ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ຕອນເຊົ້າວັນທີ 2 ກັນຍາ 2020 ນີ້ ຫ້ອງເຕັກນິກທະຫານແຂວງຫຼວງພະບາງ ໄດ້ຈັດພິທີເຊື່ອມຊຶມເອກະສານທີ່ສໍາຄັນຂອງຊາດ, ຂອງພັກ. ໂດຍການຜັດປ່ຽນກັນຂື້ນເຜີ່ຍແຜ່ ຂອງສະຫາຍ ພັນໂທ ຄໍາບົງ ໄຊຍະວົງສາ ຄະນະພັກກອງບັນຊາການ ຫົວໜ້າຫ້ອງເຕັກນິກທະຫານແຂວງ ແລະ ສະຫາຍ ພັນໂທ ບົວວອນ ສຸລິວົງ ຮອງເລຂາຄະນະພັກຮາກຖານ ຮອງຫົວໜ້າຫ້ອງເຕັກນິກທະຫານແຂວງ, ມີຄະນະພັກ – ຄະນະບັນຊາ, ພະແນກການ, ກອງຮ້ອຍທີ່ຂື້ນກັບ ແລະ ພະນັກງານ – ນັກຮົບພາຍໃນອົງການດັ່ງກ່າວເຂົ້າຮ່ວມຮັບຟັງ.

ສະຫາຍ ພັນໂທ ຄໍາບົງ ໄຊຍະວົງສາ ໄດ້ຍົກໃຫ້ເຫັນປະຫວັດມູນເຊື້ອ ຂະບວນວິວັດແຫ່ງການຕໍ່ສູ້ ອັນຍືດເຍື້ອຍາວນານຂອງປະຊາຊົນລາວບັນດາເຜົ່າ, ເຊິ່ງໄດ້ເກີດຂື້ນໃນລະຫ່ວາງວັນທີ 23 ສິງຫາ 1945 ແລະ ວັນທີ 23 ສິງຫາ 1975 ນັ້ນກໍຄື, ຂະບວນການລຸກຮືຂື້ນຂອງປະຊາຊົນລາວບັນດາເຜົ່າ, ເພື່ອຍຶດອໍານາດທັບມ້າງແອກປົກຄອງຂອງພວກລ່າເມືອງຂຶ້ນ, ທີ່ຄອບງໍາປະເທດລາວມາຫຼາຍສິບປີ ແລະ ເປັນການເປີດສາກ ໃຫ້ແກ່ການເຄື່ອນໄຫວປະຕິວັດລາວກ້າວເຂົ້າສູ່ສັງກາດໃໝ່, ພາຍໃຕ້ການນໍາພາຂອງພັກປະຊາຊົນ ປະຕິວັດລາວ ໂດຍການນໍາໃຊ້ສາມບາດຄ້ອນຍຸດທະສາດ ເພື່ອຍຶດອໍານາດການປົກຄອງໃນຂອບເຂດທົ່ວປະເທດແບບບົວບໍ່ຊໍ້ານໍ້າບໍ່ຂຸ່ນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ດັ່ງນັ້ນພວກເຮົາທຸກຄົນຈະຕ້ອງໄດ້ພ້ອມກັນເສີມຂະຫຍາຍມູນເຊື້ອ 23 ສິງຫາ ເຂົ້າໃນຂະບວນການພັດທະນາປະເທດຊາດໃຫ້ມີຜົນສໍາເລັດ ນໍາພາປະເທດຊາດໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາ. ເອົາໃຈໃສ່ເພີມທະວີການສຶກສາອົບຮົມການເມືອງ – ນໍາພາແນວຄິດ ໃຫ້ພະນັກງານສະມາຊິກພັກ – ນັກຮົບ ແລະ ປະຊາຊົນບັນດາເຜົ່າໃຫ້ມີຄວາມຮັບຮູ້ເຊື່ອມຊຶມຕໍ່ມູນເຊື້ອອັນດີງາມ 23 ສິງຫາ ດ້ວຍຫຼາຍຮູບການຕໍ່ເນື່ອງກ້ວາງຂວາງ, ປຸກລະດົມເສີມຂະຫຍາຍມູນເຊື້ອ 23 ສິງຫາ ເຂົ້າໃນຂະບວນການເຄື່ອນໄຫວຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກ ແລະ ແຜນພັດທະນາເສດຖະກິດ – ສັງຄົມຂອງລັດໃຫ້ປາກົດຜົນເປັນຈິງ. ຕັ້ງໜ້າປັບປຸງຮັດແໜ້ນຄວາມສາມັກຄີປອງດອງທົ່ວປວງຊົນ ພາຍໃຕຮົ່ມທຸງພັກ, ຍົກສູງສະຕິລະວັງຕົວຕໍ່ກົນອຸບາຍຂອງກຸ່ມຄົນທີ່ບໍ່ຫວັງດີ, ເອົາໃຈໃສ່ຕ້ານ ແລະ ສະກັດກັ້ນບັນຫາປາກົດການຫຍໍ້ທໍ້ໃນສັງຄົມ, ກົມກອງ. ພ້ອມກັນນີ້ ກໍ່ຕ້ອງເພີ່ມທະວີຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍໃຫ້ມີຄວາມສັກສິດ, ເຊີດຊູນໍ້າໃຈຮັກຊາດ ແລະ ພັດທະນາ ບົນຈິດໃຈເພິງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ປະຕິບັດແນວທາງນະໂຍບາຍການຕ່າງປະເທດ, ລະບຽບກົດໝາຍຂອງລັດ, ຂໍ້ກໍານົດກົດລະບຽບຂອງກອງວ່າງອອກໃຫ້ໜັກແໜ້ນເຂັ້ມງວດ.

ພິທີຍັງໄດ້ເຜີຍແຜ່ເອກະສານມະຕິ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 13 ສະໄໝທີ VII ໂດຍສະເພາະແມ່ນການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ ໃນ 6 ເດືອນຕົ້ນປີ 2020 ແລະ ທິດທາງຈຸດສຸມ 6 ເດືອນທ້າຍປີ 2020 ເຊິ່ງປະກອບດ້ວຍ 5 ເນື້ອໃນຄາດໝາຍສູ້ຊົນ. ການແກ້ໄຂບັນຫາປາກົດການຫຍໍ້ທໍ້ດ້ານຕ່າງໆໃນສັງຄົມ ປະກອບດ້ວຍ 3 ເນື້ອໃນ ແລະ ການກະກຽມດໍາເນີນກອງປະຊຸມໃຫຍ່ຜູ່ແທນອົງຄະນະພັກແຂວງ ຄັ້ງທີ VIII ປະກອບດ້ວຍ 10 ເນື້ອໃນທີ່ຈະພ້ອມກັນສູ້ຊົນອອກແຮງປະກອບສ່ວນຢ່າງຕັ້ງໜ້າ ເພື່ອເຮັດໃຫ້ບັນລຸຕາມແຜນການທີ່ວາງໄວ້. ໂອກາດນີ້ ສະຫາຍ ພັນໂທ ບົວວອນ ສຸລິວົງ ໄດ້ຂື້ນຜ່ານຂໍ້ຕົກລົງການຄຸ້ມຄອງປ້າຍ ແລະ ການປະດັບປະດາ ຢູ່ຕາມເທດສາບານນະຄອນ, ແຂວງ. ພ້ອມທັງຂື້ນປາຖະກະຖາວັນເຊັ່ນສັນຍາມິດຕະພາບການຮ່ວມມື ແລະ ວັນສ້າງຕັ້ງສາຍພົວພັນການທູດ ລາວ – ຫວຽດນາມ 18 ກໍລະກົດ 1977 – 18 ກໍລະກົດ 2020 ຄົບຮອບ 43 ປີຕື່ມອີກ.

ໂດຍ: ສົມພອນ ສຸວັນທອນ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here