ໃນວັນທີ 12 ກັນຍາ 2020 ນີ້, ທ່ານ ປອ ແສງທອງ ວັງແກ້ວມະນີ ເຈົ້ານະຄອນໄກ ສອນ ພົມວິຫານ ພ້ອມຄະນະ ຊຶ່ງປະກອບມີ ຫົວໜ້າຫ້ອງວ່າການປົກຄອງນະຄອນ, ຫົວໜ້າຫ້ອງການຄຸ້ມຄອງ, ພັດທະນາ ແລະ ບໍລິຫານນະຄອນ (ຄພບ) ໄດ້ລົງກວດກາເບິ່ງການທົດລອງຕິດຕັ້ງດອກໄຟ Solar cell ຫຼືດອກໄຟທີ່ໃຊ້ພະລັງງານແສງຕາເວັນເຍືອງທາງເລກ 9B ເຊິ່ງເລີ່ມຈາກຂົວ ສົ້ມປ່ອຍເຂດບ້ານນາເຊັງນະຄອນ ໄກສອນ ພົມວິຫານ ຊຶ່ງມີ ຂະໜາດ 200w ໃສ່ເສົາໄຟເກົ່າປົດງວງດອກໄຟເກົ່າອອກ
ເຖິງເສົາຈະສູງເກີນໄປແຕ່ກໍ່ຈຳເປັນ ແລະ ເຫັນວ່າພໍໝູນໃຊ້ ໄດ້, ເຊິ່ງຈະສືບຕໍ່ຕິດຕັ້ງເຂົ້າມາຮອດວົງວຽນກະບອງໃຫຍ່ມີຈຳນວນ 106 ຕົ້ນ, ໂດຍເປັນໂຄງການທົດລອງແບບສັງຄົມມີສ່ວນຮ່ວມ ເພາະບໍ່ມີງົບປະມານ ຖ້າຈະຕິດຕັ້ງແບບໄຟຕາຂ່າຍແມ່ນມີມູນຄ່າສູງກວ່າຫຼາຍ ເຊິ່ງຖ້າຕິດຕັ້ງສຳເລັດຈະເຮັດໃຫ້ເສັ້ນທາງເຂົ້າຕົວນະຄອນ ໄກສອນ ພົມວິຫານ ມີຄວາມ ສວຍງາມ ແລະ ມີແສງສະຫວ່າງຕາມເສັ້ນທາງເລກທີ 9B ຂຶ້ນຕື່ມ ເປັນການປະຕິບັດຕາມທິດສ້າງ ນະຄອນໄປຕາມ 6ສ.
