Skip to content

All in LAOS

Travel more, Know more, Enjoy more

  • ເລື່ອງເດັ່ນ
  • ຂ່າວສານບ້ານເມືອງ
  • ສາລະໜ້າຮູ້
  • ທຸລະກິດ
  • Toggle search form

ຮອງປະທານປະເທດ ຕ້ອນຮັບທູດໄທ ເຂົ້າຢ້ຽມຂໍ່ານັບອຳລາ

Posted on 15/09/202015/09/2020 By News No Comments on ຮອງປະທານປະເທດ ຕ້ອນຮັບທູດໄທ ເຂົ້າຢ້ຽມຂໍ່ານັບອຳລາ

ໃນວັນທີ 15 ກັນຍາ 2020 ນີ້, ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບອຳລາຂອງ ທ່ານ ດຳຣົງ ໃຄ່ຄວນ ເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ ໃນໂອກາດທີ່ທ່ານຈະສຳເລັດໜ້າທີ່ການທູດ ຢູ່ ສປປ ລາວ ໃນວັນທີ 30 ກັນຍາ 2020 ທີ່ຈະມາເຖິງນີ້.

ໂອກາດນີ້, ທ່ານ ພັນຄຳ ວິພາວັນ ກໍໄດ້ກ່າວສະແດງຄວາມຊົມເຊີຍ ແລະ ຕີລາຄາສູງຕໍ່ ທ່ານ ດຳຣົງ ໃຄ່ຄວນ ທີ່ໄດ້ສຳເລັດການປະຕິບັດໜ້າທີ່ການທູດຢູ່ ສປປ ລາວ ເຖິງວ່າຈະເປັນເວລາອັນສັ້ນ ແຕ່ກໍໄດ້ມີການປະກອບສ່ວນສຳຄັນໃນການສາຍພົວພັນທີ່ດີ, ເປັນປະເທດບ້ານໃກ້ເຮືອນຄຽງທີ່ມີການຜູກພັນກັນທາງດ້ານຮີດຄອງປະເພນີ, ວັດທະນະທຳ, ພາສາປາກເວົ້າ ແລະ ເປັນແກ່ວດອງກັນມາແຕ່ບູຮານນະການ. ໃນໄລຍະປະຕິບັດໜ້າທີ່ການທູດ ທ່ານໄດ້ມີບົດບາດສຳຄັນໃນການເພີ່ມທະວີສາຍພົວພັນ ແລະ ການຮ່ວມມືຂອງສອງປະເທດ ສປປ ລາວ-ຣາຊະອານາຈັກໄທ ໂດຍສະເພາະຝ່າຍໄທໄດ້ສະໜັບສະໜູນທຶນການສຶກສາໃຫ້ແກ່ ສປປ ລາວ ໃນລະດັບປະລິນຍາໂທ ຈຳນວນ 30 ທຶນ ຕໍ່ປີ ແລະ ທຶນຝຶກອົບຮົມ, ທັດສະນະສຶກສາ ໃນຂະແໜງການຕ່າງໆ ຈຳນວນ 20 ຫລັກສູດ. ນອກນັ້ນ, ການຮ່ວມມືດ້ານໂຄງການພາຍໃຕ້ກອບການຮ່ວມມືດ້ານວິຊາການ ລາວ-ໄທ ຄັ້ງທີ 23 (ຂະແໜງການສຶກສາ, ກະສິກຳ ແລະ ປ່າໄມ້, ສາທາລະນະສຸກ ແລະ ອື່ນໆ) ຈຳນວນ 16 ໂຄງການ ທີ່ຝ່າຍໄທ ໃຫ້ການສະໜັບສະໜູນຊ່ວຍເຫລືອລ້າ ແລະ ກຳລັງສືບຕໍ່ປະຕິບັດດຳເນີນການລະຫວ່າງ ປີ 2019-2020. ສປປ ລາວ ແລະ ຣາຊາອານາຈັກໄທ ໄດ້ສ້າງສາຍພົວພັນການທູດນຳກັນ ໃນວັນທີ 19 ທັນວາ 1950.

ທ່ານ ດຳຣົງ ໃຄ່ຄວນ ກໍໄດ້ສະແດງຄວາມຂອບໃຈຕໍ່ ທ່ານຮອງປະທານປະເທດ ທີ່ໄດ້ສະຫລະເວລາ ໃຫ້ການຕ້ອນຮັບຢ່າງອົບອຸ່ນ, ພ້ອມທັງໄດ້ສະແດງ ຄວາມຂອບໃຈຢ່າງສູງ ຕໍ່ລັດຖະບານ ສປປ ລາວ ທີ່ໄດ້ໃຫ້ການຮ່ວມມື ແລະ ສະໜັບສະໜູນຊ່ວຍເຫລືອ ກໍຄື ອຳນວຍຄວາມສະດວກ ທຸກປະການ ເຮັດໃຫ້ການປະຕິບັດໜ້າທີ່ ການທູດຂອງຕົນຢູ່ ສປປ ລາວ ປະສົບຜົນສຳເລັດເປັນຢ່າງດີ ແລະ ຈະສືບຕໍ່ປະກອບສ່ວນຊ່ວຍຊຸກຍູ້ສາຍພົວພັນ ແລະ ການຮ່ວມມື ລາວ-ໄທ ໃຫ້ເຂັ້ມແຂງ ແລະ ຂະຫຍາຍ ຕົວຍິ່ງໆຂຶ້ນໃນຕໍ່ໜ້າ.

ຂ່າວ: ສົມຫວັງ

ພາບ: ຂັນໄຊ

ຂ່າວສານບ້ານເມືອງ

Post navigation

Previous Post: ປະກາດຫາລູກຄ້າທີ່ບໍ່ຈ່າຍຄ່ານໍ້າມັນລົດ ຂີ່ລົດໜີເລີຍ
Next Post: ຂ່າວດີ ລັດຖະບານຈະຊ່ວຍໃຫ້ການນໍາເຂົ້າລົດໄຖນາສະດວກຂຶ້ນ ເພື່ອລຸດຜ່ອນຕົ້ນທຶນການນໍາເຂົ້າ

Related Posts

ເກີດເຫດ ລົດບັນທຸກ 6 ແລະ 22 ລໍ້ ປະທະກັນ ຢູ່ທາງໂຄ້ງ ຂ່າວສານບ້ານເມືອງ
ປະກາດແຈ້ງຕາມຫາຄົນຫາຍພົບເຫັນຊ່ວຍແຈ້ງແດ່ເດີ້1 ຂ່າວສານບ້ານເມືອງ
ແຕ່ງຕັ້ງ ທ່ານ ຮສ ດຣ ພູທອນ ເມືອງປາກ ເປັນປະທານອົງການກາແດງລາວ ຂ່າວສານບ້ານເມືອງ
ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ ຂ່າວສານບ້ານເມືອງ
ເຈົ້າເມືອງໆ ຈັນທະບູລີ ອອກແຈ້ງການໃຫ້ປິດດຳເນີນກິດຈະການຮ້ານອາຫານຊົ່ວຄາວ ຂ່າວສານບ້ານເມືອງ
ມອບ-ຮັບຜົນສຳເລັດໂຄງການກໍ່ສ້າງເສັ້ນທາງເປຕົງເຂົ້າບ້ານທ່າມ່ວງ ເມືອງຈຳພອນ  ຂ່າວສານບ້ານເມືອງ

Leave a Reply

Your email address will not be published. Required fields are marked *

Copyright © 2023 All in LAOS.

Powered by PressBook Grid Blogs theme