ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ຄົນດີຂອງສັງຄົມ, ນັກພັດທະນາ, ແຮງບັນດານໃຈ

ເມື່ອກ່າວເຖິງທ່ານ ເກຍ ອູ໊ສິດທິເດດ ເຈົ້າຂອງໂຮງງານຜະລິດນ້ຳດື່ມ ແລະ ນ້ຳກ້ອນ ໂລມາຄຳ ຊື່ນີ້ ໃຜໆກໍຮູ້ເພິ່ນດີ ໃນນາມທີ່ເປັນນັກພັດທະນາດີເດັ່ນແຫ່ງຊາດ, ຫຼາຍສິບປີຜ່ານມາ ເພິ່ນໄດ້ເຮັດທຸລະກິດຂອງຕົນເອງຈາກນ້ອຍຄ່ອຍໆຂະຫຍາຍຕົວຂຶ້ນມາ, ໄປພ້ອມກັບມີເງື່ອນໄຂ ໄດ້ສະແດງອອກຄວາມມີນ້ຳໃຈເສຍສະລະໃນການຊ່ວຍເຫຼືອໃຫ້ຜູ້ເລັກຜູ້ໜ້ອຍ, ບ່ອນເລັກບ່ອນໜ້ອຍຕະຫຼອດມາ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ນ້ຳໃຈເສຍສະລະຊ່ວຍເຫຼືອຄົນອື່ນ ແລະ ສັງຄົມຂອງເພິ່ນ, ແຕ່ຍັງນ້ອຍໄດ້ຖືກປູກຝັງ, ອົບຮົມບົ່ມສອນທີ່ດີຈາກຄອບຄົວ,ຄູອາຈານແລະການຈັດ ຕັ້ງດ້ວຍດີມາຕະຫຼອດ ໃຫ້ມີນ້ຳໃຈຮັກຊາດ, ມີນ້ຳໃຈເສຍສະລະແຕ່ລະໄລຍະ ຕ້ອງໄດ້ສະແດງອອກເຖິງພຶດຕິກຳຕົວຈິງ.

ເນື້ອຫາສຳພາດ ກ່ຽວກັບແຮງຈູງໃຈໃຫ້ເປັນຄົນຮູ້ແບ່ງປັນຂ້າພະເຈົ້າຊື່ ເກຍ ອູ໊ສິດທິເດດ ເຊື້ອສາຍຈີນ ເກີດເມື່ອວັນທີ 5 ກໍລະກົດ 1957 ທີ່ບ້ານທ່າໂຂ່ງ ເມືອງເຊໂປນ ແຂວງສະຫວັນນະເຂດ ແຕ່ອາຍຸ 7 ປີ ໄດ້ປົບໜີເສິກສົງຄາມ ເຂົ້າໄປລີ້ຊ່ອນຢູ່ຂຸມ, ຢູ່ຖ້ຳ, ຢູ່ພູຜາປ່າຕຶບ ເປັນເວລາ 10 ປີ, ຮຽນຈົບປ.4 ໃນສະໄໝສົງຄາມ. ການປະຕິວັດໃນເວລານັ້ນ ເພິ່ນໄດ້ອົບຮົມບົ່ມສອນ ໃຫ້ໝົດທຸກຄົນ ຍົກສູງນ້ຳໃຈຮັກຊາດ, ມີນ້ຳໃຈເສຍສະລະ ໂດຍມີຄຳຂວັນທີ່ຕິດຕາຕິິດໃຈຕົນຕະຫຼອດມານັ້ນຄື:

ມື້ນີ້ສະຫາຍເຮັດຫຍັງເພື່ອຊາດ ເພື່ອປະຊາຊົນ ແລະ ເພື່ອການປະຕິວັດ (ໃຫ້ເປັນແບບຢ່າງທີ່ດີ). ເວລານັ້ນຄອບຄົວຕົນເອງ ແລະ ຕົນເອງ ກໍ່ເຂົ້າສູ່ໄວໜຸ່ມ ຈຶ່ງມີເງື່ອນໄຂ ທ່າແຮງ ໄດ້ເຂົ້າຮ່ວມປະກອບສ່ວນຊ່ວຍຊາດ, ໄດ້ເຮັດຫຼາຍໆກິດຈະກຳຢ່າງຕໍ່ເນື່ອງໃຫ້ກັບຄວາມຮຽກຮ້ອງຕ້ອງການອົງການຈັດຕັ້ງແຕ່ລະໄລຍະ, ຕົນເອງເຄີຍໄດ້ເຂົ້າຮ່ວມໃນຂະບວນຊາວໜຸ່ມຕະລຸມບອນ, ເປັນຕົ້ນໃນຊຸມປີ 1971 ໄດ້ເຂົ້າຮ່ວມກັບໜ່ວຍງານການຈັດຕັ້ງຢູ່ທ້ອງຖິ່ນ ໂດຍມີຊ່ຽວຊານຫວຽດນາມປະຈຳຕາແສງເປັນຜູ້ນຳພາໄປສ້ອມ ແປງທາງ, ຂົນຫີນລຽງໃສ່ທາງຂ້າມນ້ຳຫ້ວຍ, ເຮັດຂົວໄມ້ລຽນລຳ,ຮາວຈ່ອງ-ຈັບ ຂ້າມຫ້ວຍຮ່ອງນ້ອຍທີ່ເປັນໂສກເຫວເລິກ ໃຫ້ອ້າຍນ້ອງທະຫານອາສາສະໝັກຫວຽດນາມເຄື່ອນທັບໄດ້ມີຄວາມສະດວກ ແລະ ປອດໄພ ພ້ອມທັງໄປຕັດໄມ້ປ່ອງມາແຫຼມເປັນຫອກຫຼາວ ປັກຕາມເປີ້ນພູ ບ່ອນທີ່ມີຄວາມສ່ຽງຕໍ່ການໂດດຈ້ອງລົງຂອງສັດຕູ ແລະເຮັດກິດຈະກຳອື່ນໆ.

ໜໍ່ແໜງທຸລະກິດ ຄອບຄົວຂອງພໍ່ແມ່ຕົນ ແຕ່ກ່ອນບໍ່ທັນເກີດສົງຄາມເພິ່ນເປັນຄົນຄ້າຂາຍເຄື່ອງຍ່ອຍເບັດຕະເລັດ, ເມື່ອເກີດເສິກສົງຄາມໄດ້ໜີໄປລີ້ຊ່ອນຢູ່ດົງຢູ່ປ່າ, ຄອບຄົວຕົນ ກໍ່ໄດ້ເຮັດໄຮ່, ເຮັດສວນ, ປູກຝັງ-ລ້ຽງສັດ ທຳມາຫາກິນເພື່ອຄວາມຢູ່ລອດ.- ປີ 1975 ເມື່ອປະເທດຊາດໄດ້ຮັບການປົດປ່ອຍແລ້ວ, ປິ 1976 ຕົນເອງກໍ່ໄດ້ລົງມາຢູ່ສະຫວັນນະເຂດ, ໄປເປັນກຳມະກອນຮັບຈ້າງນຳເຖົ້າແກ່ເປັນເວລາ 3 ປີ.- ປີ 1979 ໄດ້ມີກິດຈະການນ້ອຍໆເປັນຂອງຕົນເອງ, ໄດ້ຮັບຈ້າງຂົ້ວກາເຟໃຫ້ບໍລິສັດການຄ້າແຂວງ.- ປີ 1985 ໄດ້ເຮັດໂຮງງານຕົ້ມເຫຼົ້າ 90° ໃຫ້ບໍລິສັດສະບຽງອາຫານແຂວງ ເພື່ອສະໜອງໃຫ້ໂຮງໝໍແຂວງ ຄຽງຄູ່ໄປກັບການລ້ຽງໝູ, ລ້ຽງງົວ.- ປີ 1987 ໄດ້ຕັ້ງໂຮງງານຊອຍໄມ້ ເຮັດເຟີນີເຈີ້, ປີ 1990 ໄດ້ຂະຫຍາຍເປັນໂຮງງານເລື່ອຍໄມ້ ຫຼັກ 4, ປີ 1996 ໄດ້ຢຸດເຊົາເຮັດໂຮງເລື່ອຍໄມ້ ເນື່ອງຈາກຕົນເອງມີພາລະປັບປຸງໂຮງງານນ້ຳກ້ອນ ທີ່ໄດ້ສັນຍາຊື້ຈາກລັດໃນປີ 1989 ໃນເງື່ອນໄຂສັນຍາໃຫ້ສືບຕໍ່ທຳການຜະລິດຕາມນະໂຍບາຍຫັນປ່ຽນ ໄປສູ່ກົນໄກເສດຖະກິດຕະຫຼາດ.

ດັ່ງນັ້ນ, ຈຶ່ງໄດ້ລົງທຶນປັບປຸງ ຊື້ເຄື່ອງຈັກຜະລິດນ້ຳກ້ອນແທ່ງ ແລະ ນໍ້າກ້ອນຫຼອດ ເຂົ້າມາທຳການຜະລິດເພື່ອຕອບສະໜອງຄວາມຕ້ອງການຂອງຜູ້ບໍລິໂພກໃນແຕ່ລະໄລຍະ. ປັດຈຸບັນ ສາມາດ ຜະລິດນໍ້າກ້ອນຫຼອດແທ່ງໄດ້ 300 ໂຕນຕໍ່ວັນ- ໄດ້ສ້າງຕັ້ງບໍລິສັດຜະລິດ ແລະ ຈຳໜ່າຍແຮ່-ຊາຍຂຶ້ນ – ສ້າງຕັ້ງບໍລິສັດອຸດົມຊັບກໍ່ສ້າງ, ສ້ອມແປງຂົວທາງ ແລະ ຊົນລະປະທານຂຶ້ນ ທີ່ຜ່ານມາ ການເຮັດທຸລະກິດຂອງຂ້າພະເຈົ້າ ຍາມໃດຕົນກໍ່ໃຫ້ຄວາມສຳຄັນທາງດ້ານບຸກຄະລາກອນໃຫ້ພະນັກງານກຳມະກອນອອກແຮງງານຢູ່ບ່ອນນີ້ ເຮັດຄືຄົນໃນຄອບຄົວໃຫຍ່, ຖືເອົາປະສິດທິຜົນ ແລະ ຄຸນນະພາບ ເພື່ອຄວາມຍືນຍົງຂອງທຸລະກິດຕົນເປັນຫຼັກ ຈຶ່ງໄດ້ເນັ້ນການສ້າງສີມື ແລະ ຍົກລະດັບໃຫ້ແກ່ແຮງງານ ພະນັກງານ, ກຳມະກອນຄົນລາວເຮົາຢູ່ພາຍໃນອົງກອນຂອງຕົນ ຕ້ອງຍຶດຖືວັດທະນະທຳທາງດ້ານເຕັກນິກ ໃຫ້ມີທັັກສະ ການເຮັດວຽກ, ກາຍເປັນຜູ້ຊຳນານງານ ແລະ ມີຄວາມສາມາດໃນການຄຸ້ມ ຄອງບໍລິຫານ ຈັດການຢູ່ພາຍໃນອົງກອນຂອງຕົນໃຫ້ສູງຂຶ້ນ.

ໃຫ້ຄວາມ ສຳຄັນຕໍ່ການຜະລິດໃຫ້ເປັນສິນຄ້າຄື ຜະລິດໃຫ້ມີຄຸນນະພາບ,ຜະລິດໃຫ້ໄດ້ຫຼາຍ, ລາຄາຖືກ, ບໍລິການດີ,ເພີ່ມໃຫ້ມີຄວາມຍືນຍົງ, ຈຶ່ງໄດ້ມີຄວາມພະຍາ ຍາມສູ້ຊົນ ຊອກຫາອັນດີກວ່າ ເອົານະວັດຕະກຳ ເຂົ້າມານຳໃຊ້ໃນການບໍລິ ຫານຈັດການຂະບວນການຜະລິດທີ່ດີຢູ່ພາຍໃນໂຮງງານ ໃຫ້ມີຄວາມທັນ ສະໄໝຂຶ້ນ.ຍັງໄດ້ໃຫ້ຄວາມສຳຄັນຕໍ່ຜະລິດຕະພັນ ທີ່ມີຄຸນນະພາບຢູ່ຕະ ຫຼອດມາ ທີ່ໄດ້ມີການຢັ້ງຢືນ ຮັບຮອງ ຈາກອົງການທີ່ກ່ຽວຂ້ອງເປັນຕົ້ນ: ອຢ, ມາດຕະຖານແຫ່ງຊາດ, ຈາກນັ້ນ ຈຶ່ງໄດ້ມີການຝຶກອົບຮົມຫຼັກການ ແລະ ຂະບວນການຈັດການຄວາມປອດໄພ ທາງດ້ານອາຫານ ແລະ ນ້ຳດື່ມ ຕາມຂໍ້ກຳນົດ ຫຼັກການຂອງມາດຕະຖານສາກົນ ISO 22000 ເຂົ້າມານຳໃຊ້ໃນຂະບວນການຜະລິດນ້ຳດື່ມ ຂອງໂຮງງານຜະລິດນ້ຳດື່ມ ແລະ ນ້ຳກ້ອນໂລມາຄຳ,

ໃນວັນທີ 05 ເມສາ 2014 ໄດ້ຮັບໃບຢັ້ງຢືນມາດຕະຖານສາກົນ ISO 22000 ວ່າດ້ວຍລະບົບການຈັດການຄວາມປອດໄພໃນອາຫານ ຊຶ່ງເປັນໂຮງງານແຫ່ງທຳອິດ ແລະ ແຫ່ງດຽວໃນປັດຈຸບັນຢູ່ ສ.ປ.ປ ລາວເຮົາ ເພື່ອໃຫ້ເປັນທາງເລືອກອັນໜຶ່ງແກ່ຜູ້ບໍລິໂພກໄດ້ຊົມໃຊ້, ທັງໄດ້ສ້າງວຽກເຮັດງານທຳໃຫ້ແກ່ພະນັກງານ ກຳມະກອນ ທາງກົງ ໄດ້ 146 ຕຳແໜ່ງງານ ໄດ້ມີວຽກເຮັດງານທຳເປັນປະຈຳ ແລະທາງອ້ອມທີ່ເປັນຕົວແທນຈຳໜ່າຍ ຜະລິດຕະພັນນ້ຳດື່ມ ແລະ ນ້ຳກ້ອນ ໂລມາຄຳ ຫຼາຍຮ້ອຍຄົນ ຊຶ່ງເຮັດໃຫ້ເຂົາເຈົ້າມີອາຊີບໝັ້ນຄົງ ມີລາຍຮັບ ມີຊີວິດການເປັນຢູ່ຄອບຄົວຂອງເຂົາ ເຈົ້າກໍດີຂຶ້ນ, ໄດ້ປະຕິບັດການຈ່າຍຄ່າຕອບແທນໃຫ້ແກ່ພະນັກງານ ກຳມະ ກອນ ມີເງິນເດືອນພື້ນຖານ, ເງິນເປີເຊັນແຮງງານໃນການຜະລິດ, ເງິນໂອທີ, ເງິນອຸດໜູນນະໂຍບາຍຕ່າງໆ, ເບີກຈ່າຍໃຫ້ຖືກກຳນົດເວລາ ແລະ ຄົບ ຖ້ວນ; ໂຮງງານມີຄວາມສະຫງົບ, ກິດຈະການມີການຂະຫຍາຍຕົວຢ່າງເຂັ້ມແຂງ ຕະຫຼອດມາ.

ດ້ານການຊ່ວຍເຫຼືອສັງຄົມ ຄຽງຄູ່ກັບການເຮັດທຸລະກິດ ການຜະລິດມາຫຼາຍສິບປີ, ຂ້າພະເຈົ້າກໍຍັງໃຫ້ການປະກອບສ່ວນຊ່ວຍເຫຼືອສັງຄົມ ຜູ້ເລັກຜູ້ໜ້ອຍ ບ່ອນເລັກບ່ອນໜ້ອຍ ໃຫ້ກັບຫຼາຍໆບ່ອນ ແລະ ອົງການຈັດຕັ້ງຂັ້ນຕ່າງໆ ຢູ່ຕະຫຼອດມາ.ໃນປີ 2015 ໂຮງງານຜະລິດນ້ຳດື່ມ ແລະ ນ້ຳກ້ອນ ໂລມາຄຳແຫ່ງນີ້ ໄດ້ຖືກຄັດເລືອກເປັນໂຮງງານຕົວແບບຂອງແຂວງສະຫວັນນະເຂດ. ພ້ອມດຽວ ກັນນັ້ນ,

ໃນວັນທີ 25 ພະຈິກ 2015 ຂ້າພະເຈົ້າໄດ້ຮັບກຽດຈາກທ່ານປະ ທານປະເທດ ປະດັບຫຼຽນນາມມະຍົດ ນັກພັດທະນາດີເດັ່ນແຫ່ງຊາດ, ຈາກມື້ນັ້ນ ມາຮອດມື້ນີ້ ເປັນເວລາ 5 ປີແລ້ວ, ຕົນເອງ ຍາມໃດກໍ່ໄດ້ຍົກສູງ ແລະ ຮູ້ສຶກສຳນຶກໃນກຽດແຫ່ງນາມມະຍົດດັ່ງກ່າວຢູ່ສະເໝີ ໂດຍບໍ່ໄດ້ລົດ ລະນ້ຳໃຈເສຍສະລະ ເຂົ້າໃນການປະກອບສ່ວນສ້າງສາພັດທະນາຮ່ວມກັບອົງການຈັດຕັ້ງ ແລະ ສັງຄົມຕາມທ່າແຮງທີ່ຕົນມີຢູ່ ຕະຫຼອດມາ.ເປັນຕົ້ນ ໃນປີ 2016-2018 ໄດ້ເຂົ້າຮ່ວມນຳອົງການຈັດຕັ້ງພັກ-ລັດ ໃນການແກ້ໄຂ ລຶບລ້າງຄວາມທຸກຍາກຂອງປະຊາຊົນ (ຄົນຂໍທານ) ສອງບ້ານຄື:

ຄຳປ່າແໜ ແລະ ປ່າກ້ວຍ ເມືອງ ຈຳພອນ ແຂວງສະຫວັນນະເຂດ ເປັນເວລາ 3 ປີ ຂ້າພະເຈົ້າມີຄວາມຕື່ນຕົວສະໝັກໃຈ ໃຫ້ການຊ່ວຍເຫຼືອຕາມການສະ ເໜີຂອງທ່ານເຈົ້າເມືອງ ໃນການມີສ່ວນຮ່ວມລຶບລ້າງຄວາມທຸກຍາກຂອງປະຊາຊົນ ຈຶ່ງໄດ້ຍິນດີສະລະຊັບສ່ວນຕົວຈຳນວນ 15 ຕື້ກວ່າກີບ ພ້ອມທັງ ໃຊ້ແນວຄວາມຄິດ ສະຕິປັນຍາ ເຫື່ອແຮງ ແລະເວລາລົງພາປະຊາຊົນເຮັດ ຕົວຈິງ ໃຫ້ການຊ່ວຍເຫຼືອເຂົາເຈົ້າດ້ວຍຄວາມຈິງໃຈ ບໍລິສຸດໃຈ ເພື່ອສ້າງພື້ນຖານໂຄງລ່າງການຜະລິດຫຼາຍສິ່ງຫຼາຍຢ່າງໃຫ້ກັບປະຊາຊົນໄດ້ຫັນມາອອກແຮງງານຢູ່ກັບທີ່, ຮູ້ທຳການຜະລິດທີ່ຖືກວິທີ,ຖືກຫຼັກວິຊາການ ໃຫ້ຫັນປ່ຽນມາ ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງ ຍືນຍົງໃນຕໍ່ໜ້າ.

ໃນ 3 ປີ ຕົນເອງ ພ້ອມທີມງານ ໄດ້ລົງໄປຊ່ວຍເຫຼືອປະຊາຊົນ ເຮັດບັນລຸເປົ້າໝາຍ, ໄດ້ສ້າງພື້ນຖານໂຄງລ່າງຫຼາຍສິ່ງຫຼາຍຢ່າງ ກໍ່ໃຫ້ເກີດວົງຈອນຄວາມສົມດຸນທາງດ້ານນິເວດ ຊີວະນາໆພັນໃນທ້ອງຖິ່ນນີ້ດີຂຶ້ນ ເປັນເງື່ອນໄຂທາງເລືອກອັນໃໝ່ໃຫ້ປະຊາຊົນສ່ວນຫຼາຍໃນເປົ້າໝາຍມີ ການຫັນປ່ຽນພຶດຕິກຳ ການດຳລົງຊີວິດແບບຮີດເກົ່າຄອງເດີມ ເລື່ອນລອຍ,ຫັນມາໃສ່ການອອກແຮງງານ ດ້ວຍຄວາມເປັນເຈົ້າຂອງຊັບສິນ ຫຼາຍສິ່ງຫຼາຍຢ່າງ ທີ່ເມື່ອກ່ອນເຂົາເຈົ້າບໍ່ເຄີຍມີ.

– ໃນປີ 2018- 2019 ໄດ້ໃຫ້ການຊ່ວຍເຫຼືອສ້ອມແປງເສັ້ນທາງເຂົ້າບ້ານປະຊາຊົນ ທີ່ຖືກຜົນກະທົບຈາກໄພນ້ຳຖ້ວມຢູ່ເມືອງຊົນນະບູລີ, ມີເສັ້ນທາງ 8 ເສັ້ນ, ຄວາມຍາວໄລຍະທາງ 36.650 ແມັດ ໃຊ້ເງິນຕົນເອງເປັນມູນຄ່າ 416.042.500 ກີບ.

– ໃນປີ 2018-2019ໄດ້ໃຫ້ການຊ່ວຍເຫຼືອຜູ້ທີ່ປະສົບໄພນ້ຳຖ້ວມຢູ່ພາຍ ໃນແຂວງ ແລະ ຕ່າງແຂວງ ເປັນມູນຄ່າ 172.000.000 ກີບ.

– ໃນປີ 2019-2020 ໄດ້ໃຫ້ການຊ່ວຍສ້ອມແປງຂົວເຫຼັກ 5 ແຫ່ງ ແລະ ສ້ອມແປງທາງດິນແດງ 3 ເສັ້ນ ຢູ່ເມືອງຈຳພອນ ໃຊ້ທຶນຕົນເອງ ເປັນມູນຄ່າ 232.451.075 ກີບ.

– ໄດ້ປະກອບສ່ວນສ້າງເສັ້ນທາງປູເບຕົງລວງຍາວ 555 ແມັດ ທີ່ບ້ານດົງເຫັນ ເມືອງອາດສະພັງທອງ ເປັນມູນຄ່າ 47.660.000 ກີບ.

– ໃນວັນທີ 13 ທັນວາ 2019 ທ່ານເຈົ້າແຂວງ ໄດ້ເປີດກອງປະຊຸມປຸກລະ ດົມຂະບວນການແຂ່ງຂັນຮັກຊາດ ແລະ ພັດທະນາ ແກ້ໄຂຄວາມທຸກຍາກຂອງປະຊາຊົນ ຂ້າພະເຈົ້າ ພ້ອມດ້ວຍ ທ່ານ ສາຍສະໝອນ ກວານເມືອງຈັນ ອຳນວຍການ ສະຖາບັນການເງິນຈຸລະພາກ ທີ່ຮັບເງິນຝາກສາຍໃຍສຳ ພັນ ໃນຊື່ໂຄງການ: ຮ່ວມໃຈສາຍໄຍໂລມາຄຳ ພວກຂ້າພະເຈົ້າ ໄດ້ສະໝັກໃຈ ເຂົ້າຮ່ວມນຳອົງການຈັດຕັ້ງຂອງພັກ-ລັດ ສືບຕໍ່ໃຫ້ການຊ່ວຍເຫຼືອປະ ຊາຊົນຕື່ມອີກ 1 ປີ ຈຳນວນ 30 ຄອບຄົວເປົ້າໝາຍ ແລະ ນອກເປົ້າໝາຍ ທັງ 2 ບ້ານ ບ້ານຕະຢົງ ແລະ ບ້ານປາແໜະ ຈຸດສຸມຕັງອາໄລ-ລະແບງ, ເມືອງນອງ ແຂວງສະຫວັນນະເຂດ; ການຊ່ວຍເຫຼືອຄັ້ງນີ້ ແມ່ນໄປຊຸກຍູ້ສົ່ງ ເສີມ ສ້າງເສດຖະກິດຄອບຄົວໃຫ້ກັບປະຊາຊົນ ໂດຍອີງໃສ່ພື້ນຖານທ່າແຮງ ທີ່ປະຊາຊົນມີຢູ່, ຖືເອົາຕາມທິດນຳທີ່ວ່າ: ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເທື່ອລະກ້າວ.

ທາງໂຄງການຮ່ວມໃຈສາຍໃຍໂລມາຄຳ ພວກເຮົາ ຈຶ່ງໄດ້ກຳນົດຮູບແບບການເຮັດ ຄື: ຊຸກຍູ້ສົ່ງເສີມ ສ້າງເສດຖະກິດຄອບຄົວໃຫ້ປະຊາຊົນຜູ້ທຸກຍາກ ໃນເປົ້າໝາຍ ເປັນຫຼັກ ແລະ ນອກເປົ້າໝາຍ ທັງສອງບ້ານ ໃນ 7 ເດືອນຜ່ານມາ ໄດ້ໃຊ້ເງິນສ່ວນຕົວຈຳນວນ 2 ຕື້ກວ່າກີບ, ໃຫ້ການຊ່ວຍເຫຼືອ ສ້າງພື້ນຖານໂຄງລ່າງຫຼາຍຢ່າງອັນຈຳເປັນ ຕໍ່ການດຳລົງຊີວິດປະຈຳວັນ ແລະ ຍາວນານ, ຊຸກຍູ້ສົ່ງເສີມປະຊາຊົນໃນເປົ້າໝາຍ ແລະ ນອກເປົ້າໝາຍໃຫ້ປູກພືດປະ ສົມປະສານຫຼາຍຊະນິດ: ພືດໄລຍະສັ້ນ, ພືດໄລຍະກາງ, ພືດໄລຍະຍາວ ໃສ່ໃນໄຮ່ສວນປູກເຂົ້າຢູ່ດິນຕອນດຽວກັນຂອງເຂົາເຈົ້າ ທີ່ຜ່ານມາບໍ່ເຄີຍກຸ້ມກິນ ເພື່ອໃຫ້ເກີດມີພືດຫຼາຍໆຊະນິດເປັນແຫຼ່ງອາຫານ ເຫຼືອກິນ ກ້າວໄປເຖິງການແລກປ່ຽນຊື້ຂາຍ ສ້າງລາຍຮັບເຂົ້າຄອບຄົວ ເປັນຜົນປະໂຫຍດໃຫ້ແກ່ເຂົາເຈົ້າໄດ້ມີທາງເລືອກອັນໃໝ່ ເພື່ອຈູງໃຈໃຫ້ເຂົາເຈົ້າຖອຍຫ່າງ ຈາກຄວາມຊິນເຄີຍຖາງປ່າເຮັດໄຮ່ແບບເລື່ອນລອຍ ປູກເຂົ້າຢ່າງດຽວ ແຕ່ບໍ່ກຸ້ມກິນ ໃຫ້ຫັນມາເຮັດສວນປູກພືດຫຼາຍໆຊະນິດ ເປັນອາຊີບຫຼັກໃຫ້ເກີດຜົນປະໂຫຍດແກ່ເຂົາເຈົ້າແບບຍືນຍົງ.

ປະເພດການຍ້ອງຍໍທີ່ໄດ້ຮັບຜ່ານມາ

1. ຂັ້ນລັດຖະບານ

  • ຫຼຽນນາມມະຍົດພັດທະນາດີເດັ່ນແຫ່ງຊາດ ຈຳນວນ 01 ຫຼຽນ
  • ຫຼຽນໄຊພັດທະນາ ຊັ້ນໜຶ່ງ ຈຳນວນ 01 ຫຼຽນ
  • ຫຼຽນໄຊພັດທະນາ ຊັ້ນສອງ ຈຳນວນ 01 ຫຼຽນ
  • ຫຼຽນໄຊພັດທະນາ ຊັ້ນສາມ ຈຳນວນ 02 ຫຼຽນ
  • ຫຼຽນໄຊແຮງງານ ຊັ້ນໜຶ່ງ ຈຳນວນ 02 ຫຼຽນ
  • ຫຼຽນໄຊແຮງງານ ຊັ້ນສອງ ຈຳນວນ 04 ຫຼຽນ
  • ຫຼຽນໄຊແຮງງານ ຊັ້ນສາມ ຈຳນວນ 03 ຫຼຽນ
  • ຫຼຽນກາແຮງງານ ຈຳນວນ 03 ຫຼຽນ
  • ຫຼຽນທີ່ລະລຶກ 70 ປີ ຈາກສູນກາງແນວລາວສ້າງຊາດ ຈຳນວນ02 ຫຼຽນ,
  • ໃບຍ້ອງຍໍ ຈຳນວນ 08 ໃບ

2. ຂັ້ນແຂວງ

  • ໃບຍ້ອງຍໍຈາກທ່ານເຈົ້າແຂວງ ຈຳນວນ 52 ໃບ
  • ໃບສັນລະເສີນຈາກທ່ານເຈົ້າແຂວງ ຈຳນວນ 40 ໃບ

3. ຍ້ອງຍໍຂັ້ນພະແນກການ, ເມືອງ, ສຳນັກງານ, ອົງການຈັດຕັ້ງ, ໂຮງຮຽນ, ໂຮງໝໍ ຈຳນວນ 92 ໃບ

  • ໃບກຽດຕິຄຸນ ຈຳນວນ 55 ໃບ
  • ໃບຊົມເຊີຍ ຈຳນວນ 50 ໃບ

4. ໄດ້ຮັບການຍ້ອງຍໍ ຈາກຕ່າງປະເທດ

  • ໃບຍ້ອງຍໍຈາກກະຊວງການຕ່າງປະເທດ ສ.ສ ຫວຽດນາມຈຳນວນ 02 ໃບ

5. ໂລ້ລາງວັນຈາກພາຍໃນ ແລະ ຕ່າງປະເທດ

  • ໂລ້ ລາງວັນດີເດັ່ນໃນການປະກອບສ່ວນຊ່ວຍເຫຼືອສັງຄົມດີເດັ່ນ CSR ອາຊຽນ ທີ່ນະຄອນຫຼວງວຽງຈັນ ສປປ ລາວ ຈຳນວນ 01 ອັນ
  • ໂລ້ ລາງວັນທຸລະກິດຊັ້ນນຳດີເດັ່ນ 2019 ຂອງ ຄອສຊ ທີ່ນະຄອນຫຼວງວຽງຈັນ ສປປ ລາວ ຈຳນວນ 01 ອັນ
  • ໂລ້ ລາງວັນດີເດັ່ນໃນການປະກອບສ່ວນຊ່ວຍເຫຼືອສັງຄົມດີເດັ່ນ CSR ອາຊຽນ ທີ່ຣາຊະອານາຈັກໄທ ຈຳນວນ 01 ອັນ
  • ໂລ້ ລາງວັນດີເດັ່ນ ພ້ອມດ້ວຍໃບຢັ້ງຢືນຕົວແບບໃນການພັດທະນາແລະລຶບລ້າງຄວາມທຸກຍາກຂອງອາຊຽນຄັ້ງທີ 4 ທີ່ເນປີດໍ ປະເທດມຽນມາ ຈຳນວນ 01ອັນ ແລະ 01ໃບ.

ຄວາມຮູ້ສຶກຕໍ່ການນໍາ ແລະ ກອງປະຊຸມໃຫຍ່ຜູ້ແທນອົງຄະນະພັກ ແຂວງສະຫວັນນະເຂດ ຄັ້ງທີ IX – ຫຼາຍສິບປີຜ່ານມາ ຕົນເອງດຳເນີນທຸລະກິດ ເຮັດການຜະລິດ ໄດ້ມີກິດຈະ ການເປັນຂອງຕົນເອງຫຼາຍຢ່າງ, ທຸລະກິດກໍໄດ້ມີການຂະຫຍາຍຕົວ ແລະ ເຂັ້ມແຂງເປັນກ້າວໆມາ ຈຶ່ງເຮັດໃຫ້ຂ້າພະເຈົ້າມີໂອກາດ ແລະ ເງື່ອນໄຂ ໄດ້ເຂົ້າມີສ່ວນຮ່ວມນຳອົງການຈັດຕັ້ງຂອງພັກລັດໃນການຊ່ວຍເຫຼືອສັງຄົມ ບ່ອນເລັກບ່ອນໜ້ອຍຢູ່ຕະຫຼອດມາ. ພ້ອມທັງຍັງໄດ້ຮັບການຍ້ອງຍໍ, ສັນ ລະເສີນຈາກອົງການຈັດຕັ້ງຂອງພັກ-ລັດ ຫຼາຍຂັ້ນ ແລະ ສາກົນນຳອີກ.

ທັງໝົດທີ່ຂ້າພະເຈົ້າມີໃນມື້ນີ້ ໂດຍລວມແລ້ວກໍ່ຍ້ອນມີພັກປະຊາຊົນປະຕິວັດລາວ ເພິ່ນໄດ້ວາງແນວທາງນະໂຍບາຍທີ່ຖືກຕ້ອງສອດຄ່ອງແຕ່ ລະໄລຍະໃນການປົກປັກຮັກສາ ແລະ ສ້າງສາພັດທະນາປະເທດຊາດຂອງພວກເຮົາ.

ຂ້າພະເຈົ້າເອງມີຄວາມເຊື່ອໝັ້ນຕໍ່ການຊີ້ນຳ ນຳພາຂອງອົງ ການຈັດຕັ້ງຂອງການນຳແຕ່ລະຂັ້ນ. ບວກກັບຄວາມມັກແລະຢຶດໃນອາຊີບເຮັດທຸລະກິດນີ້ ຈຶ່ງໄດ້ກຳນົດຊະຕາກຳຂອງຕົນເອງ ສູ້ຊົນເພື່ອບັນລຸເປົ້າ ໝາຍ ໃຫ້ເປັນທຸລະກິດຄອບຄົວແບບຢືນຍົງ.

ໂດຍ: ນັກປະພັນ-ນັກສີລະປິນ ຖິ່ນສະຫວັນ Write-Art Savannakhet

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here