ເພື່ອເຮັດໃຫ້ເທດສະບານນະຄອນໄກສອນ ພົມວິຫານ ໃຫ້ມີຄວາມສະອາດ ສວຍງາມ.
ດັ່ງນັ້ນໃນຕອນບ່າຍຂອງວັນທີ 22 ກັນຍາ 2020 ນີ້,ທ່ານ ປອ ແສງທອງ ວັງແກ້ວມະນີ ເຈົ້ານະຄອນ ໄກສອນ ພົມວິຫານ ພ້ອມຄະນະ,ເຊິ່ງປະກອບມີ : ພະແນກ ຍທຂ ແຂວງ ແລະ ຫົວໜ້າຫ້ອງການ ຍທຂ ນະຄອນ,ພ້ອມດ້ວຍອໍານາດການປົກຄອງບ້ານໂພນຊາຍ ໄດ້ລົງຕິດຕາມເບິ່ງການແກ້ໄຂສຸກເສີນ ຮ່ອງລະບາຍແຄມທາງເລກ 9B ຢູ່ເຂດບ້ານໂພນຊາຍ ແລະ ເຂດວົງວຽນກະບອງໃຫຍ່ ໃນການລົງຕິດຕາມການແກ້ໄຂຮ່ອງລະບາຍນໍ້າແຄມທາງໃນຄັ້ງນີ້,ເນື່ອງຈາກສະພາບ ຮ່ອງລະບາຍນໍ້າທີ່ອຸດຕັນ ເຊິ່ງເປັນສາເຫດໃຫ້ນ້ຳລົ້ນຖະໜົນ ແລະ ຖ້ວມຂັງບ້ານເຮືອນປະຊາຊົນໃນເວລາຝົນຕົກ ໂດຍນໍາໃຊ້ກົນຈັກສົມທົບກັບແຮງງານຂອງປະຊາຊົນບ້ານໂພນຊາຍ ທີ່ຕື່ນຕົວເປັນເຈົ້າການຢາກແກ້ໄຂບັນຫານໍ້າຖ້ວມຂັງໃນລະດູຝົນທີ່ຊໍາເຮື້ອມາແຕ່ລະປີ.
ໂອກາດນີ້ ທ່ານເຈົ້ານະຄອນໄກສອນ ພົມວິຫານ ກໍ່ໄດ້ຮຽກຮ້ອງໃຫ້ຜູ້ປະກອບການໃຫ້ເອົາໃຈໃສ່ປະຕິບັດແຈ້ງການຂອງທ່ານເຈົ້ານະຄອນ, ກ່ຽວກັບການຕໍ່ຮ້ານຕໍ່ເທີບກາຍເຂດສະຫງວນທາງຄົນຍ່າງ ທັງນີ້ກໍ່ເພື່ອໃຫ້ນະຄອນມີຄວາມສວຍງາມແລະ ໃຫ້ ໄດ້ຄາດໜາຍ 6 ສໍຄື: ສ ສະອາດ ,ສໍ ສະຫງົບ ,ສໍ ສີຂຽວ, ສໍ ສະຫວ່າງ ,ສໍສະເໜ່ ແລະ ສໍ ສີວິໄລໃຫ້ປະກົດຜົນເປັນຈິງໄປເທື່ອລະກ້າວ.
