ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ວັນທີ 16 ກັນຍາ 2020 ທີ່ຫ້ອງວ່າການແຂວງຫຼວງພະບາງ ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງພ້ອມດ້ວຍຄະນະໄດ້ເຂົ້າຮ່ວມກອງປະຊຸມບັນດາເມືອງມິດຕະພາບສາກົນ ທີ່ແຂວງຟູຈຽນ ແຫ່ງ ສປ ຈີນ ເປັນເຈົ້າພາບຜ່ານວິດີໂອທາງໄກ ໂດຍເປັນປະທານຂອງ ທ່ານ ວາງ ນີງ ຮັກສາການເຈົ້າແຂວງຟູຈຽນ.

ພາຍຫຼັງຮັກສາການເຈົ້າແຂວງຟູຈຽນ ໄດ້ມີຄຳເຫັນກ່າວໄຂກອງປະຊຸມຢ່າງເປັນທາງການ ບັນດາແຂວງມິດຕະພາບກັນໄດ້ພັດປ່ຽນກັນຂຶ້ນລາຍ ແຜນການຈັດຕັ້ງປະຕິບັດວຽກງານຮ່ວມໃນໄລຍະຜ່ານມາ ຍົກໃຫ້ເຫັນຜົນສຳເລັດຫຼາຍດ້ານ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ໄດ້ມີຄຳເຫັນວ່າ: ແຂວງຫຼວງພະບາງ ເປັນແຂວງໜຶ່ງທີ່ໄດ້ລົງນາມບົດບັນທຶກ ການຮ່ວມມືເມືອງມິດຕະພາບສາກົນຟູຈຽນ-ອາຊຽນ, ເປັນແຂວງໃຈກາງການບໍລິການດ້ານການທ່ອງທ່ຽວ ແລະການພັດທະນາຊັບພະຍາກອນມະນຸດ ໃນ 8 ແຂວງພາກເໜືອຂອງລາວ, ເນື້ອທີ່ສ່ວນໃຫຍ່ເປັນເຂດພູດອຍ, ມີປະຫັວດສາດອັນເກົ່າແກ່, ທີ່ເຄີຍເປັນນະຄອນຫຼວງຂອງປະເທດລາວ, ປີ 1995 ອົງການອຸຍແນັດສໂກ ໄດ້ຮັບຮອງເອົາເມືອງຫຼວງພະບາງໃນເມື່ອກ່ອນ ກໍ່ຄື ນະຄອນ ຫຼວງພະບາງ ໃນປະຈຸບັນ ເປັນເມືອງມໍລະ ດົກໂລກທາງດ້ານວັດທະນະທຳ ແລະທຳມະຊາດ, ຈາກສະພາບຈຸດພິເສດທີ່ສຳຄັນ ອົງການປົກຄອງແຂວງຫຼວງພະບາງ ໄດ້ກຳນົດເອົາຍຸດທະສາດ ການພັດທະນາການທ່ອງທ່ຽວແບບຍືນຍົງ, ການຜະລິດສະອາດ, ຜະລິດອຸດສາຫະກຳ ແລະຫັດຖະກຳຮັບໃຊ້ການທ່ອງທ່ຽວ ເປັນບູລິດມະສິດໃນການພັດທະນາແຂວງ.

ທ່ານກ່າວຕື່ມວ່າ: ກອງປະຊຸມບັນດາເມືອງມິດຕະພາບສາກົນ ຟູຈຽນ-ອາຊຽນແມ່ນມີຄວາມໝາຍຄວາມສຳຄັນຫຼາຍ ສຳລັບ ແຂວງຫຼວງພະບາງອົງການປົກຄອງແຂວງພ້ອມແລ້ວຈະໃຫ້ການຮ່ວມມືສະໜັບສະໜູນ ແລະ ຊຸກຍູ້ໃຫ້ແຕ່ລະຝ່າຍ ເພີ້ມທະວີການຮ່ວມມື ແລກປ່ຽນບົດຮຽນເຊິ່ງກັນ ແລະ ກັນໃນຫຼາຍຂົງເຂດ, ເປັນຕົ້ນດ້ານການຄ້າ, ການລົງທືນ, ການຜະລິດກະສິກຳສະອາດ, ອຸດສາຫະກຳ-ຫັດຖະກຳ, ການທ່ອງທ່ຽວ, ສາທາລະນະສຸກ, ການສຶກສາ ແລະ ອື່ນໆ.

ເຈົ້າແຂວງຫຼວງພະບາງ ກ່າວຕື່ມວ່າ: ນັບຕັ້ງແຕ່ແຂວງຫຼວງພະບາງ ກັບ ແຂວງຟູຈຽນ ໄດ້ສ້າງຕັ້ງສາຍພົວພັນມິດຕະພາບກັນ ໃນ ເດືອນເມສາ ປີ 2019 ເປັນຕົ້ນມາ, ການພົວພັນຮ່ວມມືຫຼາຍຂະແໜງການຂອງສອງຝ່າຍໄດ້ຮັບການພັດທະນາ ແລະເປັນຮູບປະທຳ, ສະແດງອອກ ສອງແຂວງໄດ້ເພີ້ທະວີການປະສານງານ ແລະ ຖອດຖອອນບົດຮຽນເຊິງກັນ ແລະ ກັນ ໃນລະດັບການນຳຂັ້ນສູງ, ພະແນກການຢ່າງເປັນປົກກະຕິ ອັນພົ້ນເດັ່ນ ໃນໄລຍະການແຜ່ລະບາດຂອງພະຍາດໂຄວິດ 19 ແຂວງຟູຈຽນໄດ້ໃຫ້ກາານຊ່ວຍເຫຼືອອຸປະກອນການແພດເພື່ອປ້ອງກັນພະຍາດໂຄວິດ19 ແກ່ແຂວງຫຼວງພະບາງຈຳນວນໜຶ່ງ ເຮັດໃຫ້ການພົວພັນຮ່ວມມືສອງຝ່າຍສືບຕໍ່ເສີມຂະຫຍາຍສາຍພົວພັນມິດຕະພາບທີ່ດີ ແລະ ໄດ້ຮັບໝາກຜົນຢ່າງເປັນຮູບປະທຳ.

Cr: ແຫຼ້ ສຸລີນພອນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here