ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ວັນທີ 14 ຕຸລາ 2020 ນີ້ ກອງບັນຊາການະຫານແຂວງສາ ລະວັນໄດ້ເປີດກອງປະຊຸມເຜີຍແຜ່ຄຳສັ່ງຂອງກົມໃຫ່ຍເສນາທິ ການ ວ່າດ້ວຍການປັບປຸງການກຽມພ້ອມສູ້ຮົບຂອງບັນດາກົມ ກອງທ້ອງຖິ່ນແຂວງສາລະວັນໂດຍພາຍໃຕ້ການເປັນປະທານ ຂອງ ສະຫາຍ ພົນຈັດຕະວາ ຄອນສະຫວັນ ມີ່ງຈຳປາບານ ຮອງ ຫົວໜ້າກົມໃຫ່ຍເຕັກນິກກອງທັບ, ເຂົ້າຮ່ວມພິທີມີ ສະຫາຍ ພັນເອກ ພູວັນ ພີມມະຈັນ ເລຂາຄະນະພັກຫົວໜ້າການເມືອງ ກອງບັນຊາການທະຫານແຂວງສາລະວັນ, ມີກົມສູ້ຮົບ, ຄະນະພັກ-ຄະນະບັນຊາກອງບັນຊາການ, ຫົວໜ້າພະແນກ-ຮອງ ພະແນກການ 5 ຫ້ອງອ້ອມຂ້າງ ແລະ ກົມກອງທີ່ກ່ຽວຂ້ອງເຂົ້າ ຮ່ວມຮັບຟັງ.
ສະຫາຍ ພັນເອກ ສໍາລານ ສີລິໂພຄໍາ ຮອງຫົວໜ້າກົມສູ້ຮົບ ກົມໃຫຍ່ເສນາທິການກອງທັບກອງເລຂາ ໄດ້ຂຶ້ນຜ່ານຄຳສັ່ງ ແນະນຳຂອງກົມໃຫ່ຍເສນາທິການກອງທັບວ່າດ້ວຍການປັບປຸງການກຽມພ້ອມສູ້ຮົບຂອງບັນດາກົມກອງທີ່ຂຶ້ນກັບກອງບັນຊາການທະຫານແຂວງສາລະວັນ ໂດຍອີງໃສ່ທິດທາງແຜນການປັບປຸງບັນດາກົມກອງກຳລັງຫຼວງ, ກຳລັງທ້ອງຖິ່ນ ແລະ ທິດຊີ້ນຳຂອງຫົວໜ້າກົມໃຫຍ່ເສນາທິການກອງ ທັບ ວ່າດ້ວຍການປັບປຸງບັນດາກົມກອງທີ່ຢູ່ໃນໂຄງການເພື່ອໃຫ້ມີຄວາມພ້ອມໃນທຸກດ້ານ ແລະ ສາມາດເຄື່ອນໄຫວປະຕິບັດໜ້າທີ່ໄດ້ຕະຫຼອດເວລາ, ຜ່ານ ການຈັດຕັ້ງປະຕິບັດແຜນການ ໃນໄລຍະຜ່ານມາເຫັນວ່າບັນດາກົມກອງໄດ້ມີຄວາມພະຍາຍາມ ແລະ ສູ້ຊົນຈັດຕັ້ງປະຕິບັດໜ້າທີ່ວຽກງານຢ່າງບໍ່ຢຸດຢັ້ງ ແລະ ມີຜົນສຳເລັດໃນລະດັບສູງ, ແຕ່ເຖິງຢ່າງໃດກໍຕາມຖ້າທຽບໃສ່ຄວາມຮຽກຮ້ອງຕ້ອງການ ຂອງ ໜ້າທີ່ວຽກງານໃນການກຽມພ້ອມສູ້ຮົບ ແລະ ສູ້ຮົບຂອງບັນດາ ກົມກອງເຫັນວ່າຍັງມີຫຼາຍດ້ານທີ່ຈະໄດ້ປັບປຸງເປັນຕົ້ນ: ແມ່ນຂັ້ນ ກອງພັນ, ກອງຮ້ອຍ, ຂັ້ນໝວດ ແລະ ຂັ້ນໝູ່, ການສັບຊ້ອນໜ້າທີ່ໃຫ້ເປັນລະບົບຄົບຖ້ວນຕາມຂໍ້ກຳ ນົດທີ່ວາງໄວ້, ຈັດຕັ້ງລະບົບປະຈຳການທາງດ້ານຈຳນວນພົນ, ພາຫະນະໃຫ້ຄົບຊຸດ, ຈັດຕັ້ງເຝິກແອບຮໍ່າຮຽນປະຈຳປີ ຕາມທິດ ຊີ້ນຳຂອງຂັ້ນເທິງໃຫ້ຕໍ່ເນື່ອງລຽນຕິດເຮັດໃຫ້ພະນັກງານ- ນັກຮົບມີຄວາມສໍານິສໍານານຄ່ອງແຄ້ວ, ປັບປຸງແບບແຜນການ ນໍາພາຂອງຄະນະພັກ-ຄະນະບັນຊາໃຫ້ໄປຕາມທິດກ້າວໜ້າທັນ ສະໄໝ ແລະ ຈັດຕັ້ງກວດກາກຽມພ້ອມສູ້ຮົບຢູ່ແຕ່ລະຂັ້ນ, ແຕ່ລະ ຂະແໜ່ງການ ໃຫ້ເຂັ້ມງວດຕາມ ລະບອບກວດກາ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ໃນໂອກາດນີ້ ສະຫາຍ ພົນຈັດ ຕະວາ ຄອນສະຫວັນ ມີ່ງຈຳປາ ບານ ໄດ້ມີຄຳເຫັນໂອ້ລົມ ແລະ ຮຽກຮ້ອງໃຫ້ຄະນະພັກ-ຄະນະ ບັນຊາແຕ່ລະຂັ້ນຈົ່ງເພີ່ມທະວີວຽກງານສຶກສາອົບຮົມການ ເມືອງນໍາພາແນວຄິດໃຫ້ພະນັກ ງານ-ນັກຮົບຢ່າງຕໍ່ເນື່ອງລຽນ ຕິດ, ຍົກສູງບົດບາດການນໍາພາຂອງພັກແບບແຜນວິທີນຳພາ- ບັນຊາ, ເອົາໃຈໃສ່ການປັບປຸງການກຽມພ້ອມສູ້ຮົບຂອງບັນດາກົມກອງທີ່ຂຶ້ນກັບຄວາມຮັບ ຜິດຊອບຂອງຕົນ, ນອກນີ້ກໍເອົາໃຈໃສ່ກວດກາການບົວລະບັດ ແລະ ປົກປັກຮັກສາພາຫະນະ, ອາວຸດຍຸດໂທປະກອນໃຫ້ເປັນປະຈຳເພື່ອນຳໃຊ້ໃຫ້ໄດ້ຍາວນານ.
ໂດຍ: ຂາວທອງ ໄຊຍະທິລາດ
---------------
ຢ່າລືມກົດຕິດຕາມເພຈ All in LAOS
------------------------------
