ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ກອງທັບປະຊາຊົນລາວຖືກຈັດຢູ່ໃນອັນດັບທີ5ຮ່ວມກັບກອງທັບປະຊາຊົນຈີນຈາກຄະແນນລວມສະສົມທີ່ເຂົ້າຮ່ວມແຂ່ງກິລາການທະຫານສາກົນລະຫວ່າງວັນທີ 23 ສີງຫາ ຫາ 5 ກັນຍາ ຜ່ານມາຢູ່ປະເທດຣັດເຊຍຈາກທັງຫມົດ 32 ປະເທດ ເຂົ້າຮ່ວມແຂ່ງຂັນຖືວ່າເປັນຜົນສໍາເລັດທີ່ຍີ່ງໃຫຍ່ ແລະ ເກີນຄວາມຄາດຫມາຍຂອງກອງທັບປະຊາຊົນລາວ.
.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ໃນໂອກາດມີຄໍາເຫັນຕໍ່ພິທີສະຫລຸບ ແລະຍ້ອງຍໍຄະນະນັກກິລາກອງທັບປະຊາຊົນລາວ ທີ່ສໍາເລັດການເຂົ້າຮ່ວມແຂ່ງຂັນກິລາການທະຫານສາກົນລະຫວ່າງວັນທີ 23 ສີງຫາ ຫາ 5 ກັນຍາ ຜ່ານມາໃນຕອນເຊົ້າວັນທີ 23 ຕຸລາ 2020 ຢູ່ສະໂມສອນໃຫຍ່ກົມໃຫຍ່ການເມືອງກອງທັບ ກະຊວງປ້ອງກັນປະເທດ ພົນຈັດຕະວາ ບົວວັນ ບຸດທະຈັນໂທຫົວຫນ້າກົມລົດຕັງ-ຍານເກາະ ກະຊວງປ້ອງກັນປະເທດໃຫ້ຮູ້ວ່າ: ການແຂ່ງຂັນກິລາການທະຫານສາກົນຫລືອາມີເກມ ປະຈໍາປີ 2020 ຢູ່ປະເທດຣັດເຊຍ ຄັ້ງນີ້ມີທັງຫມົດ 32ປະເທດເຂົ້າຮ່ວມແຂ່ງຂັນ, ມີ30ປະເພດກິລາ ລວມທັງຫມົດ156ທີມ ມີ5ປະເທດ ເປັນເຈົ້າພາບຮ່ວມຄື: ຣັດເຊຍ, ອາເເຊັກໄບຊານ,ອາກເມນີ ເບລາຣຸດ ແລະອຸດສະເບກິດສະຖານ, ສໍາລັບກອງທັບປະຊາຊົນລາວສົ່ງເຂົ້າຮ່ວມແຂ່ງຂັນ7ປະເພດກິລາ
ໃນນີ້ນໍາໃຊ້ນັກກິລາເດີນທາງຈາກລາວມີ2ປະເພດຄື: ປະເພດລົດຕັງ ແລະທີມເຕັກນີກຊ່າງແສງ, ນອກນັ້ນນໍາໃຊ້ນັກສືກສາທີ່ກໍາລັງສຶກສາ ຢູ່ປະເທດຣັດເຊຍເຂົ້າຮ່ວມ ໃນ 5ປະເພດກິລາຄື: ທີມປ້ອງກັນອາກາດ, ທີມເຄມີລັງສີ, ແລະຊີວະພາບ, ທີມທະຫານອາກາດກູ້ໄພສຸກເສີນ, ທີມສືບຂ່າວ, ທີມເຕັກນິກ ຊ່ຽວຊານອາວຸດປືນ ລວມທັງຫມົດ 84ຄົນ, ຜ່ານການແຂ່ງຂັນຕົວຈີງເຫັນວ່າທີມລົດຕັງກອງທັບປະຊາຊົນລາວສາມາດຍາດໄດ້ທີອັນດັບທີ 2 ຂອງກຸ່ມເບ ແຂ່ງຂັນກັນທັງຫມົດ 8 ປະເທດ, ທີມເຕັກນິກຊ່າງແສງສາມາດຍາດໄດ້ອັນດັບທີ 2 ມີທັງຫມົດ 3 ປະເທດເຂົ້າແຂ່ງຂັນ, ທີມປ້ອງກັນອາກາດໄດ້ອັນດັບທີ 2 ມີທັງຫົມດ 7 ປະເທດເຂົ້າຮ່ວມແຂ່ງຂັນ, ທີມປ້ອງກັນເຄມີ, ລັງສີ ແລະ ຊີວະພາບໄດ້ອັນດັບທີ2ໃນສາຍນັກສຶກສາມີ 4 ປະເທດເຂົ້າຮ່ວມແຂ່ງຂັນ, ທີມທະຫານອາກາດກູ້ໄພສຸກເສີນໄດ້ອັນດັບທີ 4 ມີ 8 ປະເທດ ເຂົ້າຮ່ວມແຂ່ງຂັນ, ທີມສືບຂ່າວຍາດໄດ້ ອັນດັບທີ 5 ໂດຍມີ 10 ປະເທດ ເຂົ້າຮ່ວມແຂ່ງຂັນ ແລະ ທີມເຕັກ ນິກຊ່າວຊານອາວຸດປືນ ຂອງກອງທັບ ປະຊາຊົນລາວສາມາດຍາດໄດ້ອັນດັບທີ 5ມີ 8 ປະເທດເຂົ້າຮ່ວມ ແຂ່ງຂັນ. ສັງລວມການຈັດອັນດັບຄະແນລວມສະສົມໃນການເຂົ້າຮ່ວມແຂ່ງຂັນຂອງນັກກິລາ ກອງທັບປະຊາຊົນລາວ ທີ່ເຂົ້າຮ່ວມແຂ່ງຂັນກິລາການທະຫານສາກົນລະຫວ່າງວັນທີ 23 ສີງຫາ ຫາ 5 ກັນຍາ ຜ່ານມາ ຢູ່ປະເທດຣັດເຊຍ ກອງທັບປະຊາຊົນລາວຖືກຈັດຢູ່ ໃນອັນດັບທີ 5ຮ່ວມກັບກອງທັບປະຊາຊົນຈີນ.
ພົນຈັດຕະວາ ບົວວັນ ບຸດທະຈັນໂທ ໃຫ້ຮູ້ຕື່ມວ່າ: ການເຂົ້າຮ່ວມເເຂ່ງຂັນກີລາການທະຫານຢູ່ປະເທດຣັດເຊຍໃນຄັ້ງນີ້ ຖືເປັນໄຊຊະນະທີ່ຍາດມາໄດ້ຢ່າງຈົບງາມ ສະແດງໃຫ້ເຫັນເຖິງການເຕີບໃຫຍ່ ຂະຫຍາຍຕົວຂອງກອງທັບປະຊາຊົນລາວໃນແຕ່ລະໄລຍະ ພາຍໃຕ້ການນໍາພາອັນປີຊາສາມາດ ແລະ ສະຫລາດສ່ອງໃສຂອງພັກປະຊາຊົນປະຕິວັດລາວ ທຸກພາກສ່ວນມີຄວາມຕັດສີນໃຈສູງ ຕໍ່ມະຕິຄໍາສັ່ງ ຂອງຂັ້ນເທິງ, ເຫັນໄດ້ຄວາມຫມາຍຄວາມສໍາຄັນໃນການປະກອບສ່ວນເຂົ້າໃນການແຂ່ງຂັນໃນນາມຕົວແທນຂອງປະເທດຊາດແຕ່ລະທີມມີຄວາມມານະອົດທົນ ຕັ້ງຫນ້າທຸ້ມເທເຫື່ອແຮງສະຕິປັນຍາຈົນສາມາດຍາດໄດ້ຜົນສໍາເລັດຢ່າງຈົບງາມ.
ເພື່ອສະແດງຄວາມຊົມເຊີຍຕໍ່ຜົນງານຂອງຄະນະນັກກິລາກະຊວງປ້ອງກັນປະເທດໄດ້ຈັດພິທີສະຫລຸບ ແລະຍ້ອງຍໍຄະນະນັກກິລາກອງທັບປະຊາຊົນລາວ ທີ່ສໍາເລັດການເຂົ້າຮ່ວມແຂ່ງຂັນກິລາການທະຫານ ສາກົນລະຫວ່າງວັນທີ 23 ສີງຫາຫາ 5 ກັນຍາ ຜ່ານມາໃນຕອນເຊົ້າວັນທີ 23ຕຸລາ 2020 ຢູ່ສະໂມສອນ ໃຫຍ່ກົມໃຫຍ່ການເມືອງກອງທັບ ກະຊວງປ້ອງກັນປະເທດ ພາຍໃຕ້ການເປັນປະທານ ຂອງພົນເອກ ຈັນສະຫມອນ ຈັນຍາລາດ ກໍາມະການກົມການເມືອງສູນກາງພັກ ລັດຖະມົນຕີກະຊວງ ປ້ອງກັນປະເທດ, ມີຕາງຫນ້າຈາກສະຖານທູດສະຫະພັນຣັດເຊຍປະຈໍາລາວ, ນາຍແລະພົນທະຫານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ ແລະໃນພິທີຄັ້ງນີ້ ຄະນະຈັດຕັ້ງພິທີໄດ້ຜ່ານຂໍ້ຕົກລົງ ສະບັບ ເລກທີ4075/ກປທ ລົງວັນທີ 5 ຕຸລາ 2020 ຂອງລັດຖະມົນຕີກະຊວງປ້ອງກັນປະເທດ ມອບຫລຽນໄຊ ພິລະອາດຫານຊັ້ນ2 ແລະຊັ້ນ3ໃຫ້ກົມກອງລວມຫມູ່ແລະບຸກຄົນ ໃນນີ້ມອບຫລຽນໄຊ ພິລະອາດຫານ ຊັ້ນສອງໃຫ້ກົມ ກອງລວມຫມູ່ 3 ກົມກອງແລະບຸກຄົນຈໍານວນ 47ສະຫາຍ, ມອບຫລຽນໄຊພິລະ ອາດຫານ ຊັ້ນ 3ໃຫ້ 5 ກົມກອງລວມຫມູ່ ແລະບຸກຄົນຈໍານວນ 37ສະຫາຍ. ພ້ອມທັງປະກາດເລື່ອນຊັ້ນ ໃຫ້ນາຍແລະພົນ ທະຫານຕື່ມອີກ 13 ສະຫາຍ.
ຂ່າວ-ພາບ: ເດດອາລຸນ ແກ້ວວິໄລ.
---------------
ຢ່າລືມກົດຕິດຕາມເພຈ All in LAOS
------------------------------
