ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນຕອນເຊົ້າຂອງວັນທີ 29 ກັນຍາ 2020 ຜ່ານມານີ້ ເຈົ້າໜ້າທີ່ຕຳຫຼວດກອງບັນຊາການ ປກສ ແຂວງອັດຕະປື ໄດ້ສຶກສາອົບຮົມກຸ່ມມົ້ວສຸມເສບຢາເສບຕິດຈຳນວນ 4 ຄົນ ຢູ່ທີ່ສູນປີ່ນປົວ – ບຳບັດຜູ້ເຄາະຮ້າຍຈາກຢາເສບຕິດ ປກສ ແຂວງ.

ເຂົ້າຮ່ວມ ມີ: ທ່ານ ພັທ ວິລະໄຊ ສີບຸນເຮືອງ ຮອງຫ້ອງຕຳຫຼວດ ປກສແຂວງ, ມີເຈົ້າໜ້າທີ່ຕຳຫຼວດ ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງ, ເຈົ້າໜ້າທີ່ຕຳຫຼວດປະຈຳສູນ ພ້ອມດ້ວຍພະນັກງານວິຊາການທີ່ກ່ຽວຂ້ອງ, ອຳນາດການປົກຄອງບ້ານ ແລະ ຜູ້ປົກຄອງຂອງພວກກ່ຽວເຂົ້າຮ່ວມ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ທ່ານ ຮອ ທະນົງໄຊ ຂຽວອາພອນ ຫົວໜ້າໜ່ວຍງານຫ້ອງການ ພະແນກກວດກາ ແລະ ຄວບຄຸມຢາເສບຕິດ ປກສ ແຂວງ ໄດ້ຍົກໃຫ້ເຫັນຜົນຮ້າຍຂອງຢາເສບຕິດທີ່ສົ່ງຜົນກະທົບຢ່າງຮ້າຍແຮງ ຕໍ່ຮ່າງກາຍຂອງຜູ້ທີ່ເສບຢາເສບຕິດ ແລະ ຍັງໄດ້ຍົກໃຫ້ເຫັນ ເຖິງມາດຕະການທາງດ້ານກົດໝາຍກ່ຽວກັບຄະດີຢາເສບຕິດ ເພື່ອໃຫ້ຜູ້ເຄາະຮ້າຍທີ່ຕົກເປັນເຫຍື່ອຂອງຢາເສບຕິດ ໄດ້ຮັບຮູ້, ເຂົ້າໃຈ ແລະ ເບື່ອໜ່າຍຕໍ່ພຶດຕິກຳບໍ່ດີທີ່ຜ່ານມາຂອງຕົນເອງ ແລ້ວກັບມາເປັນລູກທີ່ດີຂອງພໍ່ແມ່ ແລະ ເປັນພົນລະເມືອງດີຂອງສັງຄົມ.

ຈາກນັ້ນ, ທ່ານ ພັທ ວິລະໄຊ ສີບຸນເຮືອງ ກໍ່ໄດ້ໂອ້ລົມຕື່ມອີກ ເຊິ່ງທ່ານໄດ້ເນັ້ນໜັກໃຫ້ຮັບຮູ້ ແລະ ເຂົ້າໃຈ ເຖິງໂທດໄພຂອງຢາເສບຕິດທີ່ມີຜົນກະທົບຕໍ່ຮ່າງກາຍ, ເຮັດໃຫ້ເສຍຊັບດັບທຶນ, ເສຍ ຊື່ສຽງກຽດຕິຍົດຂອງພໍ່ແມ່ຍາດພີ່ນ້ອງ, ອຳນາດການປົກຄອງ, ສ້າງຄວາມເດືອດຮອດໃຫ້ແກ່ສັງຄົມ ແລະ ຍັງເປັນການກົດໜ່ວງຖ່ວງດຶງການພັດທະນາເສດຖະກິດ – ສັງຄົມຂອງຊາດ. ດັ່ງນັ້ນ, ໃຫ້ທຸກຄົນຢຸດເຊົາພຶດຕິກຳທີ່ບໍ່ດີຂອງຕົນ ແລ້ວ ຫັນມາຊອກວຽກເຮັດງານທຳທີ່ຖືກຕ້ອງຕາມລະບຽບກົດໝາຍ ເພື່ອປັບປຸງຊີວິດການເປັນຢູ່ຂອງຕົນໃຫ້ດີຂື້ນເທື່ອລະກ້າວ.

ຕອນທ້າຍ ກໍໄດ້ເຊັນບັນທຶກ ເພື່ອເປັນຂໍ້ຜູກມັດ ໃຫ້ພວກກ່ຽວປ່ຽນແປງພຶດຕິກຳທີ່ບໍ່ດີຂອງຕົນ ແລ້ວມອບພວກກ່ຽວຄືນ ໃຫ້ພໍ່ແມ່ຜູ້ປົກຄອງ ແລະ ອຳນາດການປົກຄອງບ້ານ ສຶກສາອົບຮົມຕື່ມອີກ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here