ເມືອງວິລະບູລີ: ລາຍງານຈາກນັກຂ່າວເມືອງວິລະບູລີ ໃຫ້ຮູ້ໃນຕອນເຊົ້າ ວັນທີ 19 ຕຸລາ 2020 ນີ້ວ່າ: “ເນື່ອງຈາກຝົນຕົກຕິດຕໍ່ກັນຫຼາຍຊົ່ວໂມງຕິດຕໍ່ກັນຫຼາຍວັນຢູ່ເມືອງວິລະບູລີ ຈື່ງເຮັດໃຫ້ເສົາໄຟຟ້າຫັກກົ່ນ ຈໍານວນ 2 ຕົ້ນທາງ 28 ເອ ແລະ ອີກ 2 ຕົ້ນທາງບ້ານໂນນສໍາລານຈື່ງເຮັດເມືອງວິລະບູລີ ບໍ່ມີໄຟຟ້າໃຊ້.
ກໍາລັງປຶກສາຫາລືກັນເພື່ອວາງແຜນລົງສ້ອມແປງສຸກເສີນກ່ອນ. ແຕ່ເນື່ອງຈາກມີທາງຂາດນໍ້າຖ້ວມທາງໃນຫຼາຍຈຸດ ຈຶ່ງມີຄວາມຫຍຸ້ງຍາກຕື່ມໃນການລົງສ້ອມແປງ.
ພ້ອມດຽວກັນນີ້, ຍັງຕ້ອງເຕືອນໄພການເດີນທາງ ເພາະລະດັບນໍ້າໄດ້ຍື່ງຖ້ວມຮອດສາມຫຼ່ຽມບໍ່ຄໍາແລ້ວ, ລົດທຸກປະເພດບໍ່ສາມາດສັນຈອນໄປມາໄດ້.
ລະດັບນໍ້າກອກຢູ່ຈຸດວັດແທກຂອງບໍ່ຄໍາເຊໂປນໃນເວລາ 8:00ໂມງວັດແທກໄດ້ 10,55 ແມັດ. ລະດັບແມ່ນໄດ້ຫລຸດລົງແດ່ແລ້ວເລັກນ້ອຍ.
