ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ດ້ວຍຄວາມເປັນຫ່ວງເປັນໃຍຂອງການນໍາພັກ-ລັດ ເວົ້າລວມ ເວົ້າສະເພາະກໍ່ຄືການນໍາຂອງເມືອງຊົນນນະບູລີ ທີ່ມີຕໍ່ພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມດັ່ງນັ້ນມາໃນຕອນເຊົ້າຂອງວັນທີ 21 ຕຸລາ 2020 ນີ້ ການນໍາຂອງເມືອງຊົນນະບູລີໄດ້ລົງມອບເຄື່ອງຊ່ວຍເຫຼືອ ແລະໃຫ້ກໍາລັງໃຈພໍາແມ່ປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມເຊີ່ງໄດ້ແບ່ງເປັນ 2 ຈຸດ: ໃນການລົງມອບເຄື່ອງຊ່ວຍເຫຼືອຈຸດທີ 1 ນໍາໂດຍທ່ານ ສຸວິໄລ ຫຼວງຊະລາດ ເຈົ້າເມືອງຊົນນະບູລີ ພ້ອມດ້ວຍຄະນະຕ້ານໄພພິບັດຂັ້ນເມືອງກໍາລັງ ປກຊ-ປກສ ໄດ້ລົງມອບເຄື່ອງຊ່ວຍເຫຼືອໃຫ້ປະຊາຊົນບ້ານນາໜອງຜໍາ ແລະ ບ້ານດົງບູນ, ຈຸດທີ 2 ນໍາໂດຍທ່ານ ພູຂົງ ພັນທະວະດີ ຮອງເຈົ້າເມືອງຊົນນະບູລີ ພ້ອມຄະນະກໍາລັງ ປກຊ-ປກສ ໄດ້ລົງມອບເຄື່ອງຊ່ວຍເຫຼືອປະຊາຊົນບ້ານບຶງຊ້າງ, ບ້ານວັງໂຄນຄໍາ ແລະຢູ່ສູນພັກຊົ່ວຄາວບ້ານດົງຫົງຄໍາ.

.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນການລົງມອບເຄື່ອງຊ່ວຍເຫຼືອໃຫ້ພໍ່ແມ່ປະຊາຊົນທີ່ປະຊົບໄພນໍ້າຖ້ວມໃນຄັ້ງນີ້ ທ່ານ ສຸວິໄລ ຫຼວງຊະລາດເຈົ້າເມືອງຊົນນະບູລີ ກໍ່ໄດ້ສະແດງຄວາມເປັນຫ່ວງເປັນໃຍຕໍ່ອໍານາດການປົກຄອງ ແລະພໍ່ແມ່ປະຊາຊົນ ຈົ່ງພ້ອມກັນອົດທົນຜ່ານຜ່າວິກິດນີ້ໄປພ້ອມກັນ ແລະ ອີກຢ່າງໜື່ງທີ່ທ່ານເປັນຫ່ວງທີ່ສຸດກໍ່ຄືບັນຫາສຸຂະພາບຂອງປະຊາຊົນເພາະໃນຊ່ວງນໍ້າຖ້ວມນີ້ພະຍາດທີ່ມັກເກີດມີພະຍາດຖອກທ້ອງ, ໄຂ້ຫວັດ, ຕີນເປື່ອຍ, ຕາແດງ ແລະອື່ນໆ.

ດັ່ງນັ້ນທາງອໍານາດການປົກຄອງຕ້ອງຕິດຕາມຖ້າມີກໍລະນີເຈັບເປັນແມ່ນໃຫ້ປະສານຫາສາທາລະນະສຸກເມືອງ ເພາະຈະໄດ້ໃຫ້ການຊ່ວຍເຫຼືອໄດ້ຢ່າງທັນການ. ເຄື່ອງທີ່ນໍາມາມອບໃຫ້ອໍານາດການປົກຄອງພໍ່ແມ່ປະຊາຊົນບ້ານ ນາໜອງຜໍາ ແລະ ບ້ານ ດົງບູນ ມີນໍ້າດື່ມ 40 ແພັກ, ປ໋ອງປາ 4 ແກັດນ້ອຍ, ໝີ່ໄວ 4 ແກັດນ້ອຍ ແລະຢາປົວພະຍາດ ໃຫ້ກຽດມອບໂດຍທ່ານ ສຸວິໄລ ຫຼວງຊະລາດເຈົ້າເມືອງຊົນນະບູລີ, ສໍາລັບເຄື່ອງທີ່ນໍາມາມອບໃຫ້ອໍານາດການປົກຄອງບ້ານພໍ່ແມ່ປະຊາຊົນບ້ານ ບຶງຊ້າງ, ບ້ານ ວັງໂຄນຄໍາ ແລະຈຸດພັກເຊົ່າຊົ່ວຄາວບ້ານດົງຫົງຄໍາ ມີນໍ້າດື່ມ 130 ແພັກ, ໝີ່ໄວໆ 4 ແກັດໃຫຍ່, ຢາຖູແຂ້ວ 2 ແກັດ,ປ໋ອງປາ 6 ແກັດໃຫຍ່ ແລະ ຢາປົວພະຍາດໃຫ້ກຽດມອບໂດຍທ່ານ ພູຂົງ ພັນທະວະດີ ຮອງເຈົ້າເມືອງ.

ສະຖານະການລ່າສຸດສະພາບນໍ້າຖ້ວມທີ່ເມືອງຊົນນະບູລີ ລະດັບນໍ້າເຊຊັງຊອຍແມ່ນຍັງເພີ່ມຂື້ນຢ່າງຕໍ່ເນື່ອງ ວັດແທກໄດ້ 11,82 ແມັດ, ບ້ານທີ່ໄດ້ຮັບຜົນກະທົບມີ 43 ບ້ານ, ເພີ່ມຂື້ນ 2 ບ້ານ ມີ 4,284 ຫຼັງຄາເຮືອນ, ມີພົນລະເມືອງ 29,493 ຄົນ ຍິງ 14,622 ຄົນ, ເນື້ອທີ່ຖືກຖ້ວມ 7,085 ເຮັກຕາ, ສວນພຶດຜັກ 176 ເຮັກຕາ, ໜອງປາ 361 ໜອງ, ຊົນລະປະທານ 9 ແຫ່ງ, ປະຕູນໍ້າ 3 ແຫ່ງ, ນໍ້າສ້າງຕື້ນ 105 ບໍ່, ນໍ້າບາດານ 233 ບໍ່, ວິດຖ່າຍ 1,142 ໜ່ວຍ, ກ້ອກນໍ້າປະປາຊຸມຊົນ 150 ກ້ອກ, ໂຮງຮຽນຖືກກະທົບຕ້ອງໂຈະການຮຽນມີ 23 ແຫ່ງ, ເສັ້ນທາງຖືກຖ້ວມ ແລະຕັດຂາດການສັນຈອນມີ 12 ເສັ້ນ, ບ້ານທີ່ຕ້ອງລະງັບການໃຊ້ໄຟຟ້າຊົ່ວຄາວເພື່ອຄວາມປອດໄພມີ 13 ບ້ານ, ວັດຖືກຖ້ວມມີ 13 ແຫ່ງ.

ສໍາລັບການຍົກຍ້າຍໃຫ້ການຊ່ວຍເຫຼືອປະຊາຊົນເຂົ້າພັກເຊົ່າທີ່ສູນພັກເຊົ້າຊົ່ວຄາວໃນມື້ນີ້: ຢູ່ສູນສະໂມສອນຂອງເມືອງ ມີ 18 ຄອບຄົວ, ມີພົນລະເມືອງ 91 ຄົນ ຍິງ 56 ຄົນ, ພັກຢູ່ເຮືອນພີ່ນ້ອງໃນຂອບເຂດບ້ານໂນນສະຫວ່າງມີ 17 ຄອບຄົວ ມີພົນລະເມືອງ 83 ຄົນ ຍິງ 47 ຄົນ, ຢູ່ສູນບ້ານດົງຫົງຄໍາ ມີ 39 ຄອບຄົວ ມີພົນລະເມືອງ 156 ຄົນ ຍິງ 89 ຄົນ, ສູນບ້ານໜອງຜື ມີ 11 ຄອບຄົວ ມີພົນລະເມືອງ 73 ຄົນ ຍິງ 53 ຄົນ, ພັກຢູ່ສາລາບ້ານມີ 6 ຄອບຄົວ ມີພົນລະເມືອງ 20 ຄົນ ຍິງ 10 ຄົນ, ພັກຢູ່ເຮືອນພີ່ນ້ອງມີ 15 ຄອບຄົວ ມີພົນລະເມືອງ 70 ຄົນ ຍິງ 75 ຄົນ ແລະຢູ່ສູນໂຮງຮຽນມໍຕົ້ນບ້ານ ໂນນຄູ້ ມີ 2 ຄອບຄົວ ມີພົນລະເມືອງ 11 ຄົນ ຍິງ 6 ຄົນ, ມາໃນປັດຈຸບັນນີ້ສີ່ງທີ່ເມືອງຊົນນະບູລີ ມີຄວາມຕ້ອງການຄວາມຊ່ວຍເຫຼືອຈາກສັງຄົມຢ່າງຮີບດ່ວນທີ່ສຸດແມ່ນ: ນໍ້າດື່ມ, ເຂົ້າສານ, ອາຫານແຫ້ງ, ນໍ້າມັນເຊື້ອໄຟ, ຢາປົວພະຍາດ ແລະ ເຄື່ອງອຸປະໂພກ-ບໍລິໂພກ ແລະອື່ນໆ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here