ໃນວັນທີ 8 ກັນຍາ 2020 ນີ້, ກອງບັນຊາການທະຫານ ແຂວງ ສະຫວັນນະເຂດ ໄດ້ຈັດພິທີປະ ກາດແຕ່ງຕັ້ງຫົວໜ້າການເມືອງ ກອງບັນຊາການທະຫານແຂວງ ຂອງຕົນໂດຍການເຂົ້າຮ່ວມເປັນ ປະທານຂອງຂອງສະຫາຍ ພົນຕີ ແອສະໄຫມ ເລືອງວັນໄຊ ຄະນະປະຈຳພັກກະຊວງຮອງລັດຖະມົນຕີກະຊວງປ້ອງກັນປະ ເທດ, ມີທ່ານ ທອງທ່ຽງ ສີດາ ວົງ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີກົມຈັດຕັ້ງພັກ-ພະນັກງານກົມໃຫຍ່ການເມືອງກອງທັບ, ຄະນະພັກ-ຄະນະບັນຊາກອງບັນຊາການທະຫານແຂວງ, ເຈົ້ານະຄອນ ໄກສອນພົມວິຫານ, ແຂກທີ່ຖືກເຊີນຈາກກອງພົນທີ 4 ກອງພັນໃຫຍ່ 644, ໂຮງໝໍບໍລິເວນ 109 ໂຮງງານສ້ອມແປງພາກກາງ ແລະ ປກສ ແຂວງກໍ່ໄດ້ເຂົ້າຮ່ວມ.

ໃນພິທີ, ສະຫາຍ ພົນຈັດຕະວາ ພູມີ ດາລາເພັດ ຫົວໜ້າກົມພະນັກງານກົມໃຫຍ່ການເມືອງກອງທັບໄດ້ຂຶ້ນຜ່ານດຳລັດຂອງນາຍົກລັດຖະມົນຕີວ່າດ້ວຍການແຕ່ງຕັ້ງຫົວໜ້າການເມືອງກອງບັນຊາການທະຫານແຂວງສະຫວັນນະເຂດສະບັບເລກທີ 452/ນຍ ລົງວັນທີ 29 ກໍລະກົດ 2020 ໂດຍແຕ່ງຕັ້ງສະຫາຍ ພັນເອກ ສີ ທະວີໄຊ ເປັນຫົວໜ້າການເມືອງກອງບັນຊາການທະຫານແຂວງສະຫວັນນະເຂດ ແລະຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດວ່າດ້ວຍການແຕ່ງຕັ້ງຮອງຫົວໜ້າຫ້ອງພະລາທິການທະຫານແຂວງສະຫວັນນະເຂດ ເລກທີ 3490/ກປທ ລົງວັນທີ 20 ສິງຫາ 2020 ໂດຍແຕ່ງຕັ້ງສະຫາຍ ພັນຕີ ພອນສຸກ ວົງຄຳສົມ ເປັນຮອງຫົວໜ້າຫ້ອງພະລາທິການທະຫານແຂວງສະຫວັນະເຂດ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

LEAVE A REPLY

Please enter your comment!
Please enter your name here