ໃນວັນທີ 18 ກັນຍາ 2020 ປະຊາຊົນບ້ານນາຫລວງ ນະຄອນຫລວງພະບາງ ໄດ້ສາ ມັກຄີຮ່ວມກັນສ້າງເສັ້ນທາງເບຕົງ ທາງເຂົ້າຮ່ອມ 4 ຂອງບ້ານ ເພື່ອໃຫ້ມີຄວາມສະດວກໃນການໄປມາຫາ ສູ່ກັນ ສະດວກສະບາຍຍິ່ງຂຶ້ນ.
ທ່ານ ອຸດອນ ນາຍບ້ານ ໄດ້ໃຫ້ສໍາພາດວ່າ: ບ້ານນາຫລວງ ມີ 371 ຄອບຄົວ, 2.345 ຄົນ, ຍິງ 175 ຄົນ, ພາຍໃນບ້ານມີທາງຮ່ອມ 11 ຮ່ອມ, ສຳລັບການສ້າງເສັ້ນທາງເບຕົງ ໄດ້ລີເລີມສ້າງຮ່ອມ 4, ໂດຍການປະກອບສ່ວນທຶນຮອນ ແລະ ແຮງງານ ຂອງປະຊາຊົນພາຍໃນບ້ານ ຜູ້ທີ່ຊົມໃຊ້ເສັ້ນທາງ 70% ແລະ ທຶນສົມທົບຂອງພາກລັດ 30%, ລວມມູນທັງໝົດ 61.080.000 ກີບ, ເສັ້ນທາງທີ່ກໍ່ສ້າງມີລວງຍາວ 97 ເມັດ, ລວງກ້ວາງ 5 ເມັດ, ຄາດວ່າຈະໃຊ້ເວລາ 5 ວັນຈຶ່ງຈະສໍາເລັດ. ພາຍຫລັງສໍາເລັດຮ່ອມ 4 ແລ້ວ ຈະສຶບຕໍ່ສ້າງທາງເບຕົງຮ່ອມ 7 ແລະ ຮ່ອມອີກ 9 ຮ່ອມພາຍໃນບ້ານ ເພື່ອໃຫ້ການໄປມາຫາສູ່ກັນສະດວກສະບາຍຍິ່ງຂຶ້ນ.
ນອກຈາກບ້ານນາຫລວງແລ້ວ ອົງການປົກຄອງ ແລະ ປະຊາຊົນ ບ້ານປ່ອງຄຳ ໄດ້ສ້າງເສັ້ນທາງເຂົ້າຮ່ອມນໍ້າດື່ມລາວີ ຫລັງໂຮງຮຽນມັດທະຍົມ ສົມບູນປ່ອງຄໍາ ມີລວງຍາວ 350 ເມັດ, ລວງກ້ວາງ 5 ເມັດ, ລວມມູນຄ່າ 195.000.000 ກີບ ແລະ ບ້ານນາສໍາພັນ ໄດ້ສ້າງເສັ້ນທາງຮ່ອມ 3 ຂອງບ້ານ ມີລວງຍາວ 315 ເມັດ, ລວງກ້ວາງ 5 ເມັດ, ລວມມູນຄ່າ 194.000.000 ກີບ. ການສ້າງເສັ້ນທາງຮ່ອມເຂົ້າບ້ານພາຍໃນ ນະຄອນຫລວງພະບາງຄັ້ງນີ້, ເປັນການສ້າງຂະບວນການຕ້ອນຮັບກອງປະຊຸມໃຫຍ່ ຄັ້ງທີ 8 ຂອງຜູ້ແທນອົງຄະນະພັກ ແຂວງຫລວງພະບາງພະບາງ ທີ່ຈະໄຂຂຶ້ນໃນມໍ່ໆນີ້.
ຂ່າວ: ສົມແກ້ວ ຈົ່ວຈູ່ລີ
