ບໍລິຄຳໄຊ: ກອງປະຊຸມໃຫຍ່ ຄັ້ງທີ VII ອົງຄະນະພັກແຂວງບໍລິຄຳໄຊ ໄດ້ໄຂຂຶ້ນໃນວັນທີ 24 ກັນ ຍາ 2020 ໂດຍການເປັນປະທານຂອງ ສະຫາຍ ກອງແກ້ວ ໄຊສົງຄາມ ກຳມະການສູນກາງພັກ ເລຂາຄະ ນະບໍລິຫານງານພັກແຂວງ, ມີຜູ້ແທນສົມບູນ 237 ສະຫາຍ, ຍິງ 26 ສະຫາຍ ເປັນຕົວແທນໃຫ້ແກ່ສະມະຊິກພັກທົ່ວແຂວງ 13.467 ສະຫາຍ, ຍິງ 3.295 ສະຫາຍ ແລະ ແຂກຖືກເຊີນຈາກສູນກາງ ແລະ ທ້ອງຖີ່ນເຂົ້າຮ່ວມ.

ກອງປະຊຸມໄດ້ເປັນກຽດຕ້ອນຮັບ ສະຫາຍ ບຸນທອງ ຈິດມະນີ ກຳມະການກົມການ ເມືອງສູນກາງພັກ, ຄະນະເລຂາທິການສູນກາງພັກ, ປະທານກວດກາສູນກາງພັກ.ກອງປະຊຸມ ສະຫາຍ ກອງແກ້ວ ໄຊສົງຄາມ ໄດ້ຍົກໃຫ້ເຫັນຜົນງານການນຳພາ-ຊີ້ນຳ ຂອງອົງຄະນະພັກແຂວງບໍລິຄຳໄຊ ຕະຫລອດໄລຍະ 5 ປີຜ່ານມາ ເຖິງວ່າແຂວງບໍລິຄຳໄຊ ໄດ້ຮັບຜົນກະທົບຈາກໄພພິບັດທໍາມະຊາດຮ້າຍແຮງ ປີ 2017-2019, ການແຜ່ລະບາດຂອງພະຍາດສັດອະຫິວາໝູອາຟຣິກກາ ແລະ ຜົນກະທົບຕໍ່ເສດຖະກິດ ຂອງການລະບາດໂຄວິດ 19, ບັນຫາປະກົດການຫຍໍ້ທໍ້ໃນສັງຄົມຕ່າງໆ ໄດ້ສົ່ງຜົນກະທົບຕໍ່ການພັດທະນາເສດຖະກິດຂອງແຂວງບໍລິຄໍາໄຊ, ແຕ່ພາຍໃຕ້ການນໍາພາ-ຊີ້ນຳ ຂອງຄະນະບໍລິຫານງານພັກແຂວງ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ອົງຄະນະພັກແຂວງ ຊຸດທີ VI ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IV 2016-2020

ແຂວງບໍລິຄຳໄຊ ໄດ້ສຸມໃສ່ການແກ້ໄຂບັນຫາ 4 ເຖື່ອນ ແລະ 9 ຫົວຂໍ້ວິທະຍາສາດ ເຂົ້າສູ່ວຽກງານຕົວຈິງ ຢູ່ແຕ່ລະຂະແໜງການ ແລະ ເຮັດໃຫ້ແຂວງ ມີຄວາມສະຫງົບໂດຍພື້ນຖານ ແລະ ໜັກແໜ້ນ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ ສະເລ່ຍ 6,5% ຕໍ່ປີ, ລວມຍອດຜະລິດຕະພັນພາຍໃນບັນລຸ 5.878 ຕື້ກີບ, ສະເລ່ຍໄດ້ 18.336.343 ກີບ ເທົ່າກັບ 2.060 ໂດລາສະຫະລັດ/ຄົນ/ປີ; ໂຄງປະກອບເສດຖະກິດ: ຂະແໜງກະສິກໍາ ກວມ 26%, ອຸດສາຫະກໍາ 48,9% ແລະ ການບໍລິການ 25,1%, ການລົງທຶນບັນລຸ 7.914 ຕື້ກີບ ກວມ 29,8% ຂອງລວມຍອດຜະລິດຕະພັນພາຍໃນ 5 ປີ ການຈັດເກັບລາຍຮັບເຂົ້າງົບປະມານໄດ້ຕາມແຜນທີ່ວາງໄວ້,

ການຜະລິດສະບຽງອາຫານ ເຮັດໃຫ້ແຂວງສາມາດກຸ້ມຕົນເອງດ້ານສະບຽງອາຫານໄດ້ໂດຍພື້ນຖານ, ຫລຸດຜ່ອນການນໍາເຂົ້າ ແລະ ມີຜົນຜະລິດສົ່ງອອກ, ຊຸກຍູ້ສົ່ງເສີມການປູກພືດເປັນສິນຄ້າ ໄດ້ຂະຫຍາຍຕົວຢ່າງກວ້າງຂວາງ ສິ່ງທີ່ພົ້ນເດັ່ນ ແມ່ນກຸ່ມປູກຜັກອິນຊີບ້ານຫົວນາເມືອງບໍລິຄັນ, ກໍາຈັດການຖາງປ່າເຮັດໄຮ່ແບບເລື່ອນລອຍຢ່າງເຂັ້ມງວດ, ສ້າງໃຫ້ທຸກຄົນມີສ່ວນຮ່ວມໃນການປົກປັກຮັກສາ, ຄຸ້ມຄອງແຫລ່ງນ້ຳ, ຟື້ນຟູ ແລະ ພັດທະນາປ່າໄມ້ໃຫ້ມີຄວາມສົມດຸນ, ທົ່ວແຂວງມີເນື້ອທີ່ປົກຫຸ້ມຂອງປ່າໄມ້ກວມ 70,41%.

ສະຫາຍ ກອງແກ້ວ ໄຊສົງຄາມ ກ່າວຕື່ມວ່າ: ແຂວງໄດ້ເອົາໃຈໃສ່ສົ່ງເສີມການປູກ-ການລ້ຽງ ແລະ ການປະມົງແບບທໍາມະຊາດຫັນໄປສູ່ການນໍາໃຊ້ເຕັກນິກວິທະຍາສາດ ແລະ ຫັນເປັນກຸ່ມ, ເປັນຟາມ ສາມາດສະໜອງຊີ້ນ, ປາ ແລະ ໄຂ່ ເພື່ອບໍລິໂພກໄດ້ເປັນຢ່າງດີ ສະເລ່ຍ 52,4 ກິໂລ ຕໍ່ຄົນຕໍ່ປີ, ໂຮງງານອຸດສາຫະກຳ, ຫັດຖະກຳປຸງແຕ່ງເພີ່ມຂຶ້ນ 15,4% ທຽບໃສ່ປີ 2015. ທົ່ວແຂວງໄດ້ມີລະບົບໄຟຟ້າ, ການຄົມມະນາຄົມ ແລະ ການບໍລິການໂທລະຄົມ ໄດ້ເຂົ້າເຖິງປະຊາຊົນຢູ່ຂັ້ນຮາກຖານຢ່າງທົ່ວເຖິງ, ການຈັດເກັບລາຍຮັບເຂົ້າງົບປະມານ ພູດສູນກາງປະຕິບັດໄດ້ 2.650 ຕື້ກີບ, ເທົ່າກັບ 103,43%, ພູດຂອງແຂວງ ປະຕິບັດໄດ້ 956 ຕື້ກີບ, ເທົ່າກັບ 94,19% ຂອງແຜນການ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here