ນະຄອນຫຼວງວຽງຈັນ: ລາຍງານຈາກປະຊາຊົນໃຫ້ຮູ້ວ່າ ເກີດເຫດ ລົດຕຳກັນ 3 ຊ້ອນ, ຍ້ອນແຊງກັນບໍຫວິດ ໃນວັນທີ 18 ກັນຍາ 2020 ເວລາປະມານ13:30 ຢູ່ທີ່ ຫລັກ28 ບ້ານຜາສຸກ, ເມືອງໄຊທານີ ນະຄອນຫຼວງວຽງຈັນ.
ລົດທີ່ຮ່ວມເຫດໃນຄັ້ງນີ້ ມີທັງໝົດ 3 ຄັນ, ລ້ວນແຕ່ເປັນລົດໃຫຍ່ ຄື ລົດເມ, ລົດເມ, ລົດຂົນຂີ້ເຫຍື້ອ ແລະ ລົດຂົນສົ່ງນໍ້າມັນ. ເຊິ່ງຈະເຫັນວ່າ ລົດທັງສາມແມ່ນໄດ້ມາຕໍາຄາກັນກາງທາງ ໂດຍມີລົດເມ ແລະ ລົດຂົນສົ່ງນໍ້າມັນຂອງສອງຂ້າງ ແລະ ລົດຂົນສົ່ງຂື້ເຫຍື້ອ ຢູ່ທາງກາງ.
ທີດທາງການຈາລະຈອນແມ່ນ ລົດເມ ແລະ ລົດຂົນຂີ້ເຫຍື້ອ ແມ່ນໄປທິດທາງດຽວກັນ, ສ່ວນລົດຂົນສົ່ງນໍ້າມັນແມ່ນ ສວານທາງມາ. ເພາະສະນັ້ນ, ຈິ່ງເຫັນວ່າ ອຸບັດຕິເຫດ ນີ້ເກີດຂຶ້ນ ເພາະມີການແຊງກັນ ລະຫວ່າງ ລົດເມ ແລະ ລົດຂົນຂີ້ເຫຍື້ອ. ຈົນເຮັດໃຫ້ເກີດເຫດລົດຄາກັນກາງທາງ ແລະ ລົດຕິດເປັນເວລາດົນສົມຄວນ ກ່ອນທີ່ເຈົ້າໜ້າທີ່ຈະມາໄກ່ເກ່ຍ.
ຮຽກຮ້ອງໃຫ້ທຸກຄົນມີສະຕິໃນການຂັບຂີ່ ແລະ ນັບຖືກົດຈາລະຈອນຢ່າງເຄັ່ງຄັດ
