ກົດຮູບເພື່ອຮັບສ່ວນຫຼຸດເລີຍພີ່ນ້ອງ

ວັນທີ 15 ກັນຍາ 2020 ນີ້, ໂຮງຮຽນກໍ່ສ້າງນາຍສິບເລກ 2 ວຽງໄຊໄດ້ຈັດຕັ້ງພິທີເປີດສົກຮຽນໃໝ່ 2020-2021 ພາຍໃຕ້ ການເປັນປະທານຂອງ ສະຫາຍ ພົນຕີ ຄຳສີ ວົງຄຳຊາວ ກຳມະ ການຄະນະປະຈຳພັກກະຊວງຫົວໜ້າຫ້ອງວ່າການກະຊວງ ປ້ອງກັນປະເທດ, ເປັນກຽດເຂົ້າຮ່ວມຂອງ ສະຫາຍ ປອ ວິໄລວົງ ບຸດດາຄຳກຳມະການສູນກາງພັກ, ເລຂາພັກແຂວງ, ເຈົ້າ ແຂວງໆຈຳປາສັກ, ສະຫາຍ ພັນເອກ ສົມພອນ ມິດຕະພອນ ກຳມະການຄະນະປະຈຳພັກກົມໃຫຍ່ເສນາທິການ ຫົວໜ້າກົມກຳລັງພົນ ກົມໃຫຍ່ເສນາທິການກອງທັບ, ມີຄະນະພັກ-ຄະນະອຳນວຍການ, ຕາງໜ້າກົມໂຮງຮຽນກົມໃຫຍ່ເສນາທິການ ກອງທັບ, ກົມພະນັກງານກົມໃຫຍ່ການເມືອງກອງທັບ, ກົມ ກອງອ້ອມຂ້າງ, ຄະນະຫ້ອງ, ພະແນກ , ຕະຫຼອດຮອດພະນັກ ງານ, ຄູ-ອາຈານ ແລະ ນັກຮຽນເຂົ້າຮ່ວມ.

ສະຫາຍ ພັນເອກ ເພັດສະ ໝອນ ວິລະວອນ ຫົວໜ້າການທະ ຫານໂຮງຮຽນໄດ້ຜ່ານແຜນການ ວຽກງານສິດສອນ-ຮໍ່າຮຽນ, ອົບຮົມ-ຫັດແອບປະຈຳສົກຮຽນ 2020-2021 ອີງຕາມຫຼັກ ສູດວຽກງານອົບຮົມ-ຫັດແອບຂອງກົມໃຫຍ່ເສນາທິການກອງ ທັບ ແລະ ຫຼັກສູດຊັ້ນມັດທະຍົມສຶກສາຕອນປາຍຂອງກະຊວງສຶກສາທິການ ແລະ ກີລາວາງອອກນຳມາຈັດຕັ້ງຜັນຂະຫຍາຍປັບປຸງກໍ່ສ້າງ ແລະ ການສິດສອນສົ່ງຄວາມຮູ້ໃຫ້ນັກຮຽນໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກໃນການປະຕິບັດບັນດາຂໍ້ກຳນົດກົດ ລະບຽບຂອງກອງທັບກໍຄືຂອງໂຮງຮຽນຢ່າງເຂັ້ມງວດ, ເຊິ່ງ ໃນນັ້ນ ມີລະບົບກໍ່ສ້າງສາມັນຊັ້ນ ມ6 ມີ 260 ສະຫາຍ, ຊັ້ນ ມ7 ມີ 270 ສະຫາຍ, ໃນນີ້ໃຊ້ເວລາ 34 ອາທິດຕໍ່ວິຊາຮຽນ, ລະບົບກໍ່ສ້າງ ນາຍສິບ 268 ສະຫາຍໃຊ້ເວລາອົບຮົມ-ຫັດແອບທັງໝົດ 179 ວັນເທົ່າກັບ 1.256 ຊົ່ວໂມງ, ລະບົບກໍ່ສ້າງເລັ່ງລັດ 100 ສະ ຫາຍ, ຍິງ 1 ສະຫາຍ (ການເມືອງ- ການທະຫານຂັ້ນໝວດ, ຂັ້ນກອງ ຮ້ອຍ) ໃຊ້ເວລາອົບຮົມ-ຫັດແອບ ທັງໝົດ180 ວັນເທົ່າກັບ1.260 ຊົ່ວ ໂມງ ໃນນັ້ນແບ່ງອອກເປັນ 2 ເຫຼົ່າຄື :ເຫຼົ່າການການເມືອງ (ປະກອບມີ 2 ພາກ), ເຫຼົ່າການທະຫານ ( ປະກອບມີ 2 ພາກ) ນັກຮຽນທີ່ຈົບໄປຖືເອົາຄຸນນະພາບເປັນກົກນອກນີ້, ຍັງຍົກໃຫ້ເຫັນບັນດາຂໍ້ກຳນົດກົດລະບຽບຂອງກອງທັບກໍຄືຂອງໂຮງຮຽນເຊິ່ງນັກຮຽນຕ້ອງປະຕິບັດໃຫ້ໄດ້ຢ່າງເຂັ້ມງວດ ແລະ ຮັບປະກັນການລ້ຽງດູກຳລັງຕະຫຼອດເຖີງວຽກງານຮັບປະກັນຕ່າງໆເຂົ້າໃນການອົບຮົມ- ຫັດແອບໃຫ້ໄດ້ຮັບປະສິດທິຜົນສູງ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໂອກາດນີ້ ສະຫາຍ ພົນຕີ ຄຳ ສີ ວົງຄຳຊາວ ໄດ້ໂອ້ລົມຫຼາຍບັນ ຫາສຳຄັນ ພ້ອມທັງໄດ້ເນັ້ນໜັກ ໃຫ້ຄະນະພັກ ຄະນະບັນຊາແຕ່ລະ ຂັ້ນຕະຫຼອດຮອດພະນັກງານ, ຄູ-ອາຈານເອົາໃຈໃສ່ໃນການຄຸ້ມ ຄອງບັນຊາ ແລະ ສົ່ງຄວາມຮູ້ໃຫ້ ນັກຮຽນ, ຕ້ອງຖືເອົາຄຸນນະພາບ ເປັນກົກ, ບົນພື້ນຖານສອນດີ, ສອນເກັ່ງ, ສ້າງນັກຮຽນດີທີ່ມີຄຸນ ນະພາບ ແລະ ນັກຮຽນເກັ່ງ, ພ້ອມ ນັ້ນກໍເອົາໃຈໃສ່ປະຕິບັດຂໍ້ກຳ ນົດກົດລະບຽບຕ່າງໆຂອງກອງ ທັບກໍຄືຂອງໂຮງຮຽນວາງອອກ ໃຫ້ໄດ້ຢ່າງເຂັ້ມງວດຖືເອົາການ ເຝິກຝົນຫຼໍ່ຫຼອມຕົນເອງຢ່າງ ຮອບດ້ານຍາດໄດ້ຄະແນນດີ, ຄະແນນເກັ່ງ. ໂອກາດດຽວກັນ ຍັງໄດ້ຮັບຊົມການສວນສະໜາມ ຂອງພະນັກງານ ແລະ ນັກຮຽນ ຢ່າງເປັນຂະບວນຄຶກຄື້ນ.

ຂ່າວ : ຄຳແປງ ຟອງສາຍໄໝ

---------------

ຢ່າລືມເປັນກໍາລັງໃຈໃຫ້ພວກເຮົາ, ກົດຕິດຕາມເພຈ All in LAOS

LEAVE A REPLY

Please enter your comment!
Please enter your name here