ກົດຮູບເພື່ອຮັບສ່ວນຫຼຸດເລີຍພີ່ນ້ອງ
ວັນທີ 7 ຕຸລາ 2020 ນີ້, ກອງພັນ19 ທະຫານແຂວງອັດຕະປື, ໄດ້ຈັດພິທີປະກາດການເລື່ອນຊັ້ນໃຫ້ນາຍທະຫານຢູ່ພາຍໃນກົມກອງຂອງຕົນຂື້ນທີ່ສະໂມສອນຂອງກອງພັນດັ່ງກ່າວ, ໂດຍໃຫ້ກຽດເຂົ້າຮ່ວມຂອງ ສະຫາຍ ພັທ ເເສງສຸລີ ເມກເມືອງໄຊ ຄະນະພັກກອງບັນຊາການ ຮອງຫ້ອງເສນາທິການກອງບັນຊາການທະຫານແຂວງອັດຕະປື, ມີຄະນະພັກຮາກຖານກອງພັນ19, ພະແນກການຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.
ໃນພິທີໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນໃຫ້ນາຍທະຫານ,ໂດຍອີງຕາມກົດໝາຍນາຍທະຫານກອງທັບປະຊາຊົນລາວ(ສະບັບປັບປຸງ) ໃນພາກທີII ໝວດທີ 3 ມາດຕາ 22 ແລະ ມາດຕາ 23 ວ່າດ້ວຍການເລື່ອນຊັ້ນນາຍທະຫານໃຫ້ຜູ້ທີ່ມີເງື່ອນໄຂມາດຖານຄົບຖ້ວນ ແລະ ຮອດຕາມກຳນົດ,ໂດຍສະເພາະແມ່ນຢູ່ກອງພັນ19 ທະຫານແຂວງອັດຕະປື ທີ່ໄດ້ຮັບການເລື່ອນຊັ້ນໃໝ່ລວມທັງໝົດມີ 7 ສະຫາຍ, ໃນນີ້ເລື່ອນຊັ້ນຈາກຮ້ອຍເອກ ຂຶ້ນ ພັນຕີ ມີ 1 ສະຫາຍ , ເລື່ອນຊັ້ນ ຈາກວາທີ ຂຶ້ນຊັ້ນ ຮ້ອຍຕີ ມີ 6 ສະຫາຍ.
ຝາກເວັບໄຊຂອງທ່ານທີ່ໂຮສນີ້ດີທີ່ສຸດ
ກົດຮູບເພື່ອຮັບສ່ວນຫຼຸດເລີຍພີ່ນ້ອງ
foodpanda ສັ່ງອາຫານໄດ້ຕາມໃຈທ່ານ
ໃຫ້ກຽດຂື້ນປະດັບຊັ້ນໂດຍ ສະຫາຍ ພັທ ເເສງສຸລີ ເມກເມືອງໄຊ ຄະນະພັກກອງບັນຊາການທະຫານເເຂວງ ພ້ອມທັງໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຍັງໄດ້ເນັ້ນໜັກໃຫ້ບັນດາສະຫາຍ ທີ່ໄດ້ຮັບການເລື່ອນຊັ້ນໃໝ່ຈົ່ງ ຮັບຮູ້ວ່າ ນີ້ແມ່ນການເພີ່ມຄວາມຮັບຜິດຊອບໃຫ້ບັນດາສະຫາຍ ໃຫ້ສູງຂຶ້ນກ່ວາເກົ່າ. ສະນັ້ນ, ຈົ່ງພ້ອມກັນສືບຕໍ່ເຮັດວຽກງານ ສຶກສາອົບຮົມການເມືອງ-ນຳພາແນວຄິດຕັ້ງໜ້າຝຶກຝົນຫຼໍ່ຫຼອມ ຕົນເອງດ້ວຍການຄົ້ນຄວ້າຮໍ່າຮຽນ ແລະ ກຳແໜ້ນແນວທາງ ນະໂຍບາຍຂອງພັກ, ກົດໝາຍຂອງລັດ, ລະບຽບວິໄນຂອງກອງທັບ, ຍົກລະດັບຄວາມຮູ້ຄວາມສາມາດໃຫ້ສູງຂຶ້ນ, ສືບຕໍ່ເອົາໃຈໃສ່ ຜັນຂະຫຍາຍໃຫ້ໄດ້ຮັບໝາກຜົນສູງສຸດ ແລະ ສ້າງຕົນເອງໃຫ້ກາຍເປັນພະນັກງານຮຸ້ນສືບທອດທີ່ມີຄຸນນະພາບຕໍ່ໄປ.
ຂ່າວ: ສຸກສະໄໝ ນວນມະລິນ
ພາບ: ບຸນໄຊ ກິດທິລາ
---------------
ຢ່າລືມກົດຕິດຕາມເພຈ All in LAOS
------------------------------
