ເຕືອນການເດີນທາງ ເຂດບ້ານນາທົມ ນໍ້າຖ້ວມຂັງ 23 ກັນຍາ 2020

ນະຄອນຫຼວງວຽງຈັນ: ຝົນຕົກແຕ່ເຊົ້າມືດ ວັນທີ 23 ກັນຍາ 2020 ເຮັດໃຫ້ນໍ້າຖ້ວມຂັງໃນຫຼາຍເຂດ, ຈາກການລາຍງານ ແລະ ຮ້ອງທຸກຈາກປະຊາຊົນ ເປັນຈໍານວນຫຼາຍຄອບຄົວ ໜ່ວຍ 26-27 ຮ່ອມ 6 ບ້ານນາທົ່ມ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ ທາງລົດທາງລົດໄຟ ລາວ-ຈີນ ແມ່ນຖ້ວມຂັງ ເຮັດໃຫ້ລົດນ້ອຍ ລົດຈັກ ບໍ່ສາມາດສັນຈອນໄດ້ ເພາະທາງໄດ້ກາຍເປັນໜອງນໍ້າຂັງ.

ປະຊາຊົນ ເຂດດັ່ງກ່າວ ຢືນຢັນໃຫ້ຂໍ້ມູນວ່າ ຫາກຝົນຫຼາຍຍາມໃດ ກໍ່ຈະເຮັດໃຫ້ນໍ້າຖ້ວມແບບນີ້, ແລະ ການແກ້ໄຂບັນຫາ ແມ່ນບໍ່ສາມາດເຮັດໄດ້, ຢ່າງຫຼາຍກະຕ້ອງປະໃຫ້ຈົນນໍ້າແຫ້ງ. ເຊິ່ງເຫັນວ່າ ພາກສ່ວນກ່ຽວຂ້ອງຄວນ ຫາທາງ ໃນການສ້າງຮ່ອງລະບາຍນໍ້າໃຫ້ມີປະສິດທິພາບ ຕາມຈຸດຕ່າງໆ ຂອງເຂດທາງລົດໄຟ ທີ່ເຮັດ ທາງລອດແບບນີ້, ເພາະປະຊາຊົນປະສົບຄວາມຫຍຸ້ງຍາກມາຕັ້ງແຕ່ມີການກໍ່ສ້າງທາງລົດໄຟ ລາວ-ຈີນ ໃນເຂດດັ່ງກ່າວ.

ດັ່ງນັ້ນ, ຈິ່ງຂໍວິ້ງວອນພາກສ່ວນກ່ຽວຂ້ອງໄດ້ກວດສອບ ແລະ ແກ້ໄຂໃຫ້ປະຊາຊົນແດ່.

.

.