ຮ່ວມໂມທະນາບຸນສ້າງພຣະທາດຣັດຕະນະເຈດີສີມຸງຄຸນ ທີ່ວັດປ່າສະຫວັນພຣົມ ບ້ານດົງໝາກຄາຍ

ທີ່ນີ້ວັດປ່າສະຫວັນພຣົມ ທີ່ນີ້ເມືອງລາວ ອີກບໍ່ນານເກີນລໍ ຜູ້ມີບຸນທັງຫຼາຍ ກໍຈະໄດ້ຮ່ວມວາງສີລາເລີກ ສ້າງພຣະທາດຣັດຕນະເຈດີສີມຸງຄຸນ ເພື່ອນ້ອມເປັນພຸດທະບູຊາ ທັມມະບູຊາ ສັງຄະບູຊາ

ພ້ອມນັ້ນ, ຍັງຈະເປັນການສ້າງບຸນບາຣະມີທີ່ຍິ່ງໃຫຍ່ ໃຫ້ແກ່ຊີວິດ ຂອງຜູ້ປາຖະໜາບຸນທັງຫຼາຍອີກດ້ວຍ

ສະນັ້ນ, ໜຶ່ງຄັ້ງໃນຊີວິດທີ່ໄດ້ເກີດມາເປັນມະນຸດ ນັບຖືພຣະພຸດທະສາສະໜາ ຂໍໃຫ້ໄດ້ມີໂອກາດສ້າງພຣະເຈດີໃຫຍ່ ໄວ້ໃນຜືນແຜ່ນດີນເກີດ ຫຼືແຜ່ນດິນທີ່ມີພຣະພຸດທະສາສະໜາ ກໍຄົງຈະເປັນການສ້າງສົມບຸນບາຣະມີທີ່ຍິ່ງໃຫຍ່ ໃຫ້ແກ່ຊີວິດຂອງເຮົາທ່ານທັງຫຼາຍທີ່ໄດ້ຮ່ວມສ້າງພໍສົມຄວນ

ເພາະການຈະໄດ້ຮ່ວມສ້າງພຣະເຈດີໃຫຍ່ໆ ອາດຈະບໍ່ຄ່ອຍມີຫຼາຍປານໃດ ເພາະຕ້ອງອາໃສຄວາມພ້ອມຫຼາຍໆ ຢ່າງຈຶ່ງຈະສາມາດສ້າງຂື້ນໄດ້

ບັດນີ້ ຄົງຈະເປັນໂອກາດອັນດີງາມມາເຖິງແລ້ວ ທີ່ຜູ້ປາຖະໜາບຸນທັງຫຼາຍ ຈະໄດ້ຮ່ວມສ້າງ ພຣະທາດຣັດຕະນະເຈດີສີມຸງຄຸນ ໄວ້ໃນໃຈກາງນະຄອນຫຼວງວຽງຈັນ ເພື່ອຄວາມງອກງາມແຫ່ງບຸນບາຣະມີໃຫ້ເພີ່ມພູນຍິ່ງໆ ຂຶ້ນໄປ ແລະພ້ອມນັ້ນ ກໍເພື່ອເປັນການສືບທອດອາຍຸພຣະພຸດທະສາໜາໃຫ້ຕັ້ງໝັ້ນ ຍາວນານ ອີກນານແສນນານສືບໄປ ນັ້ນເອງ

ນິບພານະ ປັດຈະໂຍ ໂຫຕຸ ດ້ວຍເມຕຕາທັມ ວັດປ່າສະຫວັນພຣົມ ບ້ານດົງໝາກຄາຍ ເມືອງໄຊທານີ ນະຄອນຫຼວງວຽງຈັນ 11/ພະຈິກ /2563/2020 ຜູ້ສົນໃຈສອບຖາມລາຍລະອຽດຕ່າງໆ ໄດ້ທີ່ເບີ 02099764871

.

.

.