ອາລະວາດຕີກັນຈົນຫົວແຕກທີ່ບ້ານຂ້າມງອຍ

ນະຄອນຫຼວງວຽງຈັນ: ສະມາຄົມອາສາກູ້ໄພ ນະຄອນຫຼວງວຽງຈັນ ແຈ້ງໃຫ້ຮູ້ວ່າ ໃນວັນທີ 16 ກັນຍາ 2020 ເວລາ 00:23 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າ ມີເຫດອາລະວາດຕີກັນ ຢູ່ບ້ານ ຂາມງອຍ ເມືອງ ໄຊເສດຖາ ແຂວງ ນະຄອນຫຼວງວຽງຈັນ

ທີມກູ້ຊີບກູ້ໄພນະຄອນຫຼວງ (ສູນສັ່ງການ) ຈຶ່ງໄດ້ອອກກວດສອບເຫດພົບຜູ້ບາດເຈັບ 01 ຄົນ ເພດຊາຍ. ໂດຍມີອາການເບື້ອງຕົ້ນແມ່ນ ຫົວແຕກ, ຫູຈີກ ແລະ ບາດແຜຕາມຕົນໂຕ. ດັ່ງນັ້ນ, ອາສາກູ້ໄພ ຈຶ່ງໄດ້ປະຖົມພະຍາບານຂັ້ນເບື້ອງຕົ້ນແລ້ວນຳສົ່ງໂຮງຫມໍມິດຕະພາບ 150 ຕຽງ ເພື່ອໄປປີ່ນປົວ.

ສ່ວນສາເຫດແລະຄູ່ກໍລະນີ ທາງພາກສ່ວນເຈົ້າໜ້າທີ່ຈະດໍາເນີນການໄກ່ເກ່ຍກັນຕໍ່ໄປ. ເບື້ອງຕົ້ນ ຮູ້ມູນເຫດແມ່ນມີການຊຸມແຊວແລະຜິດຖຽງກັນ.

ອຸປະຕິເຫດສຸກເສີນໂທ : 🚑 1624 🚑. ຖ້າທ່ານໃດຕ້ອງຢາກເປັນສ່ວນໜື່ງໃນການຊ່ວຍເຫຼືອໜ່ວຍງານພວກເຮົາໃນການບໍລິຈາກ ອຸປະຖຳຕ່າງໆເຊັ່ນ :

• ເຂົ້າສານ,ອາຫານການກີນ
• ອຸປະກອນການແພດຕ່າງໆ
• ສາມາດເຂົ້າມາໄດ້ພົວພັນທີ່: ສູນສັງການ ບ້ານໂພນພະເນົາເມືອງໄຊເສດຖາ ນະຄອນຫຼວງວຽງຈັນ ຕິດຕໍ່ສອບຖາມ: 020 2244 1624