ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ອົງການອຸຍນີເຊັບ (UNICEF) ປະຈໍາ ສປປ ລາວ ໄດ້ມອບວັດຖຸ ແລະ ອຸປະກອນດ້ານການແພດ ລວມມູນຄ່າທັງໝົດ 1.163.860 ໂດລາ ໃຫ້ແກ່ ກະຊວງສາທາລະນະສຸກ ເພື່ອເພີ່ມຄວາມສາມາດໃຫ້ແກ່ລັດ ຖະບານ ແຫ່ງ ສປປ ລາວ ໃນການປ້ອງກັນ ແລະ ຕອບໂຕ້ ພະ ຍາດອັກເສບປອດສາຍພັນໃໝ່ ຫ​ຼື ໂຄວິດ-19 (COVID-19) ຂຶ້ນ ໃນວັນທີ 16 ຕຸລາຜ່ານມານີ້ ທີ່ນະຄອນຫຼວງວຽງຈັນ.

ວັດຖຸ ແລະ ອຸປະກອນດ້ານການແພດດັ່ງກ່າວ, ແມ່ນ ໄດ້ຈັດຊື້ດ້ວຍທຶນການຊ່ວຍ ເຫຼືອຈາກສະຫະພາບເອີຣົບ, ລັດຖະບານໄອແລນ ແລະ ລັດ ຖະບານຍີ່ປຸ່ນ ຊຶ່ງປະກອບດ້ວຍ ອຸປະກອນປ້ອງກັນສ່ວນບຸກ ຄົນ (PPE) ເຊັ່ນ: ຜ້າອັດປາກ, ໜ້າກາກແຜ່ນໃສ, ຖົງມື ແລະ ແວ່ນຕາປ້ອງກັນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ນອກຈາກນີ້, ຍັງປະກອບມີອຸປະກອນການປິ່ນປົວດ້ວຍອົກຊີເຈນເຊັ່ນ: ເຄື່ອງດູດອົກຊີເຈນ, ເຄື່ອງຊ່ວຍຫາຍໃຈ, ເຄື່ອງວິເຄາະອົກຊີເຈນ, ເຄື່ອງວັດແທກລະດັບອົກຊີເຈນໃນເລືອດ ແລະ ທໍ່ໃສ່ດັງ ສຳລັບ ຜູ້ໃຫຍ່ ແລະ ເດັກນ້ອຍ.

ທ່ານ ບຸນກອງ ສີຫາວົງ ລັດຖະມົນຕີກະຊວງສາທາ ລະນະສຸກ ໄດ້ກ່າວວ່າ: ອຸປະ ກອນປ້ອງກັນ ສ່ວນບຸກຄົນ ແລະ ອຸປະກອນປິ່ນປົວດ້ວຍອົກຊີເຈນ ເຫຼົ່ານີ້ ຈະຖືກແຈກຢາຍໃຫ້ກັບກົມປິ່ນປົວ ແລະ ຟື້ນຟູໜ້າທີ່ການ ແລະ ກົມອະນາໄມ ແລະ ສົ່ງເສີມສຸຂະພາບ ກະຊວງສາ ທາລະນະສຸກ ຊຶ່ງຈະຊ່ວຍເພີ່ມທະວີຄວາມອາດສາມາດໃນການຮັບມືກັບ ການແຜ່ລະບາດຂອງພະຍາດໂຄວິດ-19 ໃຫ້ກັບ ລັດຖະບານ ແຫ່ງ ສປປ ລາວ ໂດຍການຫຼຸດຜ່ອນຄວາມສ່ຽງໃນການຕິດຕໍ່ ແລະ ແຜ່ເຊື້ອພະຍາດ ລະຫວ່າງ ພະນັກງານສາທາລະນະສຸກ ແລະ ຄົນເຈັບຢູ່ໂຮງໝໍ ແລະ ສຸກສາລາ.

ທ່ານ ນາງ ອິນາ ມາຄິວລີ ອອນນີເຕ ເອກອັກຄະລັດຖະທູດ ສະຫະພາບເອີຣົບ ປະຈຳ ສປປ ລາວ ໄດ້ກ່າວວ່າ: “ສະຫະ ພາບເອີຣົບ ຮູ້ສຶກເປັນກຽດຢ່າງຍິ່ງທີ່ໄດ້ໃຫ້ການຊ່ວຍເຫຼືອໃນການເສີມສ້າງຄວາມສາມາດໃຫ້ກັບລັດຖະບານ ແຫ່ງ ສປປ ລາວ ໃນການຕອບໂຕ້ການແຜ່ລະບາດຂອງ ພະຍາດໂຄວິດ-19. ພະຍາດ ໂຄວິດ-19 ໄດ້ສົ່ງຜົນກະທົບຢ່າງໜັກໜ່ວງຕໍ່ເສດຖະກິດ ແລະ ພົນລະເມືອງຂອງສະ ຫະພາບເອີຣົບ ແລະ ຄູ່ຮ່ວມມືຂອງພວກເຮົາອີກດ້ວຍ. ດັ່ງນັ້ນ, ຂ້າພະເຈົ້າໃນນາມຜູ້ຕາງໜ້າ ຂອງສະຫະພາບເອີຣົບຂໍໃຫ້ ຄໍາໝັ້ນສັນຍາວ່າພວກເຮົາຈະຮ່ວມມື ແລະ ຢືນຄຽງຂ້າງ ກັບ ປະຊາຊົນລາວ ເພື່ອຕອບໂຕ້ໄພວິກິດໃນຄັ້ງນີ້ ແລະ ຊ່ວຍແກ້ໄຂສິ່ງທ້າທາຍໄລຍະຍາວ ທາງດ້ານສຸຂະພາບ ແລະ ເສດຖະກິດ-ສັງຄົມພາຍໃນປະເທດ.

(ຂ່າວ-ພາບ: ຈາກອົງການອຸຍນີເຊັບ)

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here