ບອກບຸນຂ່າວຕໍ່ ພິທີລົງອຸໂປສົດສັງຄະກັມ ຢູ່ທີ່ວັດຮ່ອງຄ້າ ນາຄາຣາມ, ເມືອງຈັນທະບູລີ, ນະຄອນຫຼວງວຽງຈັນ ໃນມື້ວັນພະຫັດ ທີ 17 ກັນຍາ (09) 2020, ກົງກັບແຮມ 15 ຄໍ່າເດືອນ 10 ພສ 2563 ມີພຣະຈຳນວນ 333 ອົງຈາກວັດຕ່າງໆທົ່ວເມືອງຈັນທະບູລີເຂົ້າຮ່ວມ ດັ່ງມີລາຍລະອຽດລຸ່ມນີ້:
- ເວລາ 11:00 ນາທີ ຖວາຍພັດຕາຫານເພນ ແລະ ເຄື່ອງໄຊຍະທັມຕ່າງໆ ແດ່ຄະນະສົງທີ່ເດີນທາງມາຈາກວັດຕ່າງໆ;
- ເວລາ 12:15 ນາທີ ເລີ່ມເຂົ້າສູ່ພິທີໄຫວ້ພຣະ, ຮັບສິນ, ຟັງທຳມະເທສະນາ, ຄາຣະວະ, ຮັບພອນ, ຢາດນໍ້າ;
- ເວລາ 13:30 ນາທີ ລົງອຸໂປສົດສັງຄະກຳ ແລະ ຟັງໂອວາດຈາກພຣະມະຫາເຖຣະ
ດັ່ງນັ້ນ; ໃນນາມຄະນະສົງຈິ່ງຂໍຈະເລີນພອນ/ເຊີນ ອອກຕົນຍາດໂຍມພຸດທະບໍຣິສັດຜູ້ໃຈບຸນໃຈກຸສົນທັງຫຼາຍ ຮ່ວມເປັນເຈົ້າພາບເຈົ້າສັດທາຖວາຍເຄື່ອງດື່ມ, ນໍ້າຊາ, ກາເຟ, ນໍ້າປານະ ແລະ ເຄື່ອງໄຊຍະທັມຕ່າງໆຕາມກຳລັງສັດທາ ຕາມວັນເວລາ ແລະ ສະຖານທີ່ ທີ່ກຳນົດໄວ້ຂ້າງເທິງນີ້ດ້ວຍ.
ຂໍອວຍພອນໄຊໃຫ້ທຸກທ່ານຈົ່ງມີແຕ່ຄວາມສຸກຄວາມຈະເລີນ ມັ່ງມີສີສຸກ ເຕັມໄປດ້ວຍຈະຕຸຣະພິດທະພອນໄຊ 04 ປະການຄື: ອາຍຸ ວັນນະ ສຸຂະ ພະລະ ດ້ວຍເທີ້ນ.
