນຸມັດປະດັບຊັ້ນນາຍສິບ ຢູ່ກົມໃຫຍ່ເສນາທິການກອງທັບ; ໃນນັ້ນ, ປະດັບຊັ້ນສິບໂທ ຂຶ້ນ ວາທີ ຈໍານວນ 1 ສະຫາຍ.

ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນສໍາເລັດທີ່ທີມນັກກີລາການທະຫານກອງທັບປະຊາຊົນລາວພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາແຕ່ລະຂັ້ນຕະຫຼອດຮອດພະນັກງານ-ນັກຮົບໃນທົ່ວກອງທັບ ໂດຍສະເພາະແມ່ນບັນດາເຫຼົ່າຮົບຈົ່ງເຊີດຊູນໍ້າໃຈເສຍສະຫຼະ, ອົດທົນຜ່ານຜ່າຄວາມຫຍຸ້ງຍາກຕ່າງໆ, ປັບປຸງກໍາລັງໃຫ້ມີຄວາມໜັກແໜ້ນເຂັ້ມແຂງ, ມີລະບຽບວິໄນເຂັ້ມງວດ, ມີບົດບາດຢືນຢູ່ແຖວໜ້າ ແລະ ເປັນແບບຢ່າງໃນທຸກວຽກງານໂດຍສະເພາະແມ່ນດ້ານເຕັກນິກ ການທະຫານໃຫ້ເຂັ້ມແຂງ ແລະ ທັນສະໄໝຕັ້ງໜ້າເຝິກແອບຮໍ່າຮຽນທັງພາກທິດສະດີ ແລະ ພຶດຕິກໍາຕົວຈິງໃນຄັ້ງນີ້ນໍາໄປໝູນໃຊ້ໃນກົມກອງໃຫ້ມີໝາກຜົນສູງສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃຫ້ມີຜົນສໍາເລັດປະຕິບັດຄໍາສັ່ງຂອງຜູ້ບັນຊາ, ຮັກສາຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ, ສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືກັບບັນດາເພື່ອນມິດໂດຍສະເພາະແມ່ນເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອອັນດີງາມລະຫວ່າງສອງຊາດ, ສອງກອງທັບລາວ-ຣັດເຊຍໃຫ້ໜັກແໜ້ນ ແລະ ເພີ່ມທະວີຍິ່ງໆຂຶ້ນ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here