ພະທາດໄຊມຸງຄຸນ ຣັດຕະນະມິ່ງເມືອງ ຕັ້ງຢູ່ບ້ານນາຫວານນ້ອຍ ໃຈກາງເທດສະບານເມືອງໄຊ ກໍຄືເທດສະ ບານແຂວງອຸດົມໄຊ ເປັນພະທາດທີ່ສວຍງາມ ແລະ ເປັນທີ່ສັກກະລະບູຊາຂອງຊາວພຸດ ໂດຍສະເພາະແມ່ນຊາວແຂວງອຸດົມໄຊ ແລະ ສາສະນິກະຊົນທົ່ວໄປ ກໍຄື ນັກທ່ອງ ທ່ຽວທັງພາຍໃນ ແລະຕ່າງປະເທດທີ່ເຂົ້າໄປທ່ອງທ່ຽວແຂວງອຸດົມໄຊ.
ພະທາດດັ່ງກ່າວ ຖືເປັນສູນກາງ ທາງດ້ານວັດທະນະ ທຳ, ເປັນທີ່ເພິ່ງທາງຈິດໃຈ, ສະຖານທີ່ສັກກາລະບູຊາກາບໄຫວ້, ເປັນສະຖານພັກຜ່ອນຍາມແລງ ແລະ ເປັນຂວັນບ້ານມິ່ງເມືອງຂອງແຂວງອຸດົມໄຊ. ຜູ້ໃດໄດ້ໄປແຂວງອຸດົມໄຊ ຖ້າບໍ່ໄດ້ຂຶ້ນວັດພູທາດ ກໍ່ຊໍ່າກັບວ່າບໍ່ໄດ້ໄປຮອດແຂວງອຸດົມໄຊ.
ວັດພູທາດໄຊມຸງຄຸນ ຣັດຕະນະມິ່ງເມືອງ ເປັນພະທາດເກົ່າແກ່ ສັນນິຖານວ່າໄດ້ຮັບການສ້າງຕັ້ງຂຶ້ນໃນສັດຕະວັດທີ 14 ສະໄຫມພະເຈົ້າໄຊເສດຖາທິລາດແຫ່ງອານາຈັກລ້ານຊ້າງ. ຊາວອຸດົມໄຊ ເອີ້ນວ່າ: ພູທາດ ເພາະພະທາດຕັ້ງຢູ່ເທີງພູນ້ອຍກາງໃຈເມືອງ.
ພະທາດດັ່ງກ່າວ ໄດ້ຊຸດໂຊມເປ່ເພຕາມການເວລາຈາກສົງຄາມທໍາລາຍ ແລະ ຄົນບໍ່ດີມ້າງເພທໍາລາຍຈົນເຫລືອແຕ່ພື້ນຖານຂອງອົງທາດ. ມາຮອດປີ ຄສ 1995 ອົງການປົກຄອງແຂວງໄດ້ປະຕິສັງຂອນຂຶ້ນໃຫມ່ຕາມຮູບ ແບບສິລະປະລ້ານຊ້າງປະສົມທ້ອງຖິ່ນ ໂດຍໄດ້ສ້າງທາດຂຶ້ນໃໝ່ ເຊີ່ງກວມເອົາທາດເກົ່າ ມີລວງສູງ 18 ແມັດ, ກວ້າງ 18 ຄູນ 18 ແມັດ ແລະ ເປີດບໍລິການໃນປີ ຄສ 1997 ແລ້ວໄດ້ປ່ຽນຊື່ໃໝ່ ເອີ້ນວ່າ “ພະທາດໄຊມຸງຄຸນ ຣັດຕະນະມິ່ງເມືອງ” ແລະ ໄດ້ຈັດພິທີສະຫຼອງໃນເດືອນ 3 ເພັງຂອງທຸກໆປີ.
Source: ຖວທ ແຂວງອຸດົມໄຊ
---------------
ຢ່າລືມກົດຕິດຕາມເພຈ All in LAOS
------------------------------
