ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ.ຖະແຫລງຂ່າວຕໍ່ສື່ມວນຊົນ ຕອນເຊົ້າວັນທີ 22 ກັນຍາ 2020 ເຖິງສະພາບການລະບາດຂອງພະຍາດໂຄວິດ19ວ່າ: ມາຮອດວັນທີ 22 ກັນຍາ 2020, ທົ່ວໂລກມີການລາຍງານການລະບາດ ທັງໝົດ 213 ປະເທດ, ເຂດແຄ້ວນ ມີຜູ້ຕິດເຊື້ອພະຍາດ COVID-19 ທັງໝົດ 31,467,750ຄົນ; -ເສຍຊິວິດ 968,826ຄົນ -ປົວດີ 23,092,095ຄົນ ປະເທດທີ່ຕິດເຊື້ອ ແລະ ເສຍຊີວິດຫຼາຍກວ່າໝູ່ ແມ່ນ ສະຫະລັດອາເມຣິກາ ມີຜູ້ຕິດເຊື້ອສະສົມ 7,043,346ຄົນ, ເສຍຊີວິດ 204,445ຄົນ; ຢູ່ຂົງເຂດອາຊີ ແມ່ນປະເທດອິນເດຍ ທີ່ມີທ່າອ່ຽງໃນການຕິດເຊື້ອ COVID-19 ເພິ່ມຂຶ້ນ, ຈຳນວນຜູ້ຕິດເຊື້ອມື້ດຽວສູງເຖິງ74,493ຄົນ; ໃນບັນດາກຸ່ມປະເທດອາຊຽນ ມີຜູ້ຕິດເຊື້ອທັງໝົດ 618,093ຄົນ ແລະເສຍຊີວິດ15,028ຄົນ.

ວຽກງານການຕິດຕາມຜູ້ເດີນທາງຈາກຈຸດຜ່ານແດນຕ່າງໆ ທົ່ວປະເທດມີຜູ້ເດີນທາງເຂົ້າມາລາວ ມີທັງໝົດ 2,047ຄົນ: ໃນນັ້ນຜ່ານດ່ານລາວ-ໄທ 964ຄົນ ມີແຮງງານລາວກັບມາແຕ່ໄທ176ຄົນ; ຈຸດຜ່ານດ່ານລາວ-ຈີນ 24ຄົນ,ໃນນີ້ມີແຮງງານລາວ 2 ຄົນ ແລະ ແຮງງານຈີນ 1 ຄົນ, ເຫຼືອນັ້ນ ແມ່ນ ຄົນຂັບລົດສົ່ງສິນຄ້າ; ຈຸດຜ່ານດ່ານລາວ-ຫວຽດນາມ 714ຄົນ ໃນນັ້ນ ມີນັກສຶກສາ 3 ຄົນ, ເຫຼືອນັ້ນແມ່ນຄົນຂັບລົດສົ່ງສິນຄ້າ. ເດີນທາງຜ່ານສະໜາມບິນສາກົນວັດໄຕ 342 ຄົນ ໃນນັ້ນມີຄົນຈີນ 296 ຄົນ, ຄົນລາວ 4 ຄົນ ແລະ ຄົນຕ່າງປະເທດ 42 ຄົນ; ທຸກຄົນໄດ້ແທກອຸນຫະພູມຮ່າງກາຍ, ແລະໄດ້ເກັບຕົວຢ່າງທຸກໆຄົນມາກວດ ແລ້ວນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14ວັນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ດຣ. ພອນປະເສີດ ໄຊຍະມຸງຄຸນ ໃຫ້ຮູ້ເຖິງການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດວ່າ: ວັນທີ 21 ກັນຍາ 2020, ໄດ້ເກັບຕົວຢ່າງມາກວດວິເຄາະທັງໝົດ 750ຄົນ, ໃນນັ້ນມີ ແຮງງານລາວມາແຕ່ໄທ 223 ຕົວຢ່າງ, ແຮງງານລາວມາແຕ່ຈີນ 5 ຕົວຢ່າງ, ແຮງງານມຽນມ້າ 103 ຕົວຢ່າງ, ແຮງງານຈີນ 304 ຕົວຢ່າງ, ແຮງງານຫວຽດນາມ 64 ຕົວຢ່າງ, ບຸກຄົນທົ່ວໄປບໍ່ມີອາການ45ຕົວຢ່າງ ແລະບຸກຄົນທົ່ວໄປມີອາການ 06 ຕົວຢ່າງ; ຜົນກວດວິເຄາະທັງໝົດແມ່ນບໍ່ພົບເຊື້ອ,

ດຣ. ພອນປະເສີດ ໄຊຍະມຸງຄຸນ ໃຫ້ຮູ້ອີກວ່າ ນອກຈາກເອົາໃຈໃສ່ຄວບຄຸມພະຍາດໂຄວິດ19ແລ້ວ ກະຊວງສາທາລະນະສຸກ ຍັງໄດ້ເອົາໃຈໃສ່ເຝົ້າລະວັງ ພະຍາດໄຂ້ຍຸງລາຍຕື່ມອີກ ສະເພາະວັນທີ 21 ກັນຍາ 2020 ສ ປປ ລາວ ມີຜູ້ຕິດເຊື້ອໄຂ້ຍຸງລາຍເພີ່ມຂຶ້ນ 54ກໍລະນີ ແລະເສຍຊີວິດ 1ຄົນ; ເປັນເພດຊາຍ ອາຍຸ 40 ປີ, ຢູ່ບ້ານຫຍໍ້, ເມືອງບຸນເໜືອ, ແຂວງຜົ້ງສາລີ. ວັນທີ 4 ກັນຍາ 2020 ຜູ້ກ່ຽວມີອາການ ໄຂ້, ເຈັບຫົວ, ປວດຕົນໂຕ, ມີຈຸດຈ້ຳເລືອດຕາມຕົນໂຕ. ວັນທີ 6 ກັນຍາ 2020 ໄດ້ມາກວດຢູ່ໂຮງໝໍແຂວງອຸດົມໄຊ, ແພດໄດ້ເກັບຕົວຢ່າງກວດຊອກຫາເຊື້ອພະຍາດ ຜົນກວດແມ່ນພົບເຊື້ອ ພະຍາດໄຂ້ຍຸງລາຍ, ທ່ານໝໍໄດ້ແນະນຳໃຫ້ນອນຕິດຕາມອາການ ແຕ່ຜູ້ກ່ຽວບໍ່ຍອມນອນ ແລະ ໄດ້ກັບເມືອບ້ານ. ວັນທີ 8 ກັນຍາ 2020 ຜູ້ກ່ຽວໄດ້ກັບມາປິ່ນປົວຢູ່ໂຮງໝໍແຂວງອຸດົມໄຊ ຍ້ອນ ເລືອດດັງອອກ, ເຈັບທ້ອງ, ຮາກອອກເລືອດ, ມີອາການຊ໋ອກ ແລະ ເສຍຊີວິດໃນວັນທີ 9 ກັນຍາ 2020;

ນັບແຕ່ວັນທີ 1 ມັງກອນ 2020 ເຖິງວັນທີ 21 ກັນຍາ 2020 ທົ່ວປະເທດມີຜູ້ຕິດເຊື້ອກໍລະນີສະສົມທັງໝົດ 6,531ຄົນ, ແຂວງທີ່ມີການລາຍງານຫຼາຍກວ່າໝູ່ແມ່ນນະຄອນຫຼວງວຽງຈັນ 1,529ຄົນ, ບໍລິຄຳໄຊ 741ຄົນ, ບໍ່ແກ້ວ 654 ຄົນ ແລະ ແຂວງວຽງຈັນ 650ຄົນ ຈຳນວນຜູ້ເສຍຊີວິດຍ້ອນພະຍາດໄຂ້ຍຸງລາຍມີທັງໝົດ 12ຄົນ, ໃນນັ້ນນະຄອນຫຼວງວຽງຈັນ 4 ຄົນ, ບໍລິຄຳໄຊ 2 ຄົນ, ຄຳມ່ວນ 2ຄົນ, ໄຊຍະບູລີ 1 ຄົນ, ຊຽງຂວາງ 1 ຄົນ, ສະຫວັນນະເຂດ 1 ຄົນ ແລະ ຜົ້ງສາລີ 1 ຄົນ;

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here