ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ແຂວງສະຫວັນນເຂດ ອົບຮົມ ວິທີສະກັດກັ້ນ ແລະ ຕ້ານອັກຄີໄພ ໃຫ້ນັກສຶກສາວິທະຍາໄລເຕັກນິກວິຊາຊີບສະຫວັນນະເຂດ

ໂດຍປະຕິບັດຕາມແຜນການອົບຮົມ-ຫັດແອບວິຊາປ້ອງກັນຊາດ-ປ້ອງກັນຄວາມສະຫງົບແລະຂໍ້ຕົກລົງຂອງກອງບັນຊາການ ປກສ ແຂວງສະຫວັນະເຂດ ວ່າດ້ວຍການແຕ່ງຕັ້ງຄະນະຮັບພິຊອບແລະວິຊາການຂຶ້ນຫ້ອງສິດສອນວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ນັກຮຽນນັກສຶກສາ,ສາມັນ,ວິທະຍາໄລ,ມະຫາວະທະຍາໄລທັງພາກລັດແລະເອກະຊົນທົ່ວແຂວງສະຫວັນນະເຂດ

ມາໃນວັນທີ 24 ກັນຍາ 2020 ນີ້ ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ແຂວງສະຫວັນນເຂດ ໄດ້ຝຶກອົບຮົມວິທີສະກັດກັ້ນ ແລະ ຕ້ານອັກຄີໄພຂັ້ນພື້ນຖານ ໃຫ້ນັກຮຽນນັກສຶກສາວິທະຍາໄລເຕັກນິກວິຊາຊີບສະຫວັນນະເຂດ ໂດຍມີ ທ່ານ ພຕ ເຂືອງຄຳ ພົມມະລາດ ຮອງພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ແຂວງ ພ້ອມດ້ວຍຄະນະ, ມີທ່ານ ສີສຸວັນສີສຸລາດຄະນະອຳນວຍການ ວິທະຍາໄລເຕັກນິກວິຊາຊີບສະຫວັນນະເຂດ ຝ່າຍກິດຈະກຳນັກສຶກສາ ພ້ອມດ້ວຍຄູອາຈານ, ນັກສຶກສາຈຳນວນ 603 ຄົນ ຍິງ 269 ຄົນ ເຂົ້າຮ່ວມ.

ໃນພິທີ ທາງດ້ານໜ່ວຍງານວິຊາສະເພາະ ພະແນກຕຳຫຼວດສະກັດກັ້ນ ແລະ ຕ້ານອັກຄີໄພ ໄດ້ສາທິດຕົວຈິງໃນການສະກັດກັ້ນ ແລະຕ້ານອັກຄີໄພໂດຍໃຫ້ຜູ້ເຂົ້າຮ່ວມຝຶກອົບຮົມເຮັດທົດລອງນຳໃຊ້ອຸປະກອນບັ້ງມອດໄຟ ໂດຍສີດໃສ່ຈຸດເກີດເຫດໄຟໄໝ້ໄລຍະປະມານ 3-4ແມັດ, ພ້ອມນັ້ນຍັງໄດ້ແນະນຳວິທີໃຊ້ອຸປະກອນມອດໄຟ ເຊັ່ນ:ການໂຍນສາຍສິດນ້ຳ ,ການສີດນ້ຳຈາກລົດມອດໄພ, ການນຳໃຊ້ຜົງເຄມີແຫ້ງ,ການນຳໃຊ້ເຄມີໂຟມ,ທາດອາຍບໍ່ຕິດໄຟ ,ການກວດກາບັ້ງມອດໄຟໃຫ້ຢູ່ໃນສະພາບພ້ອມໃຊ້ງານຢູ່ສະເໝີ

ການຝຶກອົບຮົມວຽກງານສະກັດກັ້ນແລະຕ້ານອັກຄີໄພໃນຄັ້ງນີ້ ກໍ່ເພື່ອເຮັດໃຫ້ນັກຮຽນນັກສຶກສາ ໄດ້ມີຄວາມຮູ້ພື້ນຖານໃນການປ້ອງກັນ ສະກັດກັ້ນອັກຄີໄພ, ມີຄວາມຮັບຜິດຊອບເປັນເຈົ້າການເມື່ອມີໄຟໄໝ້ເກີດຂື້ນສາມາດແກ້ໄຂໄດ້ຢ່າງທັນການ ປ້ອງກັນຜົນເສຍຫາຍທີ່ເກີດຈາກອັກຄີໄພໃຫ້ຫຼຸດນ້ອຍທີ່ສຸດ.