ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໄຊຍະບູລີ: ນັກຮຽນດີ-ຮຽນເກັ່ງ 3 ເມືອງເໜືອແຂວງໄຊຍະບູລີ ໄດ້ຮັບທຶນການສຶກສາ.

ໃນຕອນບ່າຍຂອງວັນທີ 16 ຕຸລາ 2020 ນີ້, ບໍລິສັດ ໄຟຟ້າຫົງສາ ຈຳກັດ ໄດ້ຈັດພິທີມອບທຶນການສຶກສາໃຫ້ແກ່ນັກຮຽນດີ-ຮຽນເກັ່ງ 3 ເມືອງເໜືອຂອງແຂວງໄຊຍະບູລີ ຄື: ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ຂຶ້ນຢູ່ທີ່ອາຄານຫົງຄໍາໄຊຍາຄານ. ໂດຍໃຫ້ກຽດມອບທຶນການສຶກສາຂອງທ່ານ ຈິລະສັກ ທິບບໍາລຸງ ຮອງຜູ້ອໍານວຍການໃຫຍ່ ບໍລິສັດ ໄຟຟ້າ ຫົງສາ ຈໍາກັດ ຝ່າຍບໍ່ແຮ່ ແລະ ເຂົ້າຮ່ວມເປັນສັກຄີພິຍານຄັ້ງນີ້, ທ່ານ ແຫຼ້ ອ່ອນສົມບູນ ຮອງເຈົ້າເມືອງ ເມືອງຫົງສາ, ມີຕາງໜ້າຫ້ອງການສຶກສາທິການ ແລະ ກິລາ ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ພ້ອມຄູ-ອາຈານນຳພາ, ພໍ່ແມ່ຜູ້ປົກຄອງ ແລະ ນ້ອງນັກຮຽນທີ່ຜ່ານການຄັດເລືອກ ແລະ ສອບເສັງຕິດໃນລະດັບປະລິນຍາຕີເຂົ້າຮ່ວມ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ທ່ານ ຈິລະສັກ ທິບບໍາລຸງ ຮອງຜູ້ອໍານວຍການໃຫຍ່ ບໍລິສັດ ໄຟຟ້າ ຫົງສາ ຈໍາກັດໄດ້ກ່າວໃຫ້ຮູ້ວ່າ: ບໍລິສັດ ໄຟຟ້າ ຫົງສາ ຈໍາກັດ ມີນະໂຍບາຍໃນການສົ່ງເສີມດ້ານການສຶກສາ ເພື່ອພັດທະນາຄຸນນະພາບຊີວິດ ແລະ ຊຸມຊົນອ້ອມຂ້າງ ໂດຍໄດ້ເລີ່ມໃຫ້ທຶນການສຶກສາ ສໍາລັບນັກຮຽນຊັ້ນ ມໍ7 ໃນເຂດພື້ນທີ່ ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ເພື່ອມອບທຶນສຶກສາຕໍ່ໃນລະດັບປະລິນຍາຕີ ມາແຕ່ປີ 2014 ຈົນເຖິງປັດຈຸບັນ ລວມທັງໝົດ 36 ທຶນ ແລະ ມີຜູ້ຈົບການສຶກສາແລ້ວ ຈໍານວນທັງໝົດ 18 ຄົນ ໂດຍມີມາດຖານ, ເງື່ອນໄຂທີ່ພິຈາລະນາຄຸນສົມບັດຂອງນັກຮຽນທີ່ໄດ້ຮັບທຶນການສຶກສາຈາກຄວາມຮູ້, ຄວາມສາມາດ, ຖານລາຍໄດ້ຂອງຄອບຄົວ ແລະ ຈະຕ້ອງສອບເສັງຕິດໃນລະດັບປະລິນຍາຕີ ຂອງມະຫາວິທະຍາໄລໃນ ສ ປປ ລາວ ແລະ ໃນປີນີ້, ບໍລິສັດໄດ້ມອບທຶນການສຶກສາ ຈໍານວນ 5 ທຶນ ລວມມູນຄ່າ 280,000,000 ກີບ. ໂດຍຈະໄດ້ເຂົ້າຮັບການສຶກສາໃນລະດັບປະລິນຍາຕີ ທີ່ມະຫາວິທະຍາໄລແຫ່ງຊາດລາວ ນະຄອນຫຼວງວຽງຈັນ ແລະ ມະຫາວິທະຍາໄລສຸພານຸວົງ ນະຄອນຫຼວງພະບາງ ໃນສາຂາວິສະວະກໍາໄຟຟ້າ 2 ຄົນ, ສາຂາວິສະວະກໍາກົນຈັກ 2 ຄົນ ແລະ ສາຂາບັນຊີການເງິນ 1 ຄົນ.

ໃນໂອກາດນີ້, ທ່ານ ແຫຼ້ ອ່ອນສົມບູນ ຮອງເຈົ້າເມືອງຫົງສາ ກໍ່ໄດ້ຂຶ້ນກ່າວສະແດງຄວາມຂອບໃຈມາຍັງໂຄງການ ທີ່ໃຫ້ການປະກອບສ່ວນທຶນຮອນເຂົ້າໃນວຽກງານການສຶກສາຕະຫຼອດມາ ທັງເປັນການປະກອບສ່ວນ ສ້າງຊັບພະຍາກອນມະນຸດ ໃຫ້ມີຄວາມຮູ້-ຄວາມສາມາດ ແລະ ນຳເອົາຄວາມຮູ້ກັບມາພັດທະນາຊຸມຊົນທ້ອງຖິ່ນຂອງຕົນ. ພາຍຫຼັງສຳເລັດພິທີແລ້ວ ບັນດາທ່ານທີ່ເຂົ້າຮ່ວມ ກໍ່ໄດ້ເຂົ້າຢ້ຽມຊົມ ແລະ ຮັບຟັງການບັນລະຍາຍຂໍ້ມູນບັນດາກິດຈະກຳຂອງໂຄງການຕ່າງໆ ທີ່ໄດ້ຈຳລອງໄວ້ທີ່ຫ້ອງວາງສະແດງຂອງອາຄານຫົງຄໍາໄຊຍາຄານ ແລະ ຖ່າຍພາບເປັນທີ່ລະນຶກ.

ພາບ-ຂ່າວ: ກິດຕິສັກ ບົວໄລ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here